السلام عليكم ورحمة الله وبركاته

ان شاء الله الكل بخيييير

انا قصتي طويييييله لكن تكفون ركزوا معي

انا متزوجه من 8 سنوات وعن حب وعشق وعندي بنتين (الله يحفظهم)

طبعا شعاري انا وزوجي ( اختلفنا مين يحب الثاني أكثر ) لأني احبه اكثر من نفسي وهو نفس الشئ

لكن حصلت مشكله بيننا قبل 9 شهور وهي اني لقيت على جهازه بلوتوثات تستحي العين ان تراها وطبعا مو اول مره القى هالحقاره

قلت خلني اشوف شعوره وكأني جلست عليها رحت اضغط كذا ملف وطبعا تركت المحفوظات ومامسحت شئ وصكيت الجهاز

ولما فتحه راح للمحفوظات ولقى الملفات اللي انا فاتحتها وهنا جن جنونه

وفاتحني بالموضوع وقعدت اتبسم عشان اقهره مثل مايسوي فيني دائم

وواضح انه انقهر وصار بيننا جدااااااال الى ان قلتله ايوا ابغى انبسط مثل ماتنبسط

وسألته قلت انت تناظرني نظرة احتقار ودناءه صح ؟ ترى انا ابادلك نفس الشعور اذا قعدت تطالع الحرام

وزعل علي وحقد حقد والله تقول بعير!!!

لكن ماأتحمل زعله وحلفتله اني ماجلست على هالملفات بس كنت ابغاه يحس بغيرتي عليه اذا شاف هالبلوتوثات

ورااااااضيته عدة مرات وبجميع الطرق لكن لاحياة لمن تنادي ومع ذلك والله انه ذلني واهاني

وانا ساكته عشان ماتزيد المشاكل ومره لاحظوا مره بس ناقضته بشئ تافه

قالي انتي مانتي زوجه سنعه شكلي بتزوج عليك بصراحه انرفزت الى ابعد الحدود

عاد له 3 شهور هاجرني وقلتله لاصرت رجال تزوج والله وقتها كنت في حالة غضب ولا انا ماأتحمل زعله وجرحه وادري انها قويه

وبعدها سكت وصار يحترمني ولايجرحني لكن باقي زعلان

وعلى هالحال من شهر 6 هجري الى اخر رمضان كشفته مسجل بموقع زواج

طبعا خلاااااص ضاقت فيني الدنيا وزعلت عليه ووقتها كنت عند اهلي وقلتله لاتجي تاخذني انت ماتبيني وتبي تتزوج علي خلااااص روح الله يسهل دربك وماراح تلقى وحده حبتك كثر ماحبيتك

وحاول يتصل علي لكن طنشته وبعد اسبوعين من المشكله في رمضان ردني بس رده غبيه

وكان الوضع عاااااادي لكن ظل هاجرني الى يومكم هذا

مع ان والله اني اهتم بنفسي وشكلي ونظافتي وهيأت الجو له واكثر من مره

وشكيت ان فيه عجز جنسي لكنه سليم لان اتضح لي فيما بعد انه يمارس العاده السريه

ولا له علاقات نسائيه ولا يطلع خارج البيت الا قليييييييييل واراقب اتصالاته خوفا عليه

ومالاحظت شئ الا قبل شهر تقريبا لقيته مكلم على رقم مره وصوتها كبير لاني دقيت من جوال اختي اتأكد من انها مره

وكان قاعد معها ربع ساعه مشيت الامر وحاولت انسى

لكن قبل يومين جتني بنتي الصغيره وزعلانه وتقول :

{ياماما بابا داعد يتلم حلمه ( المسكينه تحسبها جدتها وتبي تكلمها )وهو يدحك علي ويقول هذي بنت صعيله}

طبعا هذا لسانها ماتعرف تحكي : ) الله يخليها ياااارب

وهنا كانت الصاعقه الكبرى لي لاني كنت اثق فيه وطبعا كنت اراقب مكالماته ومافيه شئ الا هالمكالمتين الغريييييييببه

خصوصا انه داااااااااائم في البيت ولا يطلع حتى شحن الجوال مايشحن الا بالشهر والشهرين 10 ريال

ولاتقولون عنده جوال ثاني لاااااا لاني مسويه رقابه وتفتيش دوري للسياره من غير مايدري او يشك

ادري اني مريضه بحبي له وغيرتي عليه بس عقب مكالمته اللي قبل يومين خلااااااااص احس اني اكرهه ولو الله كان دعيت عليه وماني طااااايقه اشوفه

وسألته قلتله من هي المرأه اللي تكلمها أنكر وقالي ماكنت اكلم ولاشئ وقلتله الا وكنت قاعد معها نص ساعه انصدم وقالي وشلون عرفتي ؟؟

عاد هو يجهل الجوالات وسالته ليش ماسح الرقم وطنش مارد علي وانا مازعلت لاااااا بالعكس كان الوضع عاااادي

