السلام عليكم ورحمه الله وبركاته
مرحبا جميعا ^^
كيف حالكم ان شاء الله تمام


خلونا ندش في الموضوع على طول ما عندي وقت ههههههههه
المهم احم احم
انا استطعت وبحمد الله ايجاد عمل كمعلمة في مدرسة اهلية ( انواع الكرف ) والحكمة تقول انت قادر على الحركة اذن اعمل
المهم مب هذا موضوعنا
الامر انني ما احس اني حبيت الشغل ولا احس اني اعطيت صح للطالبات لاني احب يكون بناتي فاهمين
تماما وقدرتي ومهارتي مازالت متوسطة وتميل للضعيفة ^^" كوني مستجدة في هذا الشي
وحاولت بكل الامكانيات واشتغل في البيت وفي المدرسة حتى احيانا اوصل لمرحلة الانهيار الجسدي
والفكري كل مرة افكر وش الطرق الافضل وكل مرة اغير طريقتي
واقوم عليهم وانام وانا اتحلم فيهم
وتعبت جدا وبدت نفسي تنفر من هذا الشي
وصرت اقول لاهلي اني ابي اترك الشغل ما تناسبني مهنة التدريس
وقالوا لي مادامك ماتحبين التدريس ليش اجل دخلتي قسمك هذا الي تبينه وليه وليه
طيب هذا شي راح ><" ما اقدر اسوي شي في قرار اتخذته وكنت راضيه عنه
وفي الماضي يحاسبوني
عليه الان
انا ابي حل لمشكلتي الحين

انا ما عاد ابي ادرس ولا ادري اذا فيه شغلة تناسب لي من تخصصي
اعتقد البنوك اقدر اتوظف فيها بس مشكلة البنوك انها ممكن تكون ربوية

والمشكلة الثانية اني بسوي عملية والمستشفى ماحدد موعدها
فما اقدر ادخل اي مجال يعني ما اقدر ادخل على شغل ثاني ويمكن المستشفى يحددون العملية في وقت قريب
يعني مايمديني اتوظف الا واخذ اجازة
وما اقدر اخذ دورة او دبلوم وادفع فلوس ثم تجي موعد العملية واتركهم وتروح فلوسي><"
والله اني محتارة
والمستشفى ما اعطوني اي رد

وابي اترك الشغل ><" لاني ما عاد اقجدر اعطي لاني لا ارغب به وحايمة كبدي
واهلي مايبوني اقعد في البيت >>> مشاكل انا في غنى عنها

تكفون علموني وش اسوي

مرحباا..اختي العزيزة


اول شي استخيري الله و بعدين ربي بيسهل لك الاحسن, واذا عندك شغلة تانيه ماهي مرهقة و انتي متاكدة انك راح تتوظفي فيها فأعقليها و توكلي , ولا يهمك ان شاء الله من ناحية العملية و الاجازة (لان هذا مو بيدك بيد الله ) و العمل ان شاء الله يقدروا ظروفك.... واتمنى من الله انو يوفقك و يعطيكي الصحه و العافية ... آآآمـــين

__________________

نصيحه من اخت لاختها لاتتركي الشغل والله الوظيفه زينه مدرسه في مدرسه اهليه ترى جلسه البيت وانا اختك مافيها غير الهم والوسووووووووووووووسه وضيق الخاطر وغير كذا تنعزلي عن العالم الخارجي وغير كذا عندك راتب ماتحتاجي احد عارفه اهلك ماراح يقصروا معاكي لكن انتي تستحي تطلبي كل شوي صحيح يمكن دحين مو مرتاحه لانك توك جديده مو متعوده لكن اصبري شوي عليها لين تتعودين بعدين تحسيها جزء منك وقبل كل شي مثل الاخت اللي قالت استخيري الله في ترك اواكمال العمل ...........الله يوفقك......نتظر قرارك خبرينا

إذا خفت من شيء فواجهيها
التحدي أفضل من التقهقر

لا تكوني انهزاميه ولا تخسري عملك الحالي وأنت لا تملكين البديل له

حاولي طوري من نفسك حتى تكوني قادرة للتفاضل في ما هو الأنسب لك .. واستفيدي من عملك الحالي بكسب الخبرة وفن التعامل

أنا في رأئي التدريس أنسب للمرأة ومحاسنها متعددة

وفقك الله

مادامك ماتعرفي تدرسي اتركيه لاتضيعي مستقبل البنات نصيحه

عليكم السلام ورحمة الله وبركاته

عذراً .. يُنقل للقسم الأنسب .

والله التدريس ارهاق وحرقة أعصاب وياخذ من عمرك وصحتك وانتي مو حاسة

والمناهج وطرق التدريس الي كل يوم طالعين لنا فيها بشي

والاجيال الي قاعدة تطلع صعبة التعامل ومشاكلها مالها حصر

يا كره التدريس ..

والله لو حاصل تخصصات ثانية غير التريس ما عبرناه .. بس وش نقول .. هذا وضعنا

بس انتي يا أختي اذا على المهارة والقدرة انتي تحسين بضعفك لأنك توك بادية

ما عندك خبرة .. وهذا شي طبيعي

من متى وانتي متوظفه ؟؟

اصبري على نفسك وقيسي خبراتك وقدراتك .. إذا حسيتي بعد سنة أو سنتين أنك مو قادره

وكاره التدريس ومو قادرة تعطين .. تركيه لأنك مسؤله عن عطائك وحرام البنات يروحون فيها

أمني لك شغل من الحين وتركيه

بس مو تتركينه وتقعدين بالبيت ..

القعدة بالبيت مووووووووووووت بطئ موووووووووووت

__________________