السلام عليكمـ

ما ادري من وين أبدأ ..!!

ابـوي معـقدني !! يحطمنـي !! ينتقدنـي !!

ماقـد مدحنــي إلا نادرا ً جـدا جـدا !!!

بعطيكم موقـف ..

انا في صف ثاني ثانوي \ علمي ..

في الإمتحانات الأخيره نهائي الفصل الأول جبت نسبه ممتازه جدا

نسبه قسما بالله ولا واحد من أخواني الكبار الثلاثه جابوهـا !!

كلهم داخلين أدبي الا أنا علمي

الأول نسبته في الثمانينات والثاني والثالث اوائـل التسعينات يعني 91-92

وهم أدبي أنا علمي وتراكمي وجايب 95 (ماشاء الله لاقوة إلا بالله)

وأبوي يجي يحطمني قسما بالله انه ماشجعني ولا حفزنـي ولو بكلمه !! أو حتى ريال !!

قالي طيب ماتسوي شي 95 عاديه !!!!!!!

يووووه انا قلت الحين بيحب راسي أقل شي !!

وش اللي 95 عاديه صاحي انـت ! بس انا ساكت من جوا قايلهـا

اجل لو جايب 90 وش بتقووول

اكييد دااشـر !!!!!!!

يحطم تحطيم مهوب صاحي والشي الثاني

شرا لأثنين من أخواني اللي أكبر مني لاب توب واحد HP والثاني DEEL

وعلى طول قالو له وبعد ثلاثة ايام بالكثير جاهم !!

أنا شهرين ثلاثه يوم طلبت منه لاب توب لا وش جابلي

ازفت شي و كأني قاعد أطر عنده جايب acer !!

وشكله مستعمل بعد الشاشه فيها صوت والماوس اللي في اللاب توب خربانه إلا شوي !!!!!

مدري وش اسوي !!

أمر آخر

طبيعي ان الواحد ينام عن الصلاة وخصوصا أذا كان نومه ثقيل زيي !!

انا بعض الأحيان انوم عن صلاة العصر واهلي يقوموني انا ما اقوم خلقتي كذا نومي ثقيل يجي طال عمره يعترض طيب الله خالقني كذا انا وش اسوي !!

وهو بعد يأخر الصلوات عن وقتها

انا نكون جالسين في الصاله واذا اذن المغرب بعد خمس دقايق يطلع فوق لغرفته مدري وش يسوي ولا يجي للمسجد الا متأخر ويالله يلحق ع الركعه الأخيره

وانا الحمدلله لاحق ع الصلاة من البدايه !

وهو مو نايم لا ويقولي انت ما تصلي في وقتها !!

وش اسوي انا 24 ينتقدني انتقاد !!

امر اخر اختي اللي اكبر مني بسنتين

قسما بالله انها مغيره جواله اكثر من اربع مرات في اقل من سنه !!


وانا والله العظيم اقعد بالشهووور اترجاه عشان يشتريلي جوال !!

اكاديمية برشلونه فتحت في الرياض وهي متخصصه بكرة القدم

وش معني اكاديميه : معناها تطوير وشي زي كذا

قلت لأبوي بسجل يقولي تراك منتب شي انت (تحطيم) !

ليش تسجل اقوله اكاديميه مو نادي ياخذون الأحسن

اكاديميه يطورون مهاراتي يقول لا يشوفون الأحسن

انا وياه كذا شبه طقاق يومياً

وحتى اذا جلست مع نفسي واسترجع اي موقف لي معـه

اشوف كلها انا الصح !!

واقول لنفسي لا اكيد فيه شي غلط ولا ألقـى !! كلها انا صح

وبعدين ابكي قسما بالله إني أبكي

وآخرهـا أليوم !! قسما بالله أليــوم !!

وبعد ساعات اشـك إنه مو أبــوي !!


