سلام على كل اعضاء المنتدى,هذي اول مشاركة ليا واتمنى انكم تردون عليا وتساعدوني في التخلص من حيرتي.الحكاية هي اني قبل تقريبا شهر ونص دخلت في مركزتدريب اناوخالتي وهناك قابلت المدرب اللي يكبرني بسنتين فقط وكان شاب جدا خلوق ومحترم ,الي حصل ان الشاب هذا اتعلق فيا وبمجرد ماانتهت الدورةصارح خالتي بحبه لي وانه يريد يتقدم لي.وهناك خالتي ابدت موافقتها لانها شافت انه شاب محترم وكويس .وفعلا خلال يومين خلى امه تتصل تطلبني .الجميع انبهر واتكلم كيف تقدم بهذي السرعة ولاي درجةاتعلق فيا.المهم خالاتي كلموا امي عليه وهي قفلت الموضوع وتحججت بان خالاتي انفسهم بيسافروا بعديومين وانها ماتريد تفتح الموضوع الا بعد رجوعهم.وبالفعل خالتي غلقت الموضوع مع اهل الولد لحين عودتهم من السفر,اللي حصل ان الشاب بدا يتواصل معي واناكنت ارد عليه وبدات اتعلق فيه زيما هو متعلق فيني وصارحني من البداية انه كان خاطب قبلي وانه ممكن ابوه يعرقل مسالة خطوبتنا بسسب الخطوبة الاولى.بس كان يقول لاتهتمي بتقدم يعني بتقدم وانتي لي ان شاء الله .انابعد فترة اضطريت اسافر عند اهلي لانهم ساكنين بغير المحافظة اللي اناوخالاتي ساكنين فيها.القضية انه خالاتي اجوا قبل اسبوع وهوللان ماتقدم .وانا وهو اتزاعلناقبل مايجوا بسبب تافه واتخاصمناوقلت بثقل عليه وبيرجع وهو مارجع لغاية قبل خمس ايام ارسل لي رسالة(حبي سامحيني على تقصيري معاكي بس والله متضايق وعندي مشاكل كثير والله العالم اناليش بعيد)وانارديت عليه(اناكمان عندي مشاكل بسببك بس وكل امرك لله واجعله اكبرهمك فمن جعل الله اكبرهمه كفله كل همومه وانا والله بدعيلك الله يكون معك وان شاء الله لما تخلص مشاكلك تلاقيني)والى هذي اللحظة مااعرف عنه شي.هو مارد على هذي الرسالة ولاانااتصلت ولاعاد رسلت.اريد اشوف لمتى بيقدر على فراقي.والصدق جدا مستغربة على قوة قلبه اسبوع للان ولا اتصل.اخواني واخواتي اطلب منكم الرأي السديد خصوصا اني في المشكلة فمااعرف افكر.هل اناغلطت عليه او هو شاب مستهتر.بس هو اللي لاحقني ودخل بيتنا.الان سبب لي احراجات كلهم يسالوا فينه خصوصابعدرجوع خالاتي.هل اتصله او اواصل تطنيشي.
والقضية اللي بجد اريدكم تركزوا عليها ان انابجد بجدحبيته وشفت فيه الرجل اللي اتمناه .اناالان مطنشته وانافي صدري نار.مااتصله ولاارسله وانانايمة صاحية فوق الموبايل اتمنى منه رسالة .اخواني ساعدوني في التخلص من حيرتي لان افكاري جدا ملخبطة.جزاكم الله الف خير.


الاشراف : لفظ المشيئة يكتب على هذا النحو : إن شاء الله

تم تغيير العنوان , بالتوفيق

__________________
من أراد رضاالله بسخط الناس رضى الله عنه وأرضى عنه الناس

فكري جيدا في الموضوع وحاولي قد ماتقدرين انك اتوقفين عواطفك واتفكرين في الموضوع في عقلك .. الحب مايجي في يوم وليلة .. الحب الحقيقي الي يجي بعد عشرة طويلة .. والي انتي عايشة فيه .. فقط شعور جميل تجاه هذا الشخص .. يمكن الولد عنده مشاكل صحيح ومشغول جدا بس مش معناته انه مايبعث مسج .. المسج مايكلفه 20 ثانية من وقته لو كان يريد يسأل ,وبنفس الوقت الواحد مايقدر يحكم لان بس مر سبوع ؟؟ يعني مسألة وقت وتتضح الامور ..

,انا اقول اصبري واحتسبي عند الله ..وإياك إياك تتصلي فيه .. وفكري في الموضوع جيدا .. قبل شهر ونص صار اشتراك في مركز وصار اعحاب وصار حب وصار خطبه وصار تعارف في التلفون وصار زعل وصار شغل وبعد .. كلها في شهر ونص ؟ لو اي شخص بيسمع هالكلام بيقول مستحيل يكون هالشعور هو ( الحب )..

