السلام عليكم.. اخواني الاعزاء اعضاء المنتدى ابي اعرض عليكم مشكلتي وياليت تساعدوني لان مالي احد اشكيله غيركم بعد الله.. معليش متلبكه اول مره اشارك..المشكله اني ابي طريقة للتعامل مع اهل زوجي لما تصير بينهم وبين زوجي مشادات يعني هم يطالععوني بنظرة اني انا السبب مع اني والله يشهد علي مالي لا في الطحين ولا في العجين والشغله الثانيه كيف اكسر حاجز الصمت اللي بيني وبين زوجي لما يكون زعلان من غيري يعني انا اتعاقب على شي مالي ذنب فيه.. وصدقوني انا اول مره افتح قلبي واشتكي لاحد بس لأني متاكده اني حلاقي الحل عندكم لهالمشكلة والمشكلات الثانيه اللي تاعبتني .. ولكم جزيل الشكر وآسفه على الإطاله

ياحبيبتي هو زعلان من غيرك مو منك.. إذا اتركيه وهو يرضى من نفسه..
مو بكرة تقولين عصب علي وأنا مالي ذنب..

شوفي حبيبتي الرجل بطبيعته يحب الحنان ويحب انك تحتويه وقت زعله يعني مثلا صلحي حاجه حلوه يحبها اقنعيه ينام وديه انت عالسرير صلحي له مساج العبي له في شعره لان هذي الاشياء تعطيه راحه وتهدي اعصابه اما بالنسبه للاهل فهذي مشكله ماله حل اذا رضيوعلىولدهم رضيوعليك واذا زعلو منه زعلو عليك حالن كلنا كذه

صح كلامك كل الغلا بس المشكله انه اذا زعل مني تلاقيه مع اهله عادي والضحكه تشق حلجه بساذا زعل من اهله او من اي حد ثاني يقعد مبوز ولايتكلم كانه ابو الهول وينكد على يومي كله هذا اذا ماكان اكثر من يوم .. ماادري شو اسوي إذاتكلمت معاه بهداوة يقولي لاتكلميني وانا طبعي كذا

صدقتي اختي adell2007 لا وبعد اذا شافو شي زين من ولدهم وتكون الزوجه هي اللي قايلتله عليه او موصيته عليهم يعتبرونه هذا من تربيتهم الزينه لولدهم واذ شافو شي ماعجبهم قالو من الزوجه الله يعين هالمره المسكينه .. مشكوره ع المرور يالغاليه

اختي الله يعينك على اهله ...لكن ما في الا انك تسوي اذن من طين واذن من عجين

يعني خليك عادي معهم ..

اما بالنسبة لزوجك اذا كان زعلان من احد غيرك

فاحسن حل انك تتركينه لاحد ما يروق لحاله

لا تحتكين فيه كثير ..خليك حنونه لكن غير لحوحة

الرجل اذا كان متضايق افضل شي تقدمينه له انك تتركينه لاحد ما يرجع لك بنفسة

وربي يسعدكم

الله يفرج همك وكربك ..

__________________
أختكم

أطلال الشعراء

عزيزتي مادام مالك يد او دخل فالمشاكل اللي تصير بين زوجك واهله فعامليهم عادي ولا تغيري شئ فمعاملتك لكم (وليكن اساس المعاملة معاهم الود والاحترام ومحاولة تليين القلوب )


اما عن زوجك عزيزتي فمن مشاداته مع اهله باين عليه بيتعصب حبتين فحاولي تخليه على راحته لين يهدء

ولا تعتبريه عقاب جماعي او شئ قدري ان اعصابه متوترة ولا تحاولي نقاشه فمثل هذه الاوقات كي لا يشملك الخصام


لكن لما يهدء ويروق ناقشيه واشرحي له انه مو زين اصلا مشاداته مع اهله وان حصلت انت شنو ذنبك ؟؟


واتمنى لك التوفيق والسعادة

معلش حاولى دايما اتنى تساعدى فى حل اى مشكله مع اهله وحاولى تقربى منه لو زعلان وتعرفى ايه اللى مزعله

__________________
ضاقت ولما استحكمت حلقاتها فرجت وكنت اظنها لاتفرج

مممممممـ ... شوفي حبيبتي .. موقف شييييين مااحبه .. بس الحل اذا زعل انك تخلينه لو نص سااااعه .. بهالنص ساعه روحي حضري اكله خفيفه والبسي حااجه تجذبه شوي وعطري بيتك ورتبيه .. وشغلي التفزيوون واقعدي جنبه وعطيه بوسه على خده وقولي حبيبي ماارضى اشوفك زعلااان .. وتمسكني قداامه لو رد عليك بقسوه يعني مابعد لااان .. صدقيني كم دقيقه ويخطف منك اللي سويته وياكل ويسولف وينسى السالفه.. بس لاترجعين تسألينه بالسالفه.. وش فيك وش مافيك.. ترى مو من صالحك خخخخـ ...