والله مدري وش أســوي


يالله خيـر


فمان الله

وآسف على الإطاله

__________________




اللهـم صـل وسلـم وباركـ علـى عبدك ورسولك ونبينـا محمد

والله يا خيي أو بني بدي اقلك شي وما تزعل
طبعا بحاكيك كوني ام وأأكبر منك
تأكد انو بيك يحبك كثيير كثيير بس ما يعبر عن حبه إلك أو طريقة التعبير إنت ما عم تستوعبها
هو بدو أياك الاحسن ووقت قالك بس 95 يعني لانه بيعرف انك فيك تجيب أكثر بس يمكن خانه التعبير
عم تفكرني بإبني أحيانا يقوي انت بتحبو الاصغر منه أكثر
لانو بشد عليه شويتين والله العظيم مشان مصلحته
لا تشيل في خاطرك شي وانبسط
ما شاء الله عليك
انت بس خد لاشياء ببساطة ووقت ربي يطعمك الاولاد بتصير تفهم ليش ابوك الله يطول بعمره كان يشد عليك شويتين
اتاكد انو ما في أغلى من الضنا
وانت ابنه وعم يفتخر فيك بس على قولتكم ما بده يكبر راسك
الله يرضى عليك ويسعدك

ام وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

الله يعينك أخوي

إدعيله بالهداية و لاتياس

مهما كان هو بالأخير أبوك

ويمكن هو من النوع اللي وجه نظر

هو الصح والباقين غلط

أو يشوف إن هذه هي التربية الصح

و أذكرك أن الله أمر ببر الوالدين وهما مشركين

فكيف بالوالد إذا كان مسلما ؟؟؟؟؟؟؟؟

بسم الله الرحمن الرحيم

اخوي الفاضل:
اولا ،، يجب عليك احسان الظن داااااائما .. وفكر ليش ابوي يقولي كذا.
اقولك ليش؟ لأنه دائما وده انك تكون الافضل (حتى افضل منه هو).

ثانيا ،، ما كان ودي انك تتكلم بهالطريقة عن والدك. انت ما تحاسبه على اللي يسويه ، ولكن العكس.

ثالثا ،، انت تطيع والدك مرضاة لرب العالمين اولا بحكم رضى الله من رضى الوالدين.

رابعا ،، ما فيها شي تجلس مع ابوك (لحالكم) وتقول له يابوي يا الغالي: احس اني مقصر في حقك و ودي ارضيك بشتى الطرق !!
تقوله : وش انا مقصر فيه ومالك الا الرضى ..
صدقني بتكبر في عينه و بيفتخر فيك و راح تتغير نظرته الى الاحسن بإذن الله.

خامسا ،، راجع حساباتك مع الله وشوف وش انت مقصر فيه .. و مهما سوى و مهما كان هذا ابوك لو طلب عيونك تعطيه اياها !!

والله يسعدك و يوفقك و يرَضى عليك في الدنيا والاخره ..!!

وعسى الله يسخر لك والديك و اخوانك و المجتمع اللي حولك لخدمة الاسلام والمسلمين !!

ابو متعب !!

عليكم السلام ورحمة الله وبركاته

لاتقول مشكلـة علشان ماتكبر بعقلك وتصير بس تبحث عن الاخطاء وتكبر داخلك وتُحبط من المواقف الكثيرة

ليه ماتسميه اهتمام ؟

ليه ماتسميه خــوف من والدك عليك ؟

لكن ! الفرق إنه مايعرف كيف يوصلها لك !

يمكن طبعه كذا مايعرف يضبّط الكلام وانت حســاس شوي












هنا أشوف المشكلة !!

مشكلتك تقارن نفسك فيه وكأنه أخوك الصغير أو صديقك !

علاقتك بوالدك غير عن علاقاتك الأخرى لأنه بإختصار والدك رضاه وطاعته واجبة عليك

حتى لو حسيت إنه مقصر معك

تخلص من حالة المقارنة وبترتاح أكثر ، بـعطيك مثال ..

مدرسك لو أمرك بحل واجبات أو أي نشاط راح تطيعه وتوافقه لأنه بإختصار مدرسك

وأي خطأ منك درجاتك راح تنقص وانت تبحث عن الدرجات وأفضل التعامل معه علشان ينبسط منك

مثل والدك واجب عليك طاعته حتى لو قصّر معك شوي والمفترض إنك تحاول تعدّل سلوكك معه وتبحث

عن رضاه دائماً وتجبر نفسك عليه لأنك بالأخير مالك غنى عنه وهو سبباً لدخولك الجنة ..

