السلام عليكم ورحمه الله وبركاته
الاخوه الافاضل ابغى ارائم معي في ما حصل
اليكم القصه بدون مقدمات طويله
انا عندي خادمه لها الان سنتان يعني تقريبا انتهت مدتها معي موعد سفرها يكون بعد رمضان مباشره المشكله هي اني خرجت امس مشوار قبل المغرب وتقريبا رجعت الساعه تسعه عندما رجعت لقيت باب البيت مفتوح قليلا الي هو باب الشارع الخارجي ضنيت اني ماقفلت الباب تمام وانا خارجه لكن تفاجأت لمن دخلت بان الشغاله غير موجوده و البيت زي ماهو لانظفت ولا كملت الغسيل ولا كوت لي بدلتي الي كنت سالبسها لاني كنت معزومه ولالالا اي شئ
طبعا جلست انتظرها ساعتين او ساعه ونص لان عفشها وفلوسها كلها موجوده في البيت يعني مو ناويه هروب لان اصلا لسه باقي لها رواتب بس شكلها خرجت مستعجله
بعدين خرجت انا وزوجي والاولاد ورجعنا اخر اليل تقريبا ثلاث وجدتها طبعا بالبيت ولكن جالسه في المطبخ ماترد عليا اسألها فين رحتي ابدا ماترد اش سويتي ابدا ماترد مع مين خرجتي ولاتنطق
ولا تتحرك هزيتها تسوي نفسها طاحت ماتتحرك المهم سحبتها قلت مدامك كذا اطلعي برا انا مااخلي وحده في البيت كذابه وغشاشه ولعابه وماهي مزبوطه دخل زوجي وقال فين رحتي قالت بكل برود انا ماسويت شئ انا رحت البقاله اشتري اشياء طيب اولا هذا شئ عندنا غير مسموح ابدا وهو خروج الشغاله ثانيا تغيب ساعتين ليش وليش ماتطلب مني انا ماقصر معاها على العكس اجيب الاغراض على حسابي

الان طبعا الشرطه رفضت تستقبلها لان ماثبت عليها اي جريمه رغم ان زوجي قلهم البيت فيه اطفال خلاص مابغاها تنام في البيت ربما تسوي حاجه اوتنتقم قالوا مو مسؤليتنا المهم رحنا الترحيل قالوا مانستقبلها الا باتمام اوراق ترحيلها طبعا اليوم كان جمعه والمكاتب مقفله قمت خليتها عند جارتي لاني قلت لها انا وثقت فيك كثيرا وانت مو قد الثقه ولا تستاهليها رغم اني تحملتها على اغلاطها وتكسيرها لاغراض البيت وسرقتها لبعض الاشياء كمصروف الاولاد او اي فلوس تشوفها واكسسوارات بناتي والان مستحيل تدخلي البيت مره تانيه
والان ان شاء الله بنخلص اوراقها اليوم السبت وتمشي مارايكم انا غلط ولا صح
وهل ارسل لها هديه مع اغراضها او اشتري هدايا لاهلها واعطيها هي انا حزينه جدا عليها رغم اني اكتشفت باعترافها مؤخرا انها مو اول مره تطلع بل عده مرااات ولااعلم هل صحيح سوبر ماركت او غيره لعلكم فهمتوا قصدي
ارجوا تعاونكم احتاج ارائكم

__________________

الله يعينك يااختي
والله بلاوي الشغالات تشيب الراس لكن تصرفك صحيح ميه بالميه دامها خرجت بدون علمك فاكيد انها بتعمل شي غلط لو بس بتروح السوبر ماركت ماكانت خبت عليك الموضوع عجلوا في موضوع سفرها وانتبهي لنفسك واولادك لا تكون راح تعمل لكم شي للانتقام ولا تدخليها بيتك نهائي الله يكفيك شرها يارب ويبعد عنكم كل سوء

واعتقد انه مو مهم تشتري هديه لها اوشي لانه الهديه مكافأة لها لو كانت طيبه وتستاهل لكن دامها خانت الثقه ماتستاهل شي هذا رأئي والله يعينك يارب..........
تقلبي مروري

طبعاً يااختي الكريمة لي صار صار الحين وانتهى الامر منه وهي خلاص بتسافر ؟

ولكن شوفي يااختي الكريمة في قاعدة الكثير الكثير وهو الغالب ان الواحد لما يجيب شغاله : همه الوحيد يشغلها بس - اطبخي - غسلي - نظفي - رتبي - عدلي - امسحي - ومن هذه الامور الكثيرة

