السلام عليكم

بدخل في الموضوع على طول .. أنا كنت مخطوبه .. بس صارت مشاكل كثيييييرة مع اهل خطيبي.. و كانت تعدي على خير لاننا كنا نموت وفي بعض ..

و للاسف قبل لا يتم الزواج يتني صدمة قوية صدمة الخيانة اللي ابدا ما حسبت لها حساب و انتهى كل شي و طحت انا بالمستشفى من الصدمه (صدمة الخيانة بعد كل هالحب و صدمة اني ما بتزوجه واحلامي كلها تحطمت) ..

وجلست شهور وانا اتعالج و اعاني من الذكريات المريره وحاول انساها و اتخلص من الاكئات اللي سيطر على حياتي وصحتي ..

ومره من المرات نصحتني وحده الله يسامحها كنت اتشكى لها عن حزني وقالتلي ما ينسي الحب الاولي الا الحب الثاني .. وهني بدا الشيطان يلعب في راسي

كنت اكلم شاب عالمسنجر وكان يعرف عني كل شي يعرف عن خطوبتي و كيف انفسخت و طيحتي في المستشفى وكان يقولي انا مستعد اكلمج عالتلفون 24 ساعه عشان تنسين .. و يلس الشيطان يلعب براسي و كنت هالفترة كارهه كل الرجال وابغي انتقم منهم ( ادري شعور غريب و غبي ) .. فقلت انا بس بتسلى معاه لحد ما انسى وبعدين بقطع العلاقة .. يعني لا حب ولا هم يحزنون ( يمكن تقولون هاي وحده فاسقه كيف ترضى تسوي جي .. بس والله ما ادري كيف لعب الشيطان في راسي و سمحت لنفسي اتسلى شوي )

وكنت متاكدة 100% اني بقطع العلاقة لان هذا الشاب ما يناسبني .. عكس صفات خطيبي وعكس صفات فارس احلامي التي اتمناها

هو مدمن للدخان (شيشه و سجائر)

ما يصلي الا يوم الجمعه او في رمضان

كل حياته طلعات شباب جلسات البر و رحلات البحر

دفش و لسانه طويل ويحب المشاكل على قولته

بس الشي الزين فيه انه يحب السوالف والعبط وكنت طول ما انا اكلمه اضحك .. لين ما صدق بديت اول شي انام بدون صياح ومع الايام بديت صدق انسى خطيبي و بديت استرجع حياتي ماقبل الخطوبه وصحتي بدت ترجع شوي شوي وكل هالفترة ونحن ما بيننا الا ضحك و سوالف ..


وقمت احس في الفترة الاخيرة اني بديت احبه و خفت و قررت اني اقطع العلاقة .. لان اول شي الشي اللي اسويه غلط وثاني شي هو ما يصلحلي ولا يناسبني


المشكله اني ما اقدر اقطعه .. حاولت اقطعه و ما ارد على مكالماته ولا اتصل و بعد ايام ارجع لاني احن له وتذكره .. والشيطان يقعد يوسوسلي ويقولي تمي على هالحال لين ما يجيك النصيب وتزوجين :14: خخخ

ادري والله ان هذا كله غلط وانا طحت في المعصيه الحين ابغي اتوب و اتركه بس مب قادره .. احس بفراغ كبير كبير كبير لما ما اكلمه

انا ادرس واشتغل في نفس الوقت يعني وقتي كله مزحوم بس بعد احس بفراغ عاطفي كبير

ما اعرف شو اسوي .. ساعدوني لو حتى بدعوة