الله يوفقك ويرينا واياك الحق حق ويرزقنا اتباعه

اختي في الله لقد ذكرتي انه حصل زعل بينكما
الظاهر هو من النوع اللي يزعل بسرعه والله اعلم
لذا اتصلي فيه وان بدر مكني خطأ اعتذري له
لكن يجب ان تعرفي سبب ابتعاده
لا تبقي هكذا لا تحركي ساكنا
واهم شي ادعي الله بان يسخره ويسهل امرك
ولو هالشخص خير لكي راح يكون لكي
ادعي الله قبيل الفجر

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اخ الفهدي واختnight2005,انا مرررررررررة اشكركم على ردودكم السريعة صدق انكم راعيين فزعة.عادني ماكتبت موضوعي الا من نص ساعةورديتم .اخي الفهدي كلامك جدا عقلاني كيف صار هذا كله في شهر ونص بس فعلا صار والله مااكذب عليك ولا اختلق شي من عندي .هذا الشاب هو اللي اعجب فيا في البداية وانا ماكنت اكن له اي مشاعر غير الاحترام والزمالة بس بعد مااتقربت منه بعد ماكلم اهلي واتواصلناحبيته.اناصح مش روحي بتتطلع عليه بس انا اتمنيت شخص تقدر تقول لاقيته فيه وهذا سبب حبي له.ادعوا الله يختارلي الخير من عنده.
بس نفسي اعرف ايش السبب اللي يخليك تقول لي المفروض مااتصله.ايش السبب؟؟؟؟؟

__________________
من أراد رضاالله بسخط الناس رضى الله عنه وأرضى عنه الناس

بقولك شي



بعطيك قاعده .. لو حابه .. امشي عليها


قلبـــــــــــــــــــــــــــــــــــــــــــــك .. ماتسلميه لأحد !!

ولو حسيتي انه بيوم مال لأي شخص .. "بشكل غير طبيعي او بشكل غير شرعي" لااااااااااااااازم تكوني صارمه مع نفسك

لأن هذي مصلحتك ..

انا ما اقصد نكون قاسيين على انفسنا .. بس بنفس الوقت .. قلبي له حق علي اني أصونه !!


ليش اسمح له من البداية يتعذب !!

يمكن اساسا منتي على باله الحين !!

اتمنى تكوني فهمتيني




وبالنسبة للأخ
فأنا بنظري انك تواصلي الاستخارة .. وتنسي موضوع التواصل معه "إذا كنتي تبغي ربي يبارك بينكم"

إما يدخل من الباب .. او ينسى الموضوع



وبالنسبة لقلبك

فصدقيني .. بإذن الله .. لو انشغلتي في رمضان بشكل جدي .. وانشغلتي كيف تصلحي قلبك
والله بتنسيه وتنسي اللي خلفوه


اهم شي لاتشغلي بالك معاه
لأنك لو سمحتي لعقلك بالتفكير .. فإنتي بتربطي قلبك بوهم .. تخيلي هذي الفترة قابل وحده ثانية وطاح جنبها مثل ماصار معك !!






صدقيني

رح تتعبي نفسك بنفسك




أكثري الاستخارة .. واسألي ربك انه يعلق قلبك به وحده ..
ولاتعلقيه بأي احد من البشر








وبعدين تتصلي عليه بصفتك ايش ؟؟؟؟؟؟؟؟؟

__________________

من أقوال الشيخ المغامســــي - حفظه الله - :


"ماسعى ابن آدم في إصلاح شيء أعظم من إصلاح قلبه ولن يصلح القلب شئٌ مثل القرآن "






"القلوب لايصلحها شي أعظم من كلام ربها , فتدبر القرآن السبيل الأول إلى صلاح القلوب "

أختي الفاضلة

الحب بدون عقد زواج شرعي غالبا مصيره إلى الفشل لأن الله لا يرضى هذه العلاقة بدون عقد

لو كان الرجل يحبك صحيح كان تقدم لك من الباب وما يكلمك في هاتف أو جوال أو رسايل بكلام حب حتى وقت العقد


والحب من أول نظرة أنا صراحة أسميه اعجاب وليس حب

لأنه لو كان حب صحيح لما خرج عن الأسس التي يريدها الله من عقد شرعي وما أوجبه الله


يقول سبحانه: (وأتوا البيوت من أبوابها واتقوا الله لعلكم تفلحون)


لذا نصيحة لله يا أختي

كوني لله كما يريد

يكن لك فوق ما تريدين


أسأل الله لنا ولكما الهداية والصلاح

اخواني المتهندم وحسن وتحدي الياس كلامكم جدا مقنع وصحيح وانا جالسة اضيع نفسي وقلبي بالحيرة عليه فين اختفى؟وفين راح؟ اناطول عمري اشغل نفسي بأشياء هادفة وهذي المرة ماادري ايش حصل معي. خلاص انا بأذن الله بشغل نفسي بربي وبألجألله في رمضان وارح اتواصل معاه نهائيا ولارح احير نفسي .والله يختار لي الخير من عنده
واشكركم بأفادتي جزاكم الله عني الف خير.وياريت تدعوليفي رمضان بالزوج الصالح اللي يسعدني ويكرمني ومايهينني.
اشكرمروركم .

__________________
من أراد رضاالله بسخط الناس رضى الله عنه وأرضى عنه الناس

اختيار موفق أختي الكريمة شراسةلبوة
وليكن من اسمك نصيب

تحيتي

انا مع لاخت تحدي اليأس والاخ المتهندم كلام جميل

وفقك الله اختي