وهذا اصلا الاساس الاول لي اتينا بالشغاله عشان هذه الاشياء - لكن تاكدي انج ترى مسؤولة امام على هذه الشغالة لان اصلا وجب على رب الاسرة او الام انها توجه هذه الشغالة لامور اخرى مهمة حتى تبرأ ذمتها امام الله وتكون ناصحة امينة ومن أهم ما ينبغي أن يعتني به السيد للخادم تعليمه ما يجب عليه وما يحرم من أمور دينه, وحثه على التحلي بالأخلاق الفاضلة فإن في ذلك مصلحة عظيمة للسيد والخادم والمجتمع، كما ينبغي أن يحذره من الأخلاق الرذيلة واقتراف الأمور المحرمة ويأمره بالمعروف وينهاه عن المنكر لأنه أصبح مسئولا عنه كمسئوليته عن بقية أهل بيته ويربيه على الفضيلة والعفة والشرف وان يهديه التسجيلات الطيبة والكتيبات وان يجلس معه جلسه ويعطيه محاضرة بسيطة تعلمه امر دينه وتحثه على تقوى الله -

لأنها جايه من بلاد بعيدة واكيد من كثر الذهاب للبقالة والرجوع منها او الاتصال على راعي البقالة اكيد يحصل هالمحظور الشرعي وقد يزين لها ذاك ايضا الخبيث ويغرر فيها : عشان كذا اختي واجب علينا دايم الانتباه من هذه الامور وان نتبع الطريقة الصحيحة في المعاملة من حيث الامر بالمعروف والنهي عن المنكر - ماهو نجيبهم بس عشان الشغل وبس .

ولو تعطينها هدية اختي يكون ادعى لأنها ربما تحس في تأنيب الضمير وتقول بعد لي سويته في هذه العايله واني غافلتهم اهدوني هذه الهدية ـ يمكن تتوب لله وتعلنها توبه صريحة لله ولاتعود مرة ثانية لهذا الفعل ويأنبها ضميرها


بس هاه اختي مرة ثانية مثل ماقلتلج اتبعي الطريقة الصح في هالخدم - مثل مابينت - وصدقيني بتشوفين منهم الخير الكثير - بس عليج اختي بهذه الطريقة - وقولي ولد ابوظبي - صح انا لازوجة ولا شغاله عندي - لكن نحن في البيت عندنا شغاله ونعطيها من بين لحظة ولحظة كتيبات ونصايح - ووقت الزجر امررررررررره نزجرها ووقت اللين نخفف عليها -

جربي اختي هالطريقة باذن الله نافعه

ولد ابو ظبي جزاك الله خير الجزاء رايك سليم
ولكن انا لا ارسلها للبقاله ابدا والشغاله عندي ماتخرج لوحدها هذا اولا ثانيا انا تغاضيت عن امور كثيره وافعال سيئه كانت تفعلها كلكلام البذئ جدا والسرقه ومحاوله الاغراء لاحظتها عليها ونبهتها عليها واخبرتها بانه لايجوز ومايجب على المسلم من اخلاق حميده
شاكره لك مرورك العطر

__________________

انثي جريحه يعطيك العافيه على مرورك الرائع

__________________

الله يعينك احسن شي سويتيه انك بتسفرينها وهي اصلا ماباقي لها شي ....
بالنسبه لاغراضها ارسليها كلها بس تاكدي ان مافي اي شي يخصك او يخص عيالك ....حتى لوكنتي انتي اعطيتيه لها من قبل ومستغنيه عنه ... لانها ........ ممكن تسوي فيهم شي الله يبعد الشر عنك ...
بالنبه للهديه ياليت ترسلينلها اي شي رمزي كهدبه ... وياليت لو توديها السوق تشتري لاهلها ... عشان تكوني ماجا منك قصور ابد .. والله يعينك وحاولي دايم تكون خاتمتك معها خير .

انا معك بصراحه الخادمات اللحين مالهم امااااااان أبد
مره نتعب منهم ومن مشاكلهم اللي ما تخلص

مدامك خايفه
لاتشدي عليها بالتعامل
شغلي سورة البقره من باب التحصين
ولو تاخذي من اثرها شي بسيط سبحان الله يفيد للأغتسال من العين

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اسألأ الله العظيم ان يكفيك شرها

فتشيها زين

واشتري لها هديه علشان تنكسف من نفسها

وسفريها

وانتبهي تاخذ من اثركم شي

الله يكون بعونك

__________________

	أستودعت الله نفسي وزوجي وذريتي وأهلي في ديننا ومالنا وخواتيم أعمالنا اللهم حصن بيتي من أوله لأخره ومن أعلاه لأسفله اللهم أبعد عنه الحرام بأنواعه وأجعل لنا فيه سعاده في ديننا ودنيانا وصلى الله على سيدنا محمد)

هنوفا
احب اسرتي
نايت
apple
جزاكم الله خير على ردودكم
مروركم اسعدني جدا

__________________