ايصال زوجي لخالة صديقه اقلقني ..
انا صار لي مدة واعوذ بالله من الشيطان الرجيم
وانا في موضوع شاغل بالي .. اوقات اقول بكتب اسأل واوقات اتردد
المشكله ان زوجي اتفق مع صاحبه ان يوصل خالته ( خالت صاحب زوجي ) الى عملها
كل يوم الصباح .. وترجع معاه ..!
السبب : مو لاقيه لها سواق ! الى ان تستلم الجمعيه تقدم لها على سواق وتشتري
سياره ..
انا اشوف المده طالت قريب الآن نكمل السنه على هالحال زوجي ماياخذ منها قيمة توصيل
وهي مو كبيره يعني في الـ 30 انا تكسر بخاطري عشان انها مريضه .. بس ماشوف سبب
مقنع يخلي المده انها قريب السنه وماتغير الحال معقول قريب السنه مالقت لها سواق !!
ولو كانت تخجل ان زوجي ماياخذ منها فلوس كان تصرفت واخلت مسؤوليته منها ..
انا اتضايق مو لهذا السبب السبب الأكبر ان زوجي اوقات يمرض مايقدر يغيب عشانها
اوقات اقول له تعال تغذى في البيت يقول ماقدر عشانها احيان اكون في مكان واقول له مر علي رجعتك
على طول .. بس اذا بتوديها وبعدين بترجع لي لا تمر علي ..! برضوا ماحس
هذاك اليوم بالصدفه بيوصل واحد من اصحابه فأضطريت اجلس ورا شفت في جيب السياره
فاتورة دربي 2 كوفي .. والي أكد لي انه له ولها قبلها بلحظات يقول انه يشرب كل يوم ذهابه الى العمل
كوفي ..! وادري عن زوجي مايرضى ياخذ فلوس ... غير ذا مره كنت احاول اسحب بالكلام اقول له
ايه واكيد تجلس تسولف معاها .. يقول لي اجل نجلس مثل الصنم !! تصدقوا انصدمت اندهش حرمه
شباب ورجال ويسولفوا ! وش برايكم عادي الوضع يمكن بعضكم يقول انا مكبره السالفه
بس مليت طال الوضع تخيلوا يسولف معاها الذهاب والأياب ومشوار الطريق ساعه ذهاب وساعه عوده
وانا ماشوف الا كم ساعه في اليوم برايكم مو شي يقهر احسها شريكتي انا ماغار وبدليل ذا دريت عن
سالفت يوصلها صدفه وماسويت مشاكل سكت وقلت في نفسي فتره وتعدي ..!!
الي اكد لي ان من كثر ماجلسوا مع بعض وسولفوا طاحت الميانه شافته في العيد مع زوج بنتها وبنتها
كانت طالعه معاهم تقول له .. وين عيديتي ..؟ بعدين شرى لها شوكلاته ووداه لها حطه على باب بيتها
هي مطلقه وفي الـ 30..! برايكم مو هذي حركات تنرفز الموضوع مصخ ووصل حده وانا مابي مشاكل
كان عندي امل وحيد وهو لما يغير زوجي منطقة عمله وفعلاً جاته وظيفه احسن وغيرها
رغم ذلك لا اعتذر منها ولا تغير الحال رغم اختلاف اوقات الدوام الا انها تنتظره او ينتظرها ..!
لا تقولوا لي اكلمها او اكلم صاحبه او مرت صاحبه لأن زوجي مايرضى اسوي شي من وراه
وانا مابي ازعله .. او اخلي هالموضوع سبب خلاف بينا
ابي حل بديل زوجي مو فاهم اني متضايقه وانا مابي اتكلم معاه صريح لأنه عصبي وبيزعلني
وكلما لمحت له مافهم .. وش اسوي ..؟
الإشراف :
تم تعديل العنوان ليتضح المضمون ..
التعديل الأخير تم بواسطة ملاك الغربة ; 19-11-2008 الساعة 07:10 PM
19-11-2008, 05:18 PM
ضوابط المشاركة
العرض الشجري