انتهينا من الجوال وجانا اللاب توب - منتدى عالم الأسرة والمجتمع

02-11-2008, 01:05 AM

little dreams

كبار شخصيات المنتدى

تاريخ التسجيل: Sep 2004

المشاركات: 2,778

انتهينا من الجوال وجانا اللاب توب

السلام عليكم ورحمة الله وبركاته

بعضكم قرأ قبل فترة موضوعي عن خراب جوالي، وإلى الآن ماصحى من غيبوبته مع إني جربت كل الطرق الي قلتوها إلا بخاخ تنشيف الماء ماحصلته ..!
وبين فترة وفترة أطلعه من الدرج وأحاول فيه علّ وعسى بس شكله خلااااااص معد فيه أمل

الله لايلومه مسيكين ..!

المهم أنا ماصدقت أنساه وأسلى عنه شوي إلا تجيني مصيبة ثانية أعظم وأعظم !!
اللهم لك الحمد ..

لابتوبي قدر الله عليه وخرب خراب غريب !!
طبعا هو جاه ماجا الجوال بحكم إني محافظة جدا على الأجهزة الإلكترونية

بس عاد ماطاح في طشت موية منب سيئة لهالدرجة

ولاطاح من الدور الثانية بس من الكمدينه للبلاط على وجهه ولاضره ماشاءالله

الحاصل ياكرام إنه كان طبيعي تقريبا باستثناء إنه بطيييييء جدا بسبب إنه مليااااااان ..

كنت أشتغل عليه قبل أمس ثم خليته إسبات ولما رجعت له بعد 5دقايق لقيته متسكر، فتحته طلعت لي شاشة سوداء مكتوب فوق ع اليسار:
Opriting systm not found << مو متأكدة من إملائها ..

وبس مايطلع شي غير هالشاشة الكئيبة وهالأربع كلمات !!

الحين وش معنى هالكلام ؟!
خلاص تعطل وانمسحت كل ملفاتي ؟؟؟!!!!!!
يارب أجرني واخلف لي خيرا منها ..

متأكدة إنه مو فايروس لأني ماحملت ولاشي ولاحطيت فيه لاسي دي ولاميموري ..

مع العلم إني ماأبي أوديه لأي محل لأن فيه صور لأخواتي وهم مو صغار مرة وأخاف عليها ..
ونوعيته إل جي وعمره 3سنوات ونص، وأبشركم مو هدية من أحد

بس كان حق زوجي وعطاني إياه لي ..

على كل حال أنا كنت ناوية أشتري غيره بس أنا ضايق صدري على ملفاتي وأشيائي !!!
لها سنوات عندي وماحفظتها في مكان ثاني

يارب صبرني وردها علي ..

أبيكم تفيدوني في أمرين:

1/ العطل الي حصل وتأثيراته على ملفاتي في السي وفي الدي ؟

2/ اقترحوا علي لاب توب جديد بس حطوا في بالكم إني إنسانة على خبركم محافظة مرة ع الإلكترونيات

يعني أبي شي يتحملني .. ولو يكون فيه منه ملون أفضل ..

بانتظاركم

مواقع النشر

الكلمات الدليلية

اللاب, الجوال, انتهينا

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:50 PM.

روابط سريعه