مشكلة خطيبتي مع المكالمات
السلام عليكم
اخواني انا الحمد لله ملكتي كانت الاسبوع الماضي والأمور تمت على مايرام
بس الي شاغل بالي ومحيرني خطيبتي ..!!!
اول مكالمه بينا كانت ساعه وعليها بعدين قفلنا لأن كان عندي موعد
ثاني مكالمه ماطولنا ربع ساعه لانها كانت في بيت خالتها عندهم عزيمه وقلت كلميني قبل ماتنامين وأنتظرت وسحبت علي ما اتصلت ولا شي 
ثاني يوم كلمتها ساعتين تقريباً وسألتها ليش ما اتصلتي امس قالت ماعليش تعبت ونمت با الصاله وانا آسفه اني مارسلت لك مسج اني بنام !!
المهم ثاني يوم رسلت لها مسج وسألت عن اخبارها وقلت وينك الحين ردت بعد ساعتين وطمنتني عن حالها وقالت انا في المطعم مع اهلي ورديت عليها بمسج على اساس اني بسولف معها با المسجات وسحبت علي الين الحين لاهي ردت بمسج ولا اتصلت 
يعني يومين ماكان بينا الا مسج واحد بس !!
وطبعاً انا ماني متصل ولا مرسل مسج لأن الزم ماعلى الأنسان كرامته وعزة نفسه .. وعلى فكره دايم احاول اسولف معها با المسجات وهي ترد بمسج مسجين وتطنش ..!!!
بس والله الشي هذا سببلي احباط نفسي وضيقة صدر لأني كنت رامي نفسي بكل مشاعري عليها وهي كانت باردة في مشاعرها معي بس طبعاً طبيعي هالشي منها لانها مستحيه مني .. بس انا ابي تحسسني بإهتمامها فيني وانها المفروض تحرص على المكالمات مثلي عشان تبدأ تفهمني وافهمها وتتعلق فيني واتعلق فيها ..
على العلم اني احس بفرحتها فيني من خلال المكالمات ومن خلال قعدتنا مع بعض في الملكه .. على اساس ان ما احد فيكم يقول انها مغصوبه او شي من هالكلام لأني واثق من خلال تعاملها وسواليفها انها مرتاحه جداً معي ..!!
بس والله مدري وش اسوي ابي ارسل مسج او اكلم بس متردد الين قررت اطنش والي يصير يصيــر .. والله احساس شين لما الواحد ماله الا كم يوم مع خطيبته وتكون سبب في ضيقة صدره
والله يعطيكم العافيه ادري طولت عليـكم 
بس تكفون الي عنده شي يقدر يساعدني فيه لايبخل .. لأن هالشي حطمـني واحبـطـني ..!!
__________________
تــراني اخــوكم مانيـب اخــتكم << منعاً للاحــراج 
التعديل الأخير تم بواسطة jeans ; 27-02-2009 الساعة 12:53 AM
26-02-2009, 10:04 PM
ضوابط المشاركة
العرض الشجري