السلام عليكم ورحمة الله وبركاته



اهلا بيكم يا اهل المنتدى

انتقلت لقسمكم حديثا فانا والحمد لله تزوجت منذ حوالى شهرين

ولكن

طبعا لكل زواج وخصوصا فى الاول مشاكل ولو حتى بسيطة

كنت بحاول امشى نفسى بنفسى وبصراحة بكسل اكتب موضوع واطلع كل اللى جوايا مش متعودة احكى اللى جوايا بسهولة لكن قلت لو شاركتكم معايا اكيد هيكون افضل انى استفيد بخبراتكم وما خاب من استشار


انا بحب زوجى الحمد لله جدا وهو كمان بيحبنى اوى الحمد لله ربنا يباركلنا يا رب



بس انا فى الاول كنت ببكى كتير وهو كويس الحمد لله بس كنت ببكى كتير هو فى كتب الكتاب كان علطول هو اللى بيزعل وانتا اللى بصالحة لكن دلوقتى بقيت علطول انا اللى بزعل وهو بيحاول يصالحنى بس من كتر مابضايق وببكى بقيت شوية نكدية الحمد لله حاسة انى اتحسنت شوية لكن لس برضو بضايق كتير



المشكلة او يعنى من المشاكل القوية ان انا نفــســــــــــــــــــى يتكرر كتب الكتاب وخصوصا الفترة الاولى فيه....
بجد كان جميل اوى ماشاء الله وكنت فرحانه فى اوله اوى مش دى المشكلة ......المشكله ان زوجى الحبيب واعتقد كعادة الرجال الله يسامحهم بيحب اوى اوى يقعد على الكمبيوتر كتييييييييييييييييييييييييييييييير وببقى حاسة دايما انه نفسه فيه ذى ما كان نفسه فيا انا فى اول كتب الكتاب


لدرجة انى انادية لما احط الاكل ياكل ويروح للكمبيوتر تانى حتى من قبل ما انا اخلص اكلى

ومابين كل اكلة واكلة الكمبيوتر ومابين اى حاجة والتانية كمبيوتر..............بجد بجد حاسة انى مخنووووووووقة منه اوى اوى اوى


لدرجة ان فى الصباحية او يعنى بعدها بيوم او يومين عقبال ما انا مثلا كنت اجهز الاكل كان برضو يقعد على الكمبيوتر حبيبه

ولتكملة الصورة بقى واحنا قاعدين بقى بناكل الفترة اللى قاعدينها مع بعض بيعمل اية؟؟؟؟؟؟

بيتفرج طبعا على حبه التانى قناة الجزيرة.........دااااااااااااااااااايما الا قليلا


ياجماعة والله الحمد لله بحبه وبموت فيه كمان والحمد لله الحمد لله ربنا يباركلنا هو كمان بيحبنى اوى وانا عارفة....


لكن والله اشتقت لايام كتب الكتاب اوىىىىىىىىىى ماكنتش اعرف ميزتها الخطيييييييييييرة فى انه بيقعد معايا طووووووووووووووووووووول النهار من غير كمبيوتر ولا قناة الجزيرة

اتكلمنا طبعا فى الموضوع قبل كدة.........و سالته سؤال بصراحة وطلبت منه يجاوب بصراحة....

احنا كنا بنقعد مع بعض اكتر فى كتب الكتاب واللا بعد الجواز اكتر؟؟ولكن قعدة صااافية مش علشان سبب ذى الاكل او النوم قعدة بس كدة مش جايلى علشان حاجة؟؟

فى الاخر اتفقنا ان فى كتب الكتاب كنا بنقعد القعدة دى اكتتتتتتتتر من الزواج ......... تخيلو

وهو قالى طبعا لا لازم نقعد مع بعض ضرورى

وقلتلة ان انا نفسى ييجى لى ذى كتب الكتاب بالظبط مرة فى الاسبوع زيـــــــــــــارة فى الصالون ومايدخلش جوة خاااااااااااالص وانا هجيبلو الاكل وكل حاجة ذى كتب الكتاب بالضبط وقلنا يوم الجمعة زى برضو كتب الكتاب


المشكلة ان كل يوم جمعة بنبقى مشغولين فقلتله خلاص النهاردة الخميس بدل بكرة فقالى ماشى بس بجد اللى سد نفسى اوى

فى كتب الكتاب كان بيتمنى اى ساعة زيادة يقعدها معايا لدرجة انه كان بيقولى اجيلك من الاساعة 10 صباحا وبالفعل جة كذا مرة كدا ولولا انه حس ان شكله مش حلو امام اهلى كان نفسه يكررها بس العادى انه كان مثلا ييجى لى الساعة حوالى 5........

