انا تقريبا ماحسيت بالفرحة الحقيقية <واقول الحقيقية الي من القلب >
من كان عمري 13 ونص يعني من ثاني متوسط ..... والسبب ببساطة اني من ذاك الوقت فصلت من المدرسة مع اني كنت شاطرة فعلا حسيت خلص مافي شي اعيش من شانه كل شي قدامي اسود رؤيتي للحياة بكل شي غير يعتم عليها السواد والحزن حسيت خلاص مافي طموح مافي امل واحس من ذاك الوقت ماكبرت احس للحين مخاوفي هي هي ماتغيرت ابد ولاتبدلت<وقصدي بمخاوفي يعني مااحب اتعرف على احد جديد ببساطة لاني اخاف يسالني انتي وش تدرسين وصرت انطوائية مرررررة ومااحب اطلع واذا قعدت بمستشفى والا بمناسبة ضرورية وفي احد مااعرفه كل الوقت افكر ان شاء الله مايسالني عن شي ابد احس اني تعودت عالحزن خلص صار نمط لحياتي نسيت الطفولة السعييييييييدة الي كنت عايشتها مع انها كانت بسيطة مابها شي مميز بس كنت فعلا طفلة استمتع بكل شي بدراستي بالعابي بالبلاي ستيشن بكل شي


طبعا السبب الي تركت من شانه المدرسة مو من اهلي لا مني انا فجاة وبدون سبب واضح صرت اكره المدرسة واخاف منها واتضايق مررررة يوم اروح لها ضليت على هالحالة الى ان انفجرت خلاص مااقدر اتحمل يوم زيادة بها ومن ذاك الوقت وانا مارجعت لها ولا افكر حتى لانها صارت رعب بالنسبة لي ماتصدقون وش كثر احسد صديقتي يوم تكلمني عن مدرستها والمواقف والامشاغبات والملابس والفسحة وووووو...
ياااله نفسي احس هالشعور واعيشه

صراحة للحين ماادري وش سبب الي صار معي يمكن تكون عين ويمكن لا صراحة ماادري
مع ان الفترة الاولى من مرضي رحت لشيوخ وقرو علي بس مافي شي تغير

كل يوم ادعي اني اصير قوية واصير واثقة من نفسي مليت ضعف مع انه مايبين علي بس انا داخلي احسه....


انا الحين عمري 17 يعني المفروض اني بثاني ثانوي



وبالاخير كتبت هالكلام مو عشان شي بس عشان افضي الشحنات المكتومة من سنين بصدري وماقلتها لاحد باستثناء صديقتي المخلصة....

واتمنى اشوف نصائحكم الاخوية لي

حبيبتي اذا تبين تتخلصين من هذا كله ارجعي ادرسي من جديد افضل لك من التفكير والانطوائية ويضيع مستقبلك ادخلي في مدرسة جديدة مااتعرفين احد افضل لك عشان ماتقولين كانوا مع صديقاتي وسبقوني وكلها كم سنة وتكونين فلحتِ ..
والسعادة ماتجيك ع رجولها لازم آنتِ تبحثين عنهااااااا ..
حااولي هالاسبوع تروحين لمدرسة اهلية وتلحقين ولو ماالحقتِ ادخلي معهد ..

__________________
وإني لأرجو الله حتى كأنني ... أرى بجميل الظن ما الله صانعُ .

انتي من نفسك تركتي الدراسه.. محد أجبرك على هذا القرار يعني خلاص خليك واثقه من نفسك وعادي لو سألووك الناس قولي الصدق انا ما ابي ادرس! شفت كذا وحده نفس وضعك ونفس الرد يقولون ما نبي مزاجنا كذا مو حق دراسه..مع اني أشجع العلم ولو انك اختي كان زنيت على راسك لين تكملين دراسه...
ما أدري سبب فصلك ما قلتيه بس كأنك تلمحين انه عين او حسد لكن عندك رغبة اذا كذا أنصحك ترقين وتعالجين نفسك وتكملين يمديك لأنك لازلتي صغيره وفيه مجال كبير ...
الله يوفقك وتكملي دراستك وعقبال الدكتوراه ليش لا اذا انتي مجتهده.

