السلام عليكم ورحمه الله

مؤخرا بدأت تزن طفلتي انها تبغى ايميل خاص فيها ...عشان تقدر تتراسل مع صديقاتها ..
وتتكلم معاهم ..تشات يعني


الله يسقي زمانا ..

تقول ان كل صديقاتها في المدرسه عندهم ..كمبيوترات خاصه فيهم ..
ويراسلوا بعض ...ويتكلموا مع بعض ..
وبنتي انحرجت لمن سالوها وقالت لهم انا استخدم لاب توب ماما او بابا ....ضحكوا عليها ...وقالوا لها ...مانصاحب صغار...
والله بنات اخر زمن .......ايش صار في الزمن .....


المشكله ان حتى اذا رحنا عند اقاربنا ...العيال يقعدون على النت اكثر من ابهاتهم ...

يعني كل الدنيا المحيطه بنا عندهم هذا االامر عادي !!!

اخاف اني شاده على طفلتي ومعقدتها ...لكني اخاف عليها ...
لاني ضد ان يقعد الطفل على النت بلا رقابه ..

وضد انه يدخل التشات من الان ...



الي عنده رائي ثاني ياليت ينورني ........



وللمعلوميه طفلتي مازالت في المرحله الابتدائيه ...




شاكره لكم ...

__________________

.
.
حـــــــــــب الرجل سطــر ...... وحــــــب المرأه صفحــــات
.
.

والله حبيبتي جيبي لها كمبيوتر وضعيه في غرفه الجلوس علشان ما تجلس لوحدها عليه من غير رقابه وحذااااااااااااااااااااري ان تضعيه في غرفتها
وكل شوي مري بقربها وشوفي وش تعمل طبعا ما تشتري لها لاب توب
لانها ممكن تغافلك وتأخذه الغرفه والنت ماله امان
يعني كذا لا بتعقديها وبنفس الوقت بتبقى تحت عيونك
والشات غير عن المسن اعتقد الي تتكلمي عنه المسن
في رعايه الله

__________________
سبحانك اني كنت من الظالمين

السلام عليكم

اختي احيي فيك روح الحرص والامومه

وياليت زمان اول يرجع ونفتك من النت

النت الناس صارت تستغله للشر..

احذري على بنتك

والشات لا ابد انتبهي لها منه

اذا تقدري جيبي جهاز عام وضعيه بالصاله غرفه جلوسكم

وخليها تستفيد منه بدون انترنت ...

واذا كبرت شوي علميه شوي شوي وحرصيها على النت وضحيلها الاخطار ..

وضحيلها كل شيء الخطا والصح بالنت ...

انتبهي على بنتك

وحذريها من صديقاتها ..

وانصحك انك تكوني قريبه من بنتك وتحسسيها بخوفك عليهااا ...وان كلام صديقتها مايهمها لانك تخافي عليهاا

انتبهي لبنتك زين

لاتهتمي بطلباتها اهم شيء اصلاحها ..

الله يصلحها ويخليها لكم ..

عليكم السلام ورحمة الله وبركاته
اختى فى الله اجلسى معها
معظم الوقت وكما قالت لك الاخت فوفو
تضعى الجهاز فى غرفة الجلوس او مكان
تواجدك باستمرار وذكريها بمداومة حفظ
قصار السور ومراجعتك معاها مهم جدا
وربنا يحفظ ابنائى وابنائك

__________________

اتوقع هذا افضل رد يفيدك واياكي والشااااااااااااااااااااااااااات .........الله يحرسها وتكون من الصالحات

اختي افعلي كما قال لكي الاخوان و الاخوات
ايضا احذفي الشات لا اعرف كيفية حذفه اي انها لا تستطيع الدخول اليه
اختي انصحيها و ابعديها عن صاحبات السوء
تحياتي لكي

__________________
ارجو الدعاء لامي بان يفرج همها و يسهل امرها و ينصرها و يقويها يارب

فكره جيده اختى فوفو..
والله كانت الفكره لاب توب ..
لكن سنعيد النظر بالتاكيد ..

