السلام عليكم..


أبغا منكم حل لمشكلتي...


لي صديقة عزيزة علي مررررررررا أحبها واعتبرها رفيقة دربي وروحي..

اعتبرها وحدة من اخواتي..

ممكن نكلم بعض في اليوم 3 أو 4 مرات ..

مكالماتي لها وفضفضتي لها اكار من اخواتي..

اسرارنا عند بعض..

المهم ...

مرة من المرات كانت تحكيني عن مشكلة بينها وبين جوزها..

وبعد كدا تصلت عليها اطمن اش سوت مع جوزها..

ووقتها انا كنت طفشانة ابغا اهرج معاها..

وقالتلي ماصار شي وكانت مشغولة وقالتلي اكلمك شوية..

قلت طيب..

انتظرت اتصالها مااتصلت قلت يمكن انشغلت..

عااااااااااادي..

المهم ...

اليوم ا لثاني اتصلت مرتين مارديت عليها كنت مشغولة..

واتصلت المرة الثالثة ورديت عليها ..

قالتلي اش بك؟؟ مكورة؟؟(يعني معصبة)؟؟

قلتلها يوا ..وانا وقتها مرا كنت طفشانة واخلاقي قافلة

وقالتلي ((طقي راصك في الجدر))

هي مسوية انها بتمزح ..

قلتلها طيب مع السلامة

ورخيت السماعة..

صارت تتصل مارديت عليها ..

واليوم الثاني ..

والثالث..

وبعدين ماعاد اتصلت ابدا ..

شكلها حلفت يمين انها ماتتصل تاني..

ودحين لنا اسبو ع مانكلم بعض..

بعد ماكنا في اليوم 4 مرات..

بالله اش رايكم؟؟

مو هيا الغلطانة؟؟

بس انا مابغا علاقتنا تنقطع..

وفي نفس الوقت مستحيل اكلمها..

لاني في نفس الوقت ابغاها تتأدب في الكلام معايا او مع غيري..

لانو كلامها شويا عفش..

حتى مع زوجها..

مااااااااااااااااااااااااااااارأيكم؟؟؟

تم تعديل العنوان

المفروض طالما انها متزوجه


ما يكون في كلام كتير يعني بدل الثلاث اربع مرات في اليوم


مره واحده وما يكون زوجها موجود

حولي حبك لاخوتك والكلام مع اخوتك لانه مهما حصل يبقو اخوتك


الصحبه الزايده غلط بنظري انا





كلميها انما رسمي

انتي بتعرفي انو اللي يبدا بالصلح ثوابه كبير عند رب العالمين



كلميها وخففي من المكالمات


ولا تنسي المثل القائل : احذر من عدوك مره ومن صديقك الف مره




انها تعرف كل اسرارك وهذا اكبر غلط تقع فيه الناس


السر في قلبك انتي فقط ما الذي يضمن لك انها تحفظ السر ولا تتكلم فيه هنا وهناك


اتمنى انك تكوني فهمتي كلامي


احتفظي باسرارك لنفسك مهما كان الشخص قريب لك


لا تعلمي متى يتحول الحب الى كره لا سمح الله

وكل المغطي يظهر ونصير سيرتنا على كل لسان





واحيانا نتفاجئ بكلام لا يمت لنا بصله والناس تصدق لانها تعرف مدى العلاقه الحميمه اللي كانت بينهم

__________________
http://live.gph.gov.sa/
اللهم اني استودعك اولادي

لا تعتقدوا انوا العلاقة اعجاب اوشي من ذاك القبيل..

علاقة اخوية فقط...

واحنا كلنا متزوجين..

وحكاية المكالمات مجرد انو نتسلى سوا ..

لانو ازواجنا كلهم مشغولين..

ومستحيل ممكن نطول في المكالمات وأزواجنا يكونوا في..

حبيبتى اذا ماكنت غلطانه هى اتصلت بكى 3 ايام وانتى ماتردى طيب ايش تسوى يعنى طبعا لازم ماتتصل تانى انتى المفروض تتصلى عليها وتعتذرى انك ماكنت بتردى لاسباب وانا مع اختنا green222ماشاء الله تتكلمه مرات عديده اعتقد دا هو السبب اللى يجعلكم تتخاصموا لانكم تعودتم على الكلام مرات متكرره مثل ماقلتى فاذا كانت واحده فيكم مشغوله وما رديت على التانيه مثل العاده تخاصمها وتحسها متضايقه منها كلميها وكانه ماصار شئ وحاولوا انكم ماتزيدوا فى المكالمات علشان مايصير خصام اذا انشغلتم عن الاتصال