__________________
[type=612464][/type]

انا اصلا يااختي قبل 5سنين واقل بعد اخر شي اتوقعه اني اترك المدرسة لاني ببساطة احبها وارتاح فيها وماكنت من النوع الي يبي بس الفكة منها بس فعلا الي بي مرض كل مافكرت ارجع لها اخاف مرة خوف مرضي مدري وشلون انقلبت الاية

الله يسمع منك

صدقيني يمكن اللي صار لك خير ماتدرين اقول لك كيف ... مافيه نجاح عظيم أو عمل مبدع أو الاختراعات اللي نشوفها الان موجوده في حياتنا اليوميه واللي ما انوجدت بالفطرة فاهمه علي وش اقصد بالفطره يعني ما انخلقت خلق بل اخترعت اختراع وخلف كل اختراع شخص مبدع بدءاً من المصباح الى التلفزيون والتيلفون وصولاً الى الطياره كلها اختراعات مفيدة للبشر يعني لا يمكن يجي واحد يقول والله اللي اخترع الطيارة شخص مبدع واللي اخترع اللمبه شخص عادي لا كلهم مبدعين ليش لأن ماقاموا به لم يكن موجود بالفطره يعني مافيه شجرة نزرعها وتنبت طيارات ومصابيح وما علينا الا قطف هذه الثمار ... لا ... ولنتكلم عن المصباح كم قعد عشان اخترع سنوات كم محاولة فاشلة اعتقد قريب 1000 محاولة فاشلة لصنع اول مصباح ومع ذلك لم ييأس انا اتكلم كذا لأجل ان اقول لك انك توك صغيره وابتعدي عن التفكير المحبط اللي هو اللي كانوا معي الان بثاني ثانوي لانك اذا بتقولي كذا صدقيني بتجي بعد 20 سنه وتقولين لو كملت المتوسط سنتين والثانوي 3 سنوات والجامعه 4سنوات والماجستير 3 سنوات والدكتوراة 4 سنوات كان الان انا دكتورة من 4 أو 5 سنوات ... وتلاقي صاحباتك اللي وقفت بعد الثانوي واللي اكتفت بالشهادة الجامعية .... فلا تتصوري الفترة اللي جلستيها فترة طويله كافية لضياع مستقبلك قد يكون انقطاعك الفترة هذي استراحة محارب يرتاح ليتأهب للإنطلاق نحو الابداع وأعلى الشهادات ولو كملتي الان مايجي عمرك 27 الا انتي استاذه حاصلة على الماجستير من كم سنة وتحضر الدكتوراة ... ليش لا ما هي صعبه بس تنتظر اول خطوة وهي استئناف الدراسه ويمكن انقطاعك يكون سبب انك تستوعبي الدروس بشكل اكبر فعقلية 17 تستوعب اكثر من عقلية 13 يعني بتكون دراستك من هنا للدكتوراه اقل من عمرك .... واذا تقولي مو قادرة تروحي للمدرسة وانتي مارحتي هذا معناته انك ماتبي تدرسي لازم تروحي وترجعي لمقاعد الدراسة دون انك تقولي قبل لا تروحي ما اقدر اروح او اذا رحت ماراح استمر ماتدرين ... الا اذا كنتي ماتبين تروحين وتصنعي مبررات لنفسك عشان نشجعك تبقي غلطانه ... اما مسألة العين ... مشكلتنا يا العرب اذا ذبحنا الكسل والعجز قلنا معيون ومحسود واذا ادمن الواحد على المخدرات قلنا فيه نفس او مسحور ... لا ننكر وجود العين والنفس والحسد والسحر بس ماهو لدرجة الواحد مافيه لروحة المدارس والمذاكرة والنوم بالليل بدري والقومه من الصباح بدري ومراجعة الدروس بالاختبارات يختصرها على نفسه ويقول فيني عين فيني ضيقه اذا دخلت المدرسة ........ راجعي نفسك واصدقي مع نفسك باللي تبينه قبل لا تصدقي مع الناس فيما تقولينه .

المفروض يا عيوني

تكوني كلك حياة ونشاط

انتي في اجمل سنين العمر


اقرائي سورة البقره وسورة ياسين

وان شاء الله كلو ينحل


تفائلو بالخير تجدوه

الخوف عدو قاتل


قومي توضي وصلي وابتسمي واضحكي


اكيد امك شايفتك هيك بتكون زعلانه عليكي

قومي فرحي قلبها وقلب ابوكي

__________________
http://live.gph.gov.sa/
اللهم اني استودعك اولادي

نقل إلى مكانه المناسب .