دائماً فكـر بالأفضل وبنظرة واسعـة ، لاتفكر بنفس الموقف والكلمة اللي ضايقتك وتعيش جواته لأياااام

وتزعل ويضيق صدرك وكل موقف آخر أفضل منه ماتفرح فيه لأنك سجنت نفسك بالموقف السابق

بمعنــى .. لاتتبع أخطاء وتقصير والدك وابحث عن المواقف اللي ارضاك فيها وانبسطت

واثبت نفسك بنفسك وافتخر بما حصلت عليه ولا تتحطم وتيأس وتكون ردة فعلك انتقام لأنك

ماراح تنتقم ولا تعاند إلا نفسك ، بالعكس كل ماتضايقت من موقف اثبت لنفسك إنك أقوى

مهما كان راح يجي يوم يشوفك الأفضل ويرفع راسه فيك وانت ابحث عن نفسك واثبت جدارتك وقدرتك






انسى هـذا الكـــلام ، ماأحد يقدر يثبت لنفسه إنه الصح لأنك ماتسمع إلا لصوتك الداخلي

ومؤكد إنه والدك لديه كلام وافكار غير اللي انت فكرت فيها وظنيت فيها الخطأ


نصيحة ياأخي ..


لا تفكر كثير وتجلس مع نفسك وتنتقد مايحدث أمامك دائماً

ابحث عن المواقف السعيدة بالنسبة لك واكبرها داخلك واجعلها سبباً في التفكير الإيجابي لك

تأكد لن يخلصك من نظرتك السلبية أو حتى ضيقتك إلا أنت فحاول أن تبدأ بتفكيرك

وتغييره وأهم نقطة فكّر بها تذكر انه والدك مهما كـــان وحاول مره ومره في كسب رضاه ولا تيأس

لأول احباط ولاتنسى أيضاً بأنه لايوجد أب قاس مهما كان ربما يخونه التعبير ، طبعه جاف بعض الشي

ولكن لن يكرهه ابنائه ونقطة أخرى تذكر بأن لديه مسؤوليات كثيرة واهمها بأن لديه أبناء وبنات معك

ويحاول أن يعدل بينكم جميعاً ..

نقطة أخيرة .. اعتقد بأنك لم تمر على موضوعك الأخير ؟!

لأني نقلته لتطوير الذات أتمنى تساعدك الحلول أيضاً

http://www.66n.com/forums/showthread.php?t=155823


وفقك الله ..

اولا ابارك لك هذا المعدل الطيب في دراستك..الامر الثاني يجب ان لاتفكر كثيرا في تصرف والدك معك بالذات من دون اخوانك فقد يكون له نظره معينه هو يراه فيك لكن انت لايمكنك ان تفهم ذلك..وعليك بالاهتمام بوضعك الدراسي والبحث عن المستقبل الجميل..

نصيحتي اليك احتسب الاجر وعدم التضجر او التافف من تلك التصرفات من والدك بل عليك ان تكون من يرد الاساه بالحسنه..بارك الله فيك


..

,
,

مبروك النسبة

ولكن الله الله بالمعاملة الحسنة مع أبوك , مهما فعل فهذه أشياء كلها دنيوية , أنت همك أنك ترضيه وأنه يكون راضي عنك فقط ..

لأنك بالآخرة ستسأل عن برك بوالديك , ولن تسؤل عن نسبتك وتخصصك ..

وبعدين إعرف إنك بالأخير أنت الي راح تستفيد ..

أنا من أولى إبتدائي أبوي يواعدني يشتريلي دباب إذا جبت إمتياز , أقسم بالله من أولى إبتدائي إلى ثالث ثانوي كلها إمتياز ..

ماشفت الدباب .. ولا يهمني إذا ماشفته لأني قاعد أدرس لمستقبلي ..

الحين أنا خريج كلية الشريعة ومدرس وراتبي في جيبي ..

