مش عارفة اقولكم اية........


بس انا زواجى ان شاء الله بعد ايام قليلة بس مش عارفة لية حاسة انى مش داخلة على حاجة جديدة حاسة انى هتزوج وخلاص ...... مش حاسة انه زواج وبيت جديد وناس جديدة وحياة جديدة ومعملة جديدة........... مش بحس انى فرحانه اوى الا لما اركز وافكر وافرح نفسى......

هقولكم الظروف المحيطة...



.......... انا الحمد لله بحب زوجى اوى وكاتبين الكتاب بقالنا كتير وكنت فى الاول بحبة اوى اوى يزورنى وكان يزورنى كل اسبوع وفى الاخر قللنا الزيارات شوية واخر حوالى شهرين ماشفناش بعض غير مرة قبل الزفاف ان شاء الله..........



.......... كنت بحبة ييجى فى اول كتب الكتاب اكتر من الاخر _مش عارفة يمكن عشان كان بيعمل حاجات مختلفة عن الاخر _ ........والفترة الاخيرة دى كانت بايخة جدا جدا اللى هى فترة التجهيزات وحصلت فيها مشاكل واحنا ماكناش بنشوف بعض ( واعتقد ان دة غلط )فمش عارفة بقى البعيد عن اعين بعيد عن القلب واللا اية؟........


كنا فى الاول الحمد لله ماكانش فى بيننا مشاكل يعتبر خااااالص لدرجة انى ماكنتش اعرف اية المشاكل اللى ممكن تكون ماشاء الله تبارك الله.........لكن الحمد لله على الفترة الاخيرة



المهم ان الاسباب اللى ممكن تكون فى احساسى دة هى..



_البرد الشديد وانا اصلا فى بيتنا بحس ان حركتى صعبة فى البرد دة


_مايحدث فى غزة........مش عارفة المفروض تكون اية الاداب اللى اتبعها فى فرحى علشان اشاركهم ...بدعى ربنا يفرحنى مع المسلمين كلهم عن قريب قبل فرحى


_الناس اللى حواليا اغلبهم عندهم امتحانات ومش فاضيين يفرحو اصلا ......عائلتى واصحابى


_المشاكل الاخيرة ...... وعدم رؤيتنا لبعض فترة طويلة .......... كما ان الحاجات اللى كان بيعملها معايا فى اول كتب الكتاب احلى كتير من دلوقتى وكانت محببانى فية






........علشان دة كلة حاسة انى هتجوز مع ايقاف التنفيذ لغاية ما الظروف تتحسن..........اسفة انى طولت عليكم..........ممكن ماتشوفوهاش انها مشكلة اوى.........لكن انا عارفة انه الغرض من المنتدى دة التقريب ما بين الزوجين وانا بجد حاسة انى بعدت عن زوجى شوية وخصوصا ان زفافنا ان شاء الله قرب اوى فمينفعش اتجوزة وانا شايلة منه ........ صح؟

هو وانا كنا عايزين نتكلم ونفضفض مع بعض كتير لكن الظروف ماسمحتش كما ان فى حاجات مش هعرف اقولهالو براحتى زى هنا .........


جزاكم الله خيرا مقدما........... وربنا يبارك لكم ماحدش يقولى اية الموضوع دة مافيهوش مشكلة وشوفى غيرك واحمدى ربنا ..........طبعا الحمد لله الحمد لله الحمد لله وربنا كرمنى كتيييييييييير جدا الحمد لله .......ولكن انى اسعى انى احب زوجى اكتر او اصلح اللى بيننا وأصفى اللى جوايا من ناحيته قبل الفرح اعتقد ان دة شىء مهم

وبقولكم كدة عشان انا اصلا بستصعب افتح اى موضوع جديد واحكى عن نفسى اى حاجة........ممكن تكون مشكلة عندى عارفة ان لها مميزات كتير لكن برضو لها عيوبها....والتى يا رب اعرف اتفاداها......فأرجوكم شجعونى ان لما يكون عندى مشكلة افضفضلكم واحكيلكم مش العكس هعلشان بجد فى ناس هنا بيعجبنى رايهم جدا ربنا يبارك لهم علشان انا اصلا بطبعى كتومة اوى.........



اسفة اوى انى طولت عليكم لكنى عارفة فى صدوركم السعة........


والسلام عليكم ورحمة الله وبركاته

__________________
الله معى .. الله ناظرى .. الله شاهد على ..