السلام عليكم جميعا

ياجماعة انا اول مرة اعرف ان في مراكز للتزويج في بلادي وهي تابعة لجمعيات خيرية وماتاخذ أي ريال

يعني خالص لوجه الله هذا اللي فهمته

ومن إحصائياتهم تم تزويج حالات كثيرة وحالات الطلاق شبه معدومة لحد الآن

طبعا دورهم مثل دور الخطابات تقريبا

توفيقي لا أكثر

والسؤال يتم عن طريقهم وعن طريق الأهل

أنا سبق تقدموا لي 2 عن طريق خطابة وماصار نصيب لأنا سألنا عنهم وماكانت سمعتهم حلوة ابدااااا

وفي ميزة اني اقدر أحط شروطي أو الأشياء اللي ابيها في زوج المستقبل

ولو أن أنا ماعندي شروط كثيرة ولا اهلي ..المهم ملتزم دينيا أو محافظ على صلاته على الأقل

وشوية أشياء عادية مو خيالية

ما ادري مترددة

اللي مطمني ان صارت لي مواقف مع خطابات وماصار شي أندم عليه ..خصوصا أنا واثقة ان اهلي حريصين في موضوع السؤال والتحري عن الخاطب

وحدة من صديقاتي نصحتني أني أقبل على هالخطوة لأنها ماتزوجت إلا بهذا الأسلوب رغم ان كان يتقدم لها كثري بس مايصير نصيب

وألحين ماشاء الله زواجها ناجح

واللي يخليني اتردد أني منحرجة يعني كيف بكلمهم والله إحراج

خصوصا اني فهمت انهم يطلبون بيانات دقيقة

بس يتعهدون بالسرية التاااااااامة

أنا فكرت اخلي وحدة من صديقاتي أثق فيها تساعدني وتكلمهم بدل الإحراج

وفكرت إذا اهلي عرفوا أقول لهم أن صديقتي هي اللي حطت اسمي منعا للاحراج يعني

انا راح أستخير قبل كل شي

بصراحة اللي مطمني أن الموضوع يتم عن طريق رجال ..وليس نساء والرجال أضمن بالنسبة لي من النساء وخصوصا انهم رجال اتقياء وملتزمين دينيا وعملهم تطوعي ...

محتارة ..العمر يمشي وأنا كبرت ومحد يتقدم لي مثل قبل

حابة آخذ بالاسباب ..

وحابة اعرف رايكم

__________________