ما أحتاج أحد يشتريلي لابتوب ولا جوااال ..

,
,

السلام عليكم و رحمة الله و بركاته
ابني المتفوق بارك الله فيك على تفوقك و نفعك به يا رب ان شاء الله
زي ما قال الأخوة ركز على نجاحك و بس و لا تحاول تفهم ابوك بيفكر ازاي غير بعد ما تكبر و تخلف ساعتها بس حتعرف اذا كان ظالمك والا لأ
احيانا اب بيعطي ابن أكثر من آخر لعدة اسباب منها مثلا انو ضعيف الشخصيه و عايز يدفعه للأمام و يديله ثقة بنفسه او انه بيزن على اللي هو عايزة فيزهق الأب و يجيبه بس ديما بيفضل للأبن الطيب الدعاء اللى يجيب الخير ( بجد أخي كان من النوع دا و امي كانتت بتجيب مطالبه لأنها حاسه انه حيمرضها من الإلحاح )
و احيانا فرق السن بين الأولاد بيديي مميزات اكثر و احتياجات اكثر
و في احتمال فعلا انو شايف ان انت احسن واحد في اولاده و كان يتوقع منك نسبة اعلى و ممكن يكون شايف انك مش بتستجيب غير بالخناق
و متقلقش انا مش بقول انه معاه حق يفرق بينكم لأن دا حرام طبعابس بقولك اعذره و بس حتى لو مش فاهمه
ايا كان السبب و مهما كان محق والا لأ كل اللي عاوزة اقلهولك انك تحافظ على برة هو و امك و متفكرش كتير و متشغلش نفسك غير بمستقبلك و قارن نفسك باللي اقل منك يعني في يمكن شباب معندهاش لاب توب او معندهاش جوال من اساسه طنش يا اخي و متخليش في قالبك حاجه و قول يا رب و بكرة الأيام ان شاء الله تجيبلك معاها كل خير ان شاء الله
و السلام عليكم و رحمة الله و بركاته

اخي في ريعان الشباب

اهنيك اولا على هذا التفوق الرائع واسأل الله لك ان تكون عضوا صالحا يشار له بالبنان في خدمة امتنا

ثانيا ..ما ازيد على الاخوان جزاهم الله خيرا

لكني اريد ان اقول لك..ثق ان ابوك يحبك ولا تخلي الشيطان يتسلل بينكم ويمكن انك من النوع اللي ترادده كثير بالكلام واخوانك ما يرادونه زيك أقول يمكن..

وتعرف الاباء والامهات ما يحبوا النصيحة والتوجيه من عيالهم إلا ما رحم ربي وهم قلة جدا

عشان كذا حاول ما تعارض ابوك كثير بل قل على امرك

ابشرك

زي كذا

صدقني زمان والله العظيم كنت احسب امي تكرهني مووووووت واحسها تحب اخواتي اكثر مني وكنت اغار من اختي اللي اصغر مني لآنها اطول مني واكثر شغلا واجاة لعملها مني وكانت داااااااااااااااااااااااااااايما تتلقى المديح والتشجيع اما انا مع اني دايما اخذ الاولى على الصفوف ولم اسمع كلمة شكر او تشجيع
لكن تزوجت وكبرت وعرفت السبب وعذرت امي و ما اشك انها تحبني هي اكيد ان شاء الله تحبني خاصة لما اعطيها شيء فلوس او نحوه احسها تنبسط و تذكرني عند اخواني عشان يقتدون فيني

اقول لك باختصار هدي شوي مع ابوك وكلمه بكلام خافض واخفض لهما جناح الذل من الرحمة وحاول ما تعترض عليه كثير ولا توجهه لآن اكيد ابوك من النوع اللي ما يحب النصيحة من عياله

والله يخليه لكم ويرحم ابوي واخوي وجميع موتى المسلمين

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

أنا والله ماعارضت ابوي .. ولا ارفع صوتي عليه ومحترمه ولا اقاطعه ولا اخالفه !

__________________




اللهـم صـل وسلـم وباركـ علـى عبدك ورسولك ونبينـا محمد