السلام عليكم

اخواتي الاعزاء..... ياليت اللي عنده علم بالموضوع يرد علي

شغالتي خلصت سنتين واتفقنا تروح اجازه

قصينا لها تذاكر ذهاب واياب على حسابنا طبعا

راحت لديرتها ولماقرب موعد رجعتها قبل اسبوعين من موعد الطائرة

اتصلت علينا وقالت : انتوا ماسويتوا لي حق الكرسي او تامين او مادري وشو

المهم قالت حولوا لي راتب شهرين مقدم (1600) ريال , طبعا رفضنا وقلنا لايمكن

اذا انتي جاده استلفيها او دبريها من عندك واذا وصلتي عندنا راح نعطيك ماطلبتي

وبعد عدد من الاتصالات منها والالحاح بالطلب مالقت غير هذا الرد

المهم جاء الموعد ... وفعلا كانت على الوعد ووصلت لنا بالسلامه

فقالت يالله اعطوني راتب شهرين مقدم ارسلها لاني متسلفتها من ناس من اقاربها

قلنا لها راح تكون مناصفه بيننا 800 منك و800 علينا .... رحمة بها

فقالت اصلا المفروض انه كله عليكم لان كل الشغالات الي يروحون اجازه ويجون يكون كفيلهم

دافع لهم حق التذاكر والتأمين على الكرسي وهو حوالي 1200 ريال.

طبعا التذاكر على الكفيل ما اختلفنا .... لكن التأمين اول مره اسمع عنه لانه اول شغاله لي تروح اجازه.

انا ما ادري هل كلامها صحيح .... والا نصب ياجماعه

هل الي راح لهم خدم دفعوا لهم شيء غير تذاكر الذهاب والاياب؟

مانبي نخلي بذمتنا شيء

وجزاكم الله خير