السلام عليكم ورحمة الله وبركاته ..
اخواني الأعزاء .. اطلب منكم خدمة .. انكم تساعدوني في هامشكلة وتشيرون علي .. وتساعدوني اقرر .. راح اكتبلكم المشكلة بدون مقدمات طويلة وانا كلي ثقة بردودكم الطيبة والمفيدة ..
اليوم حدث خلاف شديد بين زوجي وأهله وقلي يلا نمشي اخذت بنتي ورجعنا للبيت ( طبعا هو على خلاف دائم معهم .. واغلب الأحيان الحق معهم لانه صعب المزاج وعصبي) المهم طبعا لامني كثير لاني كنت اطلب منه ان نروح لعندهم .. لان حماتي توفت امها من كم يوم وتأثرت كثير لفراقها .. والله كثير كسرت خاطري وحبيت نكون معاها بأول فترة ( ولله الحمد قولو ماشاء الله انا على علاقة طيبة معاها ) المهم لاني كنت صاحبة الفكرة .. لامني كثير والتزمت الصمت .. المشكلة ويييييين .. طبعا دائما تصير مشاكل بينهم .. بس هالمرة قلي راح نسافر ومانرجع للبلد هذا .. انا في بريطانيا .. واهلي في دبي .. طبعا صارت زيارات كثيرة لدبي وقرر من فترة انه ينتقل للعيش هناك ..
راح اقلكم الي مخوفني من هالموضوع وانتو احكمو .. باقيلنا سبوعين على السفر لزيارة سريعة لمدة اسبوعين لدبي .. حتى نحضر حفلة زواج ابن عمه ونرجع .. باقيله اقل من سنة ليتمم رسالة الدكتوراه .. باقيلي انا خمس شهور واضع مولودي الثاني باذن الله .. والمشكلة انه الفترة الي احنا فيها فترة اجازة يعني ماراح يقدر يدور على شغل ويحصله بهالسهولة ونستقر .. راح نتبهدل مع الحر والحمل وقلة المادة .. والله اعلم ماذا سيحدث
طبعا زوجي انفعالي جدا .. ودائما اطنش .. لانه يرد يغير رايه بعد مايهدأ .. بس هالمرة هددني لو فتحت الموضوع معاه .. قالي تجهزين اغراضك وترتبين البيت ماراح نرجع .. وياويلك تفتحين الموضوع معاي
وحتى بعد ماهدأ .. حاولت معاه مافي فايدة .. مصر
ومو قادرة اقرر وافكر .. معقولة بسبوعين اكمل البيت وأترك اغراضي وآخذ المهم واذهب للمجهول .. والله ما ادري جدا محتارة
صحيح اني رايحة عند اهلي الي اموت عليهم وابوس التراب الي يمشون عليه خاصة امي .. وراجعة للبلد الي تربيت فيه ونشأت فيه واعتبره بلدي .. بس اولوياتي قبل هالشي .. احب استقرار عائلتي .. ما احب حياة العيش المؤقت الداااائمة .. اريد استقر اريد انقرر صح
ارجوكم فهموني شو اتصرف معاه وكيف اكلمه .. هو لما سألني بعد ما هدأ انتي راضية على السفر مع عدم العودة .. قتله انا خايفة من القرار العاطفي .. قلي لا مش عاطفي وراح أأجل الدكتوراه وهالسبوع آخر يوم لي بالعمل ؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!
ماذا أفعل انتظر ردودكم ولكم الشكر الجزييييييييييييل من قلبي
اختكم
ام مارية
28-07-2008, 09:19 PM
ضوابط المشاركة
العرض الشجري