مساكم الله بالخير

يا اخوان ويا اخوات ...

كما قرأتم في العنوان فأنا تعبت وأتعبت ... انا اعيش حالة من المثالية الزائدة ... اقولها بكل صراحة ...!!

اعيشها في بيتي ومع زوجتي ومع زملائي حتى في عملي !!

يعني ابغى كل شي تمام لبسي واكلي وبيتي ونظافتي واولادي وحياتي كلها ولايمكن ان قبل بشي لا

يعجبني واتضايق وتتغيير نفسيتي بسرعة حينما اشوف شي ما عجبني !!

فأرجوكم شوفو لي حل معقول ترا حياتي صارت متعبه ونفستيي تتجه نحو الاحباط بصراحة !!

حاول تاخذ اجازة وغير جو

يمكن انت تعبت من الروتين اليومي

..

السلام عليكم ورحمة الله وبركاته


الحمد لله رب العالمين


اول رجل اجده منظم

وهيدا شي حلو


خذ اجازه من العمل وقسط من الراحه


من جهت انك تحب كل شي منظم بالبيت


انا معك فيه ومصير الاولاد والزوجه تتعود عليك

أخي ختومي أنا كنت مثلك في السابق *
لكن الزمن أقوى مني ومنك *
لابد أن تخفف تدريجياً من التدقيق في كل صغيره وكبيره *
و المثل يقول اذا ما طاعك الزمان ولا طعه*
يا أخي الدنيا ماتستاهل أن الواحد يزعل ويعصب *
حاول تقنع نفسك أن البشر يختلفون عن بعض * وكل واحد له طباعه *
ولا تستطيع أن تمشي الناس على كيفك * وليس من السهل تغيير طباع الناس *
أنا كنت أتعب مثلك * لكن الأن تأقلمت مع الوضع *
وسع صدرك وعش حياتك بهدوء مع الجميع 0
بالتوفيق أن شاء الله 0

مشكورين اخواني بس ما اظن اقدر اتأقلم بس بحاول !!!

أخي الكريم ...

لعلي استطيع ان ألخص حل مشكلتك في كلمتين ... وهي :

الإقتناع .... والتعديل

اولاً ... الإقتناع بأن الكمال لله وحده فقط ... فلا يوجد انسان كامل او معصوم من الخطأ ...

متى ما تمكنت هذه الفكره من عقلك الباطن واستوطنت فيه ... اصبح تفعيل ( التعديل ) في سلوكك

سهل ويسير بإذن الله ...

ثانيا ً ... التعديل ... ولن يكون ذلك الا بالصبر والدعاء .. ثم بعد ذلك بتعديل تصرفاتك بالتغاضي

عن النقص في بعض الأمور والصبر على ذلك ... وتحمل الأحساس الذي يطرأ عليك

حينه ومحاولة التغلب عليه ...

أعانك الله أخي ... وحقق لك ماتريد ...

__________________

أخي الفاضل..

رد الأخت ( الغد الأجمل )...رائع ومتزن ..

وممكن أزيد لك فكرة تساعدك ...

من أهم الأشياء التي تريد أن تجعلها ( تمام التمام ) نفسيتك ...!!!

فما الفائدة عندما عدلت الكل وخربت ( الأهم)...إذا حقيقة أنت لم تصل!!!

فرّج الله همك وأراح سريرتك...

[info]الاشراف: ينقل إلى قسمه المناسب (عالم التنمية البشرية وتطوير الذات) [/info]

__________________

أخوي ..

أنا ما اشوف إن فيها مشكلـه هذي , وما أسميها مثاليـه زايده

بالعكس .. أسميها تنظيم ونظافه , أنا تقريبا زيك بس ماني متزوج

بس انا يوميا اتحمم لما اصحى من النوم ويوميا أغير ثيابي وما آكل مع ناس ماتعرف تاكل !!

يعني آكل مع ناس من جد تحترم الأكل , اما مع ناس تقرفك وانت تاكل وتتكلم وتكح ويطلع من فمها الأكل ما أجلس معهم هالناس .. اخليهم براحتهم ولا أكل معهم عشان ما تنسد نفسيتي للأكل ..

وش بعد .. إتصدق إني مخطط وش أسوي يوم الجمعه الجاي !!

أنا دايم كذا , ما أسوي شي إلا لازم أخطط له وأسوي له إفتراضيات ..

يعني مثلا على سبيل المثال أقول زي كِذا :-

والله يوم الجمعه بطلع لمحلات الرياضه ماراح اطول بقعد كذا وقت بعدين في طريقي بلقا صيدليه وبقاله وفيه بعد في نفس الطريق محلات رجاليه بمر على الصيدليه اباخذ معجون اسنان ,

وهكذا ..

انا ما اسميها مثاليـه بالعكس

اسميها تنظيم للوقت والنظافه في كل شي مطلوبـه

النظافه من الإيمان ..

والوقت كالسيف إن لم تقطعه قطعك ..

اما انك تتضايق اذا شفت شي ماعجبك .. كلنا كذا وانا اخوك ~

يعني اعطيك مثال ..

لو إفترضنا ان انا مثلا طلعت الشارع وشفت سياره ماتعجبني .. ابتضايق شوي بقول هذي ماتعجبني

وأنا اللي أشوفه فيك .. إنك مكبر السالفـه ..

وبالعامي

(مسوي زحمه والشارع فاضي)




لا تشيل هم بس .. وعيالك بيتعودون على النظافه وتنظيم الوقت وهذا من صالحهم

يعني وش احسن لك .. يجي ولدك مو منظم وقته , وقته ملخبط عادي ينام بأي وقت يصحا بأي وقت يتغدا العشا ويفطر الظهر ويتعشا الصباح !!!

ويجي ولدك الثاني يغير ثيابـه في اليوم 5 مرات من الوساخـه !!

ولا تبي ولدك يجي منظم لوقته , متى يذاكر ومتى ينام ومتى يلعب ومتى ياكل ~

ويطلع الثاني نظيف محافظ على ملابسه وجسمه من الجراثيم والأمراض ~


وسع صدرك .. ولا تشيل هم

ترا مافيها مشكله بس زي ماقلت لك إنت مخليها مشكله

تحياتي ..

__________________




اللهـم صـل وسلـم وباركـ علـى عبدك ورسولك ونبينـا محمد

انا زوجي كده برضه

متابعه للموضوع

__________________