الموضوع واضح من العنوان

أنا خاطري بالحج السنة هذي طبعا مو الفرض الفرض حجيته وأنا عمري 17 >>>سفيه كله سوالف وضحك

خاطري بالحج ألان يوم عرفت معنا الحج صح وعظم أجره

عندي بنت وولد البنت 8 سنوات والولد 1و 8 شهور راح اتركهم بيت اهلى عند خواتى

وزوجي إلى ألان متردد بالحج طبعا بيروح مع شباب بس إذا ماراح للحج بيكون يمر على عيالي كل يوم

وأنا خاطري بالحج حيل ومن اول السنة أقول الأبوي مكانى بسيارة محجوز بس الناس الكل يهوشني انتى مهبوله تتركين عيالك بالبرد

ربي معبود بكل مكان صومي العشر ويكفي حجيتى فرضك اجلسي عند عيالك بس

وأمي تقول كله خمس أيام ماعليك من كلام الناس تعالى معنا للحج

وأنا بصراحة ماودي أفوت الفرصة
أولا لأني بروح للحج مع أبوي وعماني وكل إلى معهم أمي وعماتي كلهم حريم وملتزمات فرصه الحج معه مابحصل احد اسولف معه بيهوشونى لو بسولف بيكون فرصه الدعاء والعبادة أكثر يعنى ومادري عن الدنيا بتتكرر مره ثانيه أو لا

وثانيا أخاف السنة الجايه أكون حامل او عندي طفل صغير مره او تتشدد أمور الحج لان أبوي وعماني مايعترفون بترخيص وحمله يروحون بدون حمله وترخيص سنويا

وثالثا أنا ألان بيت أهل زوجي وعادى لو اترك زوجي كم يوم الحالة بيكون بالا جازه فيه خواته بس أن شالله بعد كم شهر بتخلص بيتنا وننتقل له وهنا بيكون زوجي الحالة بالبيت[/

color]ورابعا زوجي يقول مع السلامة روحي معهم اهمم شي ماروح فيك أنا وغير كذا مع أبوك بلاش شوفي كم الحملات ألان أسعارهم بالهبل

وأنا محتاره بين أنى آبي الحج وبين عيالي وش رايكم

__________________
سبحان الله وبحمده

والله يالغالية عيالك ألزم عليك وهم الي بتسألين عنهم والحج ربي ييسره مرة ثانية ..

لو الولد أكبر من كذا يمكن أقولك خليهم وماعليهم خوف بس مسيكين توه صغير وبينفجع ياقلبي عليه

اتكلي على رب العالمين طالما انهم مع امك



على قول امك خمسة ايام تمر بسرعه



يقولون كيف تتركي ابنك بالبرد


ليش امك رح تتركهم خارج البيت

اكيد رح تهتم فيهم وتداريهم وتحطهم بنني عنيها

اختي حجي..............وكم بتتركين اعيالك كذا يوم.........

تذكري هذي السنه تسنا لك الحج وعايشه.......

والسنه الجايه ممكن انتي مو موجوده......

يعني الواحد يخلص الي في نفسه..........بوركتي....

هااااااااااااااا

ودي بالحج صح ولدي صغير بس انه يرضع صناعي وبياكل اقول عند خواتى امان

تراي على جريف خوافه على عيالي بس المره هذي احول اكون قويه ابي الحج

حياك ربي ياغلاتى ومشكوره على المرور

__________________
سبحان الله وبحمده

حياك ربي

صح خمس ايام .. لا وين امي بتروح معي

بيكونون عند خواتى واختى المتزوجه بتكون فيه زوجها بيروح للحج وفرصه اللزق عيالي فيه

__________________
سبحان الله وبحمده

هلا .....

صح انا تفكيري كذا انه فرصه مو شرط تتكرار

بس الناس جالسين يقطعون على علشان عيالى

__________________
سبحان الله وبحمده

أنــــــــا مع رأي الـــوالدة .. طالما أن اخواتك .. متكفلين بأبنائك .. وخمسة أيـــــام من أحلـــى ايام العمر ..
سهل الله عليكي ووفقكي .. ولاتنسونا من صـــالح دعــــائكم ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

ماعليكي من كلام الناس

العقل يقول روحي

والعاطفة تقول لا

خليكي مع العقل تكسبي

حج ببلاش ، ومع ناس ملتزمين ، وعيالك بامان باذن الله ، وكلها كم يوم وترجعي لهم

العالم تترك عيالها ويسافروا يجددوا شهر العسل ومحد يقولهم شي

جات على اللي بتحج نقولها لا ؟ عيالك اولى ؟

روحي حبيبتي الله ييسر لك انا لو مو حامل ما كان فاتني الحج هذي السنة وكنت بترك بنتي عمرها سنة و3 شهور عند اهلي

روحي ربي معاك ولاتشيلي هم كلام الناس خليكي بالشي اللي انتي وزوجك مقتنعين فيه

دام زوجك اعطاك الاوكي لا تترددي تراها فرصة محد يحصلها

ومو كل الرجال اللي يوافقوا

اغتنمي الفرصة وروحي ولاتنسينا من دعواتك

روحي حبيبتي الله يييسر لك أمرك


والأولاد إن شاء الله بأمان مع أخواتك لا تشيلي هم أبدا



والله يحفظه الولد مو مرة صغير .......


اتوكلي على الله وادعي لنا


وحاولي انك تقضينها بعبادة ودعاء وقراءة قران




أنا مثلك ودي اروح للحج بسس


أنا عندي ولدين واحد عمره سنتين و5 شهور


والثاني كمل 3 شهور


يمكن تركهم صعب شوي .........خاصة الأول مايخلي اخوه في حاله

ودايما هجوم عليه

وغيرته زايدة


لو رحت للحج بجلس اقلق عليهم مرة

ادري اهلي مابيقصروا لكن الإثنين مع بعض صعبة اتركهم



الحقي نفسك .....يمكن السنة الجاية تكوني حامل أو في يدك بيبي صغير





الله يسهل طريقك ويوفقك ويتقبل منك







تحيـــــــــــــــــــــــاتي

__________________