لكن دائما يجي من الدوام الساعه 12 وانا اقوم من عز النوم الساعه 11 عشان اصلح الغدا

لكن لي يومين (كاااارشته) يعني مطنشته ماأصلح الغدا الا المغرب يجي من الدوام وانا نااايمه

واعلمله الصبح اقوله ترى اليوم مافيه غدا الا بعد ماأشبع نوم وهو يستغرب يقول ليييه اقول كذا مزاجي

وساكت ومبسوووط لاني ماسويتله مشكله وانا بداخلي الف سؤال وسؤال وماتمر ساعه الا وأبكي فيها

مليييييت من هالوضع وطبعا الى الالان وهو يهجرني ولاأعرف السبب الى درجة اني البس لبس كاااان يعجبه ومايتحمل يشوفني من اعجابه اما الان البسه ولااااااااااحياة لمن تنادي

وحاولت ابادره بالجماع لكن مااااااااااقدرت ومستحييييل خصوصا عقب مكالمته الاخيره

ومع ذلك متحمله وضعه المادي السييييئ اللبس ماأشريه لي انا وبناتي الا من عيد لعيد

واحسه تعود وصار يبخل علينا...وعلى نفسه لا مايبخل بالله عليكم مو شئ يقهر

عني انا ائيست ومالقيت الا الاستغفار وصلاة الليل الحل الوحيد


تكفووووووون تكفوووووون ساعدوووووني

على كثر ماحبيته كثر ماني كارهته هالحين

وحبيت اوضح نقطه هو مو زعلااااان لكنه مثل اخوي .........

بعد 3 شهور يكمل لهجره سنه كاااامله والمشكله كل اللي حولنا يستغربون اني ماحملت لان بنتي الصغيره عمرها 5 سنوات

ادري طولت عليكم وخبصت بالحكي بس ماعليه لاتلوموني لأن تفكيري مشتت وصدري ضايق الى ابعد حد

انا بانتظار الرد اللي كل يوم اقرأها

وسلامتكم

__________________

السلام عليكم ورحمة الله وبركاته

اختي فالله اولا باين جدا من كلامك انك مازلتي تحبينه جدا مهما حاولتي الانكار الله يهديه ليكي يارب ويقرب بنكم في اقرب وقت امين عليكي بالصبر والدعاء من اجل بناتك وزوجك وحياتك وحاولي تدافعين عن زوجك بكل ما تملكي من قوه ولا تترددي لحظه بحجت انك بتكرهي لا باين جدا انك مازلتي تحبينه وعلي فكره لا يوجد كرامه بين الازواج والله يوفق بينكم يا رب

__________________
[size=5]اللهم اني اعوذ بك من الهم والحزن واعوذ بك من الجبن والبخل واعوذ بك من غلبه الدين وقهر الرجال[/size

الله يسعدك ياااارب دائم اتسائل اقول انا احبه ولا لا بس والله صرت اكره اشوفه

ولو المسأله مسألة كرامه كان ماسكت على الكلام اللي جرحني فيه وذلني

__________________

|السلام عليكم ورحه الله وبركاته

قرأت قصت كامله بحذافيرها اولآ الله يهدي زوجك ان شاء الله ويرده الى صواب الحق بأذن الله

بما اني رجل انا لاحب زوجتى تفتش في جوالى او كمبوتري مهما كان لا تقولين من حق الزوجة تفتش في جهاز رجلها

لان فيه خصوصيات وكلآ له خصوصيات ومحد يعرفها مهما كان الانسان

وثانيآ انك تقولين لزوجك ان محقي اناظر مثلك هذي والله قوية جدآ والرجل يحقد على المرآه بعذا الاسلوب يعني

بدال ما تنصحينه تقابلينه با المثل المفروض تكون الزوجه تنصح با الخير وبهدايه زوجها وخطأك انك قلتي انا منحقي اناظر

مثلك....وثالثآ كلمتك له لا صرت رجال تزوج هذي الكلمه على قولتك قوية جدآ في حق الرجال المفرض تكون المناقشة

بشكل صريح ما تنطقين بهذه الكلمات الجارحه وبهذا الكلام تبينه يرضى لا والله الى بيحقد عليك اكثر

بدال ما تصلحين الموقف زتيه بفلفل حال

ومناحية مكالماته للحريم اكيد انه غلطان ويحاول يستفزك باي امر كان


واعذريني اني طولت عليك بردي هذا

وخلاصه الكلام عليك با الدعاء له با الصلاح والهدياه في كل صلاه

والشئ الثاني المصارحه والمناقشة الجادة بجو هادئ وفتح القلوب واعتذري على الكلام الى قلتيه له

ان من حقي اناضر مثلك وكلمه لا صرت رجال تزوج حطي عليها خطين احمر با العريض

انا ما اقولك انه مو غلطان الى غلطان بس ما فيه احد معصوم عن الخطاء ابن آدم خطاء وخير الخطائين التوابين

