زوجي والنقاش نفس المواضيع
السلام عليكم ورحمة الله تعالى وبركاته
اردت طرح مشكلي طالبة النصح ومعرفة ارائكم لتجاوز الوضع
انا متزوجة من 4 اشهر فقط بينا عدة فروقات انا وزوجي (التعليم - السن..) لكن حاولت بعناء اني اتكيف مع الوضع والحمد لله
المشكلة ان زوجي بطئ التنفيذ ويفكر مليون مرة قبل لا يشتري او يسوي شئ يعني لما نحب نسوي شغلة يظل يكلمني فيها ويناقشني ونتبادل الاراء لشهر واكثر ( طوال مدة زواجنا الي ما تعدت 4 اشهر اتكرر نفس الشئ على كل صغيرة وكبيرة ) لين انا امل وتطلع روحي من الكلام فنفس الموضوع والمشكلة ان الامر مايتعلق بطلباتي بل بشئ يكون هو حاب يسويه (شغلات للبيت شغلات تخصنا ....)
اللي زاد الامر سوء اني انا دقيقة جدا واخذ الامور بمنتهىالجدية و البساطة في التنفيذ يعني لما اريد اسوي شغلة اشتري شئ يكفيني مشوار واحد اسوي الشغلة على طول ما اكثر حكي واخذ و ارد على شئ تافه ما يستاهل
طوال الاربعة اشهر ما عمري علقت على هذا الشئ وبطنش
اليوم انفجرت عليه لما جاء يعاتبني ليه انا اشتريت شئ ( من احتياجاتي) وما انتظرت لين يشتريه لي هو مثل ما وعد قبل اكثر من شهرين اجبته بمنتهى البساطة اني انتظرته شهرين كاملين وما اقدر انتطره اكثر من شهرين على شئ انا محتاجته للضرورة ( للعلم ولله كل الحمد والشكر ماعندنا مشاكل مادية تبرر التاخير المستمر لكل صغيرة وتافهة وكبيرة )
اتمنى تفيدوني كيف اتصرف لتجاوز الوضع
انا انجن من حديثه المتكرر على نفس الشئ البسيط الي ما يستاهل مداولات
وانا ادري ان ذا الشئ لن يتحقق لا فهذا الاسبوع ولا الاسبوع الجاي يمكن بعد كم شهر
للعمل في شغلات معلقة كان يكلمني عندنا من ايام الخطوبة
(للعلم انا لي راتبي واقضي منه احتياجاتي الخاصة دون ان الجا اليه حتى انه مر عيد الاضحى ثاني عيد لنا مع بعض وما كلف نفسه يشتري لي ولو قارورة عطر من باب الذوق واهديته انا ..بمناسبة العيد وانا لا طلبت ولا علقت لان مثل ما ذكرت لي راتبي ومكفيني والحمد لله لاحتياجاتي الخاصة )
لكن اكضم الغيظ وانا اسمع نقاشه فنفس المواضيع اللي اقدر انا اسويها بمجرد تلفون بس انا ما احب اتجاوزه ولا احب اني اكون انا الي ممشية البيت فوجودرب البيت
التعديل الأخير تم بواسطة سراب يرقب الغد ; 12-01-2008 الساعة 05:08 AM
12-01-2008, 04:56 AM
ضوابط المشاركة
العرض الشجري