ياحسرتي دمرت نفسي بنفسي من كثر كلامي عند زوجي عن العوانس
غباء مني وصلني الى هذا الحال
حياتي كانت مستقرة ولله الحمد والمنة مع زوجي ماشاء الله
لكن جدثت العاصفة بعد اصبحت ادخل عالم المطلقات والعوانس وارى احوالهن ويضيق صدري لوضعهن واصبحت ابحث في المنتديات الاخرى عن احوالهن واتابعها وكنت احكي لزوجي عنهن وشقاءهن بدون ازواج وطبعا زوجي من النوع الحنون كان يحن قلبه دائما واصبح يدخل ايضا عالمهن
قبل يومين جاء وطلب مني النقاش في موضوع فقال لماذا المرأة ترفض ان يتزوج الرجل من اخرى
فقلت لاتريد ان يشارك قلب زوجها امراءة اخرى غيرها
قال تفكير غبي لان مكانه المرأة وحبها لن يتغير
قلت وليش الشقى اذا كان الرجال مستقر حياته
قال لازم يفكر المجتمع بالعوانس والمطلقات ما ذنبهن أنهن يحرمن من الزواج
قلت وانا وش ذنبي انهم ياخذون زوجي
قال لا تصيرين انانية هم مساكين ولا راح يضر المرأة شئ
خصوصا زواج المسيار اعتقد انه يسعد الطرفين
خلاص هنا اناولعت قلت يتزوج الرجال زواج عادي اهون من انه يتزوج زواج مسيار
وليش الرجال يفضل ان مرته ماتدري
قال ليش ماتدري عادي يعلمها ويعلم كل الناس بعد هو ماسوى شئ حرام
قلت يعني مو مسيار
قال لا مسيار مالها سكن ولا ليله
و ماراح يضر الاولى شئ لو رح الرجال لها مره في الشهر ارتاح من ازعاج الأطفال وريح واعطى هالمسكينه حقها والله المفروض ان المجتمع كله يلتفت لهالمشكلة حتى ماتتفاقم
قلت طيب في رجال ماتزوجو ليش مايساعدون ماديا
طبعاانا كنت 
قال انا ماكنت ادري ان حياة المطلقات والعوانس كذا علشان كذا رحمتهم
قلت في نفسي حسبي الله عليك ياام ربيعة
استجمعت قواي وقلت شف اذا فكرت مجرد تفكير انك تتزوج علي والله مااقعد في بيتك دقيقة
قال وانا قلت لك اني بتزوج مجرد مشكلة في المجتمع نتناقش عليها وانما ماافكر بالزواج رغم اني اايده جدا
قلت ليش
قال مالي خلق واحس اني عجز ولا احب الزعزعة احب اني اكون مستقر
قلت وانا
قال هو مو حرام
ولا انا خايف لو ابي اعرس اول ماتدرين أنتِ
ها وش رايكم الى اي حد وصل غبائي
وازيدكم من الشعر بيت كنت دايما اقوله عن مشاكل الحريم الخاصة واللي يعتبرها الرجال حسنه وانا افتقد هالشئ وكان دايما يقولي ياغبية لاتقولين لي عن اي شئ عن الحريم الثانيات مايصلح
وكنت اسولف عن صديقاتي وكني اسولف مع حرمه وهو دايما يقولي ترى الرجال مايصلح ينقاله كذا
ام ربيعة
التعديل الأخير تم بواسطة ملاك الغربة ; 06-01-2008 الساعة 06:43 PM
السبب: تكبير الخط وتصحيح الاخطاء الإملائية وتعديل بعض كلمات العنوان لتكون بالفصحى ..
06-01-2008, 12:54 PM
ضوابط المشاركة
العرض الشجري