السلام عليكم والرحمة



عندي مشكلة مع ابني واريد منكم المساعده والله يعطيكم العافيه



ولدي عمرة سنتين و11شهر



في بداية شهر ربيع ثاني ابتديت وياه في تعليمه على الحمام



وتعرفو هالمرحلة لازم فيها إن ما تعدي على خير واحنا مصدقين



لكن الحمد لله عدت على خير مرة ألبسه حفاظ ومرة لا



المهم قررت في نهاية شهر ثاني ربيع اقطع الحفاظ نهاااااااااااااائي



ووسعت بالي عليه وااااااااااااجد حتى الكل كان مستغرب مني لأني عن جد وااااااجد عصبيه



وقلت ما امبا أعيد مأساة اخوه الكبير اللي ظل عليه الحفاظ تقريبا 3 سنوات ونص



خلني اصبر واصبر



والحمد لله صبرت و ارتاااااااااااح بالي من الحفاظ والتطهير وكل شي



والله حتى كان احسن من اخوه من يحس على طول قام.........مو مثل اخوه اذا بقى شوي منها راح الحمام



وألحين جت النايبه العودة



صار يسويها في ثيابه وهو مايحس بروحه



والله من جد نفسيتي تعبت واااااجد



حتي اليوم وديناهم قلعة القطيف ركبناه لعبه وهومستانس بس ماقام منها الا شاخنها في ثيابه وكانت اول لعبه يلعبوها



وبعدها رجعنا البيت.........مشوار على الفاضي بس



ويش تنصحوني أرجع البسه حفاظ لو أعيد المحاولة من جديد.........والله تعبت واني مامبا أضربه لا تتعقد الامور ولا مبا اتساهل وياه ويصير الامر عنده عادي



ما عليه اسمحو لي هدرت واجد بس والله ارتحت فضفضت اللي في قلبي