مالعمل في ظل أسره متكاتفه - منتدى عالم الأسرة والمجتمع

02-08-2008, 01:35 AM

في الإنتظار

كبار شخصيات المنتدى

تاريخ التسجيل: May 2007

المشاركات: 1,805

مالعمل في ظل أسره متكاتفه

السلام عليكم ورحمة الله وبركاته

سأحكي لكم موقف معبرا عن الحال وانتم لكم الحكم

اتصلت اختي تحدثني عن سفر اخواني وهي كذلك مسافره

تقول : ماسافرتي معهم؟

قلت لها : ماحد قال لي شي لو مجامله

سمعتني امي وقالت : بالله عليك بتروحي مين بيطبخ لنا

قلت لاختي اسمعي امي وش تقول /

قالت اختي : ليه اول مين عندهم ؟تقصد أهلي اول كانوا اخواني يتناوبون عليهم

قلت : قولي لهم ...

مايرحمون

لا وغير كذا تقول لي امي ( البنت ماتروح الا مع اهلها ) قلت يمه مين تكلمين بنت صغيره ولا مافيني عقل

قلت لامي نسيتي يوم انا ببيت (مستقل)؛؛؛؛ كيف كانوا يتعاملوا معي :::كانوا يشوفون خاطري ويعزموني على السفر ليه بس علشان يبون يجون عندي ببيتي اذا زارواا المدينه اللي انا فيها

والحين مالي لازمه

وانا اصلن مابي اسافر بس تمنيت احد يجبر بخاطري ويقول لي

انا مرتبطه بعمل حتى التوصيل ماحصل احد وهم كانوا موجودين واضطر اطلع مع واحده من الموظفات وانا بحرج اطلب الاخرين وادفع لهم اجره وهم ايضا ينحرجون

اللي يطينها اني اشوف المطلقات اللي حولي

معهم احد بالبيت خوات واخوان وانا ماغير ويا ابوي وامي والشغاله

انا لوحدي
ولا احد يسال فيني

ابوي يراعي امي وخاطرها

وامي تراعي ابوي

واخواني لاهين بحريمهم وعيالهم

انا مين يهتم فيني ويسال عني

مين اهتم فيه

امي ابوي اراعي خاطرهم لكن مافيه اي دلاله على رحمتهم بي وان قلبهم علي

حتى لما اطبخ مايبان فيهم كله بس عذاريب وهم

وربي حتى لما احط الاكل لهم كله بس يشوفون وش خاطرهم فيه وهات ياطلبات
كلمة جبر خاطر

لا حتى تعالي وكلي ومن هالكلام مااسمعه بس اسمعهم يقولونه لحريم عيالهم وخواتي لما يسيرون عليهم ...

بالعربي طفشت

__________________

[IMG]http://im3.***********/2011-05-11/130510309661.jpg[/IMG]

http://www.tvquran.com/

يارب فرج همي وجميع المسلمين

02-08-2008, 01:50 AM

الكبير

من كبار شخصيات المنتدى

تاريخ التسجيل: Nov 2003

المشاركات: 2,573

أختى في الأنتظار

ألا يسعدك أن تجدي جزاء ماتعملين من خير محفوظ لك

يوم تلقين الله ويوم يوفي الصابرون أجورهم ؟؟

كوني دائما مع الله وأجعلى كل ماتعملينه لوجه الله وأصبري

على ما أبتلاك فيه وربما لوعلمت ما أعد الله لك من النعيم

لصبرك لتمنيتٍ مزيداً من شقاء الدنيا لتصبري عليه

أسأل الله تعالى أن يسعدك بالزوج الصالح ويرزقك الأبناء

الصالحين ويسعدك بالآخرة بالجنة والرضوان

__________________

02-08-2008, 01:58 AM

الكسائي

عضو مميز

تاريخ التسجيل: Oct 2006

المشاركات: 4,050

إذا جائكم من ترضون دينه وخلقه فزوجوه

__________________


	لادار للمرء بعد الموت يسكنهاإلا التي كان قبل الموت بانيها فاءن بناهابخيرطاب ساكنهاوإن بناهابشرخاب بانيها وأعمل لدارالبقاء رضوان خازنهاالجار أحمد والرحمن بانيها أرض لها ذهب والمسك طينتهاوالزعفران حشيش نابت فيها