الله يهدي زوجك ان شاء الله ويرده لك ويجعلك قره عين له ويجعله قره عين لك

واكرر اعتذارى اني طولت بردي هذا

تحيتي لك

__________________





نبذة عن اطفال ذوي صعوبات التعلم

هلا اخوي algna9

انا والله والله غلطت بس بالله اعتذاراتي مو كافيه ؟؟ والى متى على هالحال

وانا ماقلت من حقي اشوف لاااا بس بس قلتله بشوف اللي تشوف

ومكالماته مايقصد استفزاز لااااا لانه مايبغاني ادري عنها

ومشكووووور اخوي وازين شئ اطالة الرد

__________________

السلام عليكم

والله يا اختي انت شكلك وحده طيوبة ( الله يستر عليك )

نصيحتي لك ( لا تخلين التوافة تغلبك )

وزوجك ما خرب إلا منك .. لان إلي يحب وتعود انه يجلس مع إلي يحبهم لا يمكن انه يقبل الغلط منهم لانه يحبهم وبالتالي فإن اهانته على غلط ارتكبه ومن شخص يحبه شيء ما هو هين ابدا .. و لما قلتيله (( وسألته قلت انت تناظرني نظرة احتقار ودناءه صح ؟ ترى انا ابادلك نفس الشعور اذا قعدت تطالع الحرام )) اكيد كلامك صح لكن المفروض انك ما تكونين مباشرة بهالشكل والمفروض انك تقولين له انا قصرت معك بشيئ عشان تسوي كذا !!! وذكريه بالله عز وجل وبس وهو راح يحس. اكيد راح يحس إذا هو يحبك...
في اعتقادي ان الرجل يلوم نفسه كثير في مثل هالحالات ويتمنى ان زوجته ما تكفشه إذا ضعف واستسلم لمثل هالتصرفات .. وهو بزعلته يحاول يفرض احترامه وتقديره لكن انت بكل اسف جرحتيه وما كنت بصفة لما اخطأ.

نصيحتي الخالصة لك ( ان ترجعين ) وتقومين بواجباتك تجاهه و حاولي تحبينه زي اول بالضبط ... قولي في نفسك ان اعز انسان على قلبي غلط وانا لا زم اوقف معاه الى آخر لحظة ...

تمنياتي لك بالتوفيق

هلا بك اختي اميرة نصيحة لك ويمكن تنحل ان شاء الله

اعزميه على عشاء برى البيت بمطعم

واتركي اطفال عن الوالدة وافتح جميع المواضيع الى كانت قبل واعتذري له بشكل

جدي وقولى له ان الانسان بوقت الغضب يقول اشياء وهو مو حاس فيها

واعطيه جو رومنسي بهذا الوقت وكل رجال فيه حنيه وقلب الرجل رهيف

مهما كانت المشكال بين الزوجين وبا النهاية ارجو انى قدمت لك لو اشئ القليل

بهذه المشكلة ونتمنى لك التوفيق والسعاده بحياتك

ويهدي جميع ازواج المسلمات ان شاء الله

تحيتي لك

__________________





نبذة عن اطفال ذوي صعوبات التعلم

فهد هاشم

ايواالله طيوبه لدرجة السذاجه

بس ماكنكم قلبتوا علي ؟؟ ههه

بصراحه نقاش معه مستحييييل لان الصمت يلااااازمه

يا algna9 (ياخي ذبحني اسمك وانا احول بالكيبورد انجليزي ) هههه ترى انا اكااااابر الهم وامزح (تنهييييييييده )

طرت علي فكرتك لكن مدري اول كان يستاهل لكن هالحين لا

وبعدين احس ان انتهى دوري معه لاني حاولت اراضيه وهو ماحاول بس حاول يجرح

والله والله فيه كلام قاله لي الى الالان اتذكره وابكي منه

اشكركم من كل قلبي على الرد

بصراحه ردودكم تريحني لاني كااااااتمه ولا أحب افضفض لأحد يقربلي

__________________

اسمي القناص كما في الصور

والله متحمس لمشكلت ابيها تنحل باي وسيله كانت

لا يستاهل الرجال وكما قلتي انه قالك كلام جارح لك

ترى حتى كلامك والله قوي والله ما راح ينساه الا ان يشاء الله

سوي الفكرة وتوكلى على الله وهو سيد الرجال وتذكرى ابن آدم خطاء وخير الخطائين التوابين


ومتفائل ان شاء الله اليوم تنحل هذه المشكله الى لها تسع شهور

تحيتي لك

__________________





نبذة عن اطفال ذوي صعوبات التعلم

ان شالله يالقناص

ااااااه الله يهديك رجعت المواجع والله حننت قلبي

والله احس انا الغلطانه مع اني متزوجته من 8 سنين وماسمع مني غير هالكلمتين

وهو ولا على باله ان شالله تنحل

__________________