الله يجزاك خير على نصحك ...

__________________

.
.
حـــــــــــب الرجل سطــر ...... وحــــــب المرأه صفحــــات
.
.

والله جيل اليوم تربته صعبه ...ومتطلباته ..كثيره ...
وان حافظت على عيالك وربتهم بطريقه سليمه ..المحيط الخارجي ..مايساعد ..
المدرسه صارت ..مكان لكل شئ الا الدراسه عند بعض الطالبات ..وان صغر سنهم ..

فكره كمبيوتر بدون نت .......موجوده من البدايه او هكذا عرضنا عليها الفكره ..
طبعا رفضت ...
وقالت ماما ايش فايده كمبيوتر من غير من ...مابغى ارسم ولا العب العاب ..ولا احل مسابقات ...

تبغى تقراء في النت بنتي ..........زي صحباتها .....


الله المستعان ...

الله يجزاك خير على النصح ..اخي الفاضل ........ماقصرت ..
والله يحفظهم ويخليهم لنا يارب كما تفضلت ..

بارك الله فيك ........

__________________

.
.
حـــــــــــب الرجل سطــر ...... وحــــــب المرأه صفحــــات
.
.

اختي اسمحي لها اذا كانت تقصد المسنجر
بس الشات لا تسمحين لها تدخله لانه مترووووس بلاوي

سوي لها ايميل و انتي طبعا بتكونين عارفه الباسوورد
و ضيفي ايميلات صديقاتها و خليها تكلمهم

و هالايام كل الاطفال عندهم لابتوبات خاصه فيهم

ممكن تحطين لها كمبيوتر مثل ما قالوا الاعضاء عشان تراقبينها و ما تنخش (تتخبى)عنج

بنات خالتي صغااااار اعمارهم بين الـ7 و 11 وكل وحده عندها لاب توبها

و تلقينهم يسولفون و يحطون الكام و يكلمون بعض بالمايك

و يدخلون لعبه اون لاين مخصصه للاطفال و فيها شات و اعتقد ان ممكن تشيلين خاصية الشات اللي فيها (على حسب رغبة الاهل)

ما اقدر احط لج رابط اللعبه بس انتي سوي بحث في قووقل club penguin و شوفي اللعبه اذا حبيتيها خلي بنتج تلعب فيها

__________________

بالضبط مثل ماقالوا اختي k2k2 وباقي الاخوان والاخوات

جيبي الكميبوتر بالصالة برى وبالبداية لا تفتحه الا بوجود احدكم انتي او ابوها

وتراقبين الوضع من بعيد مرة مثل :
كل مابين فترة جيكي الموجودين عندها بالقائمة لانه احيانا تجي اضافات وماتدرين يطلع احد ماتعرفين يعني خليكي تعرفين من تكلم دائما وادا خايفة اكثر على بنتك خلي المسنجر يسجل المحادثات علشان تقدرين ترجعين تشوفين بنوتتك شنو كانت تسوي وتقرين المحادثات

ومن قريب مرة اخرى مثل : اجلسي معاها دردشي عن الكمبيوتر والعبي معاها العاب وسوي نفسك ماتعرفين عن المسنجر وقولي لها شلون كتبتي هذا وشلون تتكلمين مع صاحباتك واعملي نفسك تعلمتي معاها وخليك واعيه



قبل ماتحطون الكمبيوتر اخذيه عند محلات الكمبيوتر وخليهم يسون بلوك على المواقع الي ماتبينها تنفتح

وعلى الشات بالذات بلوك او اذا كانت لديك خبرة يكفي تزيلين برنامج الجافا وخلاص تنتهي المشكلة وماراح ينفتح الشات

اما بالنسبة للمسنجر سوي ليها اميل واعرفي من تكلم من صاحباتها

نصيحة غالية من اختك ولانها ذاقت تجربة مريرة مع بنت بنت خالتها بسبب الانترنت

خليك واعيه للدور او المسؤلية الي راح تكون على عاتقك

__________________