واضح أن علاقتك معاها (( علاقة منفتحة عالآخـــــــــــر )) .... وفي الغالب في مثل هذه العلاقات

الشخص يقول كــــــــــــلام (( عفش )) وأحياناً كــــــلام ((فاحش و بذيْ ))


الآن السؤال المهم ليس هو (( من المخطئ ))


المهم هو أن تـــــضعي أسوأ النتائج التي يمكن أن تحدث إذا ما تركتكِ رفيقتك (( أي سر

سوف ينكشف )) كيف ستتصـــــــرفين حينها ومماذا سوف توتبين ؟


و أن تعلمي أن الأعتــــــــــــــــــدال في العلاقات مع الآخرين هو الأريح والأفضل لك ِ ولهم


وأن تعيدي حساباتك في هذه العلاقة .


واضح جداَ أن لديك أوقات فراغ لا تستثمريها جيدا ً ...لقتل الوقت تتصلين برفيقتك تفصحين عن جميع


أســــــــــــرارك (( وهو خطأ فادح جدا )) البيوت أســـــــــرار ... والنفوس


(( تتغير ))...


حبيبتي أنصحك أن تشغلي نفسك بما يفيد و أن تعيدي النظر في هذه الصـــــــــداقة و بصدق أجيبي


بنفسك عن هذا السؤال هل تواصـــــــــلكِ الهاتفي مع رفيقتك فيه كــــلام يُغضب الله أم لا كالغيبة

والنميمة و غيرهـــــا ....

وفي حال عادت المياة إلى مجاريها (( علاقتك معها يجب أن تكون بحدود ))


واجتناب الخوض فيما لايعنيك ِو بلاش هــــرج لأنه

يجــــر إلى تجرئ الآخر بقول كلام بذيء



ثم إن أجمل الصداقات والحب الذي يحبه الله هو أن يحب المرء لا يحبـــــــــــه إلا لله .



أتمنى لك التوفيق .

مشكورة اخت جهاد..

لكن انا متحفظة في اسراري معاها ...

يعني مو كل شي اقولها..

بس الأمور اللي مرا مضايقتني واحتاج افضفض فيها..

اعتبرها اكتر وحدة قريبة مني..

واكتر انسانة ممكن استشيرها..

عادى طبعا اكيد لازم يكون فى احد اقدر اخرج اللى داخلى معه طبعا مو اى احد ولا اى شئ وانا مثلك لكن الفكره ان اختلاطكم او ارتباطكم ببعض اكثر يؤدى للخصام والمشاكل لان كل واحده منكم بتكون منتظرة من الاخرى اكثر مما تحصل عليه مثال انها تتصل فى وقت انتى مشغوله فيه فتعتقد انك مضايقه منها لانها منتظره تكونى فى احسن الاحوال كل مكالمه فى اليوم اقتصدى فى عدد المكالمات بالرغم انى حاسه اننا خرجنا عن الموضوع الاصلى اللى تقصديه وهو خصامكم وانا من رايى انك تكلميها

يا حبيبتي الموضوع لا يحتاج كل هذا كيف تقولين انها اعز صديقه ولا تتغاضين عن بعض تصرفاتها من منا بلا عيوب ومن منا لا يقل كلاما ساعة الغضب كلميها فهذه اختك وحولي الموضوع لضحك وهزار ولا تعاتبيها فالموضوع لا يستحق العتاب

انا اعز صديقه لي تقيم في محافظه ثانيه ولا نتكلم مع بعض الا مره في الشهر تقريبا ولا نرى بعض الا نادرا وماشاء الله بقالنا عشر سنوات اصحاب والحمد لله عمرنا ما تخاصمنا لان مكالماتنا محدوده

__________________

أنا عمرى فى حياتى مازعلت مع أصحابى
لان ببساطه أى كلمه (جيده أو غير جيده) على قلوبنا زى العسل
لذلك صعب نزعل ونتخاصم

__________________

هذا الشيطان ووساوسه .....اتركي عنك هالوسواس والتهديد والوعيد


لو انتي صديقة حقيقية كان نصحتيها أو صارحتيها من البداية عن بعض سلبياتها اللي قد تضايق الغير ما تنتظرين الموقف واتقولي انك تبينها تتأدب...وهالكلمة قوية ما تنقال لصديقة تتكلمين معاها 4 مرات في اليوم)

كلكم غلطتوا على بعض عشان كذا عادي أي وحدة منكن تصالح الثانية...ولاتنسين المرء على دين خليله....اتركي سلبياتها على جنب وشوفي ايجابياتها ومواقفها معاك الاشياء الحلوة اللي بينكم وان شاء الله ربي يهدي سرك وتتصالحون من جديد...

ولاتنسينا من الحلوى

__________________