فأحنا النهاردة صحينا بدرى انا صاحية حوالى 7 و نص وفطرنا وشلت الفطار بسرعة علشان مايبقاش ورايا حاجة والبس بقى ونقعد فى الصالون وقلتله يلبس هو كمان لبس خروج........

المهم انه دخل على اوضة النوم وقالى مش هتيجى فرحت وقعدنا نتكلم شوية على السرير وكنت بقولة بجد اية الفرق بين كتب الكتاب ودلوقتى ........

المهم انه قالى ان فى كتب االكتاب كتنت بشوفك يوم فى الاسبوع لكن دلوقتى كل يوم......المهم ان هو تقريبا ضحك على نفسة لما قال اننا بنقعد مع بعض دلوقتى اكتر لاننا لس متكلمين فى الموضوع دة امبارح


وقالى ماشى النهاردة ليكى وهنقعد مع بعض بس ننام شوية وبعدين لما نصحى ......... وكان بيهزر قبلها وبيقول مش الساعة 5.........ذى كتب الكتاب يعنى

مع انى اتحداكم انه لو ماكنتش قلتله على اننا نقعد مع بعض النهاردة كان زمانه دلوقتى قاعد على الكمبيوتر حبيبه........


بجد بجد بجد كرهت الكمبيوتر واتسدت نفسى والله ولا ليا نفس اقعد معاه النهاردة.........علشان صعبان عليا اوىىىىىىىىىىىىىىى انه كان هو اللى بيبقى نفسه يجيلى اوى فى كتب الكتاب ونفسه يقعد معايا اى وقت..........ودلوقتى اة بيحبنى لكن القعدة دى ماتهموش فى اى حاجة بالرغم انها بالنسبه لى تعتبر كل حاجة ومن الاسباب اللى كانت محببانى فيه فى كتب الكتاب اوى


صعبان عليا اوى ان انا رغم اننا متجوزين وفى بيت واحد الا اننى نفسى ارجع بيت ماما ويزورنى هناك تانى علشان مافيش وقت هنا........وعلشان حاجات تانية برضو رغم ان هو فى بلد وانا كنت فى بلد والفرق بيننا كان حوالى ساعة ونص مواصلات.......


بالله عليكم يا ازواج انسو الكمبيوتر شوية بالله عليكم وانتبهو لزوجاتكم زى كتب الكتاب مش علشان اخدتوهم وضمنتوهم فى بيوتكم خلاص


وبالله عليكم بقى انصحونى اوى علشان بجد خلاص خايفة اصلا ابكى قدامه تانى علشان لا قدر الله بقيت نكدية وكل يوم ابكى وعلى اسباب تانية كمان


وفى الاول وفى الاخر الحمد لله بجد بجد بحبة اوى اوى اوى اللهم بارك وبرضو الحمد لله سعيدة انى جمبة بس بجد حكاية الكمبيوتر وقناة الجزيرة دول صعبين اوى وبيبعدونا عن بعض لدرجة انى بعد الجواز بيومين كنت بهزر واقولة هنبتدى تبقى دى يعنى الكمبيوتر شكوى والله ماكنتش اعرف انها بجد هتبقى شكوى كنت بس بهزر واتريق لكن الحمد لله اللهم اجرنى فى مصيبتى واخلفلى خيرا منها هى اصلا هواية عندة الكمبيوتر وبرامجة.........وانا زهقت من انى اكون نكدية بس فى نفس الوقت اقل حاجة بتأثر فيا ومش عارفة اصفى



اسفة كتير انى طولت عليكم بس ارجوكم تدعولى انا وزوجى وامى وابى


وجزاكم الله كل خير


والسلام عليكم ورحمة الله

__________________
الله معى .. الله ناظرى .. الله شاهد على ..