السلام عليكم ورحمة الله وبركاته
اخواتي واخواني الاعضاء اليوم كتبت دا الموضوع وانا طامعة في دعواتكم لي فأنا محتاجه لدعاء المسلم لأخيه المسلم

الموضوع ومافيه اني متخرجه من الكليه بتخصص علمي وبعدها اشتغلت سنة في مدرسة وصارت عندي خبرت تدريس لمدة سنه وبعدها تركت التدريس والتحقت بالجامعه واخذت دبلوم عالي للتربية الخاصة بعد المرحلة الجامعيه لمدة سنه ونص وتوي متخرجه في شهر شعبان .......... هادي الحكاية

حتقولوا لي فين المشلكة


المشكلة اني ابغى اكمل دراسة الماجستير ان شاء الله دي السنه في الجامعه في مجال التربية الخاصة وبدأ التقديم في جامعة الملك سعود في الرياض بس لما دخلت على الموقع وقريت الشروط لقيت فيها شرط ما ينطبق وهو ان لازم يكون عندي خبرة في المجال التربوي لمده سنتين على الاقل والله لما قريت الشرط شوية وابكي
المهم انا قلت حأقدم بالخبرة اللي عندي واللي مدتها سنه وان شاء الله تتسهل اتمنى تدعولي انه تتسهلي والله اني كنت بأستنى دي الفرصة
واللي قهرني اكتر الوالد الله يحفظه يقولي ايش يوديكي الرياض تقعدي عند مين هناك
يعني شوف انا في ايش وهو في ايش
قلتله خليها تجي وتتسهل ان شاء الله والوالد مقدور عليه بإذن الله بس المشكلة لو الجامعه قالوا لازم السنتين

أسفه على الإطالة بس والله مرة مقهورة وان شاء الله ربنا يكتب اللي فيه الخير
لا تنسوني من دعاءكم وربنا يحققلكم جميعا كل أمانيكم

ياحي ياقيوم برحمتك استغيث اصلح لي شأني كله ولا تكلني الى نفسي طرفة عين

__________________
ربنا اجعلنا ممن نظرت اليهم فرحمتهم وسمعت دعاءهم فاجبتهم
يارب فرج همومنا وارزقنا فرحة تدمع منها اعيننا