02-08-2008, 02:00 AM

يوسف الصانع

موقوف

تاريخ التسجيل: Jul 2008

المشاركات: 43

يا في الانتظار الله يجزاك خير لو تغير الخط تشوف خط اوضح عجزت أقرأ الكلام

02-08-2008, 02:08 AM

ام الجود

عضو نشيط جدا

تاريخ التسجيل: Apr 2005

المشاركات: 454

الله يجزاك خير على خدمتك لوالديك

فبر الوالدين من أبواب الجنة والتي أسأل الله أن يجعلك من أهلها جزاء بما صبرتي

ثم لماذا لا تحاولي انتي تغيير هذا الوضع

اذهبي لبيوت أخوانك تقربي من زوجاتهم

شاركيهم في مناسباتهم

زوري صديقاتك

او أقربائك

أو حتى سافري لأختك

يسر الله أمرك

__________________

02-08-2008, 02:52 AM

زينة الغنادير

موقوف

تاريخ التسجيل: May 2008

المشاركات: 701

قووووووووووووولي آمين الله يعوضك ويعووووووووووض علي وعلى كل منطلقة ياااااااااااااااااااارب ويسعدكككككككك دووووووووووووووووووووووووم يارب يفرج همك وهمي وكل مسلمة امين

02-08-2008, 04:18 AM

شيها نة

كبار شخصيات المنتدى

تاريخ التسجيل: Feb 2007

المشاركات: 2,731

هلا عزيزتي... حيا الله هالطلة..

من زمان ما قرأت لك (مشاركات) !!

ذكرني موقف والدتك( الله يحفظها) <<< سمعتني امي وقالت : بالله عليك بتروحي مين بيطبخ لنا >>>

بموقف والدتي قبل إسبوعين: كنت تعبانة (راسي يوجعني مررة ومعي حراارة )وأقولهاإني تعبانة طالعتني بأسى وقالت ما

ودي ما تتعبين يا شيهانة فقفز قلبي طربا (أصدق ولا ما أصدق).....بعدين كملت لأني بكرة طالعة مين بيمسك البيت؟؟

بس والله من قلب ما زعلت ....تراهم كبروا ...ولازم نتحملهم...حتى الأكل صارت عذاريبهم كثيرة عليه ...ومع ذلك

نمشيها...وسعي صدرك حبيبتي...كله فترة وتفرحين بزواجك قريب بإذن الله ما أدريي ليه قصتك ثابته في ذهني أكثر من

أي قصة قرأتها في المنتدى ولذلك أنت في دعائي..

حفظك الله ورعاك وملأ قلبك رضا ويقين...

التعديل الأخير تم بواسطة شيها نة ; 02-08-2008 الساعة 04:45 AM

02-08-2008, 04:24 AM

a_gleam

قلم مبدع

تاريخ التسجيل: Oct 2003

المشاركات: 1,098

أحتسبي الأجر عند الله..على برك لأمك و ابوك..
أكيد أمك و أبوك يحبوك..بس مهم متعودين يعبروا عن مشاعرهم...أو إنهم شايفين إنه هذا واجبك و لا شكر على واجب..
و لمن يدعوا حريم أخوانك لأنهم ضيوف و اغراب..و أنت من أهل الدار..

عموما الله يرزقك الزوج الصالح إللي يعوض صبرك..

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

02-08-2008, 05:30 AM

@هند@

عضو نشيط جدا

تاريخ التسجيل: Jul 2008

المشاركات: 259

عزيزتي ماانكر عليك احتياجك بأنك تبين تحسين باهتمام الي حوالك

بس صدقيني كذا بتتعبين لازم في علاقتك مع الي حولك تبرمجين نفسك

على يالله السلامه يعني الشخص الي مايضرك هذا حطيه فوق راسك

لاتتعبين عمرك بقوله ماسألو عني وماعزموني وهالامور لانه باختصار ماحد

سأل عن احد ..انتي بس اسألي عن روحك ودوري وناستك وراحتك والله

انشا الله يفرجها لي ولك ولبنات المسلمين...

__________________

‘‘ بحاجه ماسه لدعواتكم لاتحرموني منها ‘‘

02-08-2008, 08:12 AM

#10

احســـاس العالم

عضو جديد

تاريخ التسجيل: Jul 2008

المشاركات: 8

في الانتظار

هذا حال الدنيا لو اتبعنا اهوائنا لضعنا ولكن

ابوك وامك مالك عذر فيهم حتى ولو ما سمعتي كلمه جبر خاطر ابدا
فطاعتهم مقرونه بطاعه الله عز وجل
انا اقدر وضعك النفسي واتمنى لو تبعددين عن الحساسيه فانتي حساسه زياده عن اللزوم
وتاكدي انه مافيه اب او ام ما يحب عياله
تاكديي انهم ينامون ودموعهم على خدودهم من اجلك
ولكن اصبري واحتسبي
وكفى بالله وكيلا

اسال الله العظيم رب العرش الكريم ان يريح بالك ويرزق بالزوج الصالح

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه