اختي الكريمه ماعليك انت واخوتك سوى الدعاء الدعاء الدعاء لله عزوجل بالزوج الصالح والاستغفار
والصدقه ثم احضروا مناسبات اجتماعيه ولاتفوتوا اي مناسبه ثم ماعليكم من كلام الناس ابدا
خليهم يتكلمون وش بيضركم كلامهم

و أسأل الله العلي العظيم ان يرزقني ويرزقك وجميع بنات المسلمين الزوج الصالح الي يسعدنا

ياهلا حياك اختي

والله ماعليك من احد وعندنا وياك خييييير

والناس كلامها واجد واللي يسمع كلام الناس والله مايرتاح

وماعليك الا من الاستغفار والدعاء وربي يفرج عليكم

ويفرح امكم فيكم

اللهم امييييييييييين

السلام عليكم ورحمة الله
اوولا الله يرزقك واخواتك يا اختي الأزواج الذين يهنونكم وتضلون معهم للأخر العمر قولي امين صدقينيانا جربت الزواج وانفصلت والحمدلله على قضاء الله هذا قدر لكن عن تجربه سبحان الله بالذات الزواج نصيب ويجيكي فجأة ودون اي مقدمات بيوم وليلة تصيرين من بنت لزوجة نعم هذا قدر.... من الله وصدقيني بس انتي ادعي واستمري على افعال الخير ولا تيأسي كلنا صحصح مرينا لحظات يأس وقنوط استغفر الله لكن نرجع نمد الأمل والتفاؤل وانتن ما زلتن صغار ومرغوبات وماشاء الله مدام موظفات ووالدكم مقتدر تكونون اكثر وجاهه وترشيح للزواج بإذن الله و مثل ما قالو الأخوات كثفو علاقاتكم بالناس واحضروا جميع المناسبت الإجتماعية او قدمو عند خاطبة لو امك عادي عندها ترو عادي يجوز تبحث الفتاه لنفسها خصوصا لو وجد عضل من الولي الله يهدي ابوكم وحاولو اذا جا برنامج في التلفزيون عن زواج ابات وتيسيرزواجهم خلوه يسمعه او يكلمة احد حكيم وثقة قريب منكم يتساهل بشروطة للعرسان وطمنو قلوبكم بإذن الله ربي يسهلكم من يهنيكم بس كثرو من الإستغفار و لله حكمة في كل شي و الله يبشركم ويفرحكم قريب ويفرح امكم فيكم كلكم مرة وحدة ويكون زواجكم بيوم واحد و بيسر و سهولة
ادعولي معكم الله يعوضني ويسرلي زوج يهنيني يارب

__________________

هلا فيك .. شوفي حبيبتي

لا انتو اول ناس ولا آخر ناس بهذا الوضع .. مافي رجال يصلحون لكم ..

لو جايين ناس مضبوطه ابوك ما ردهم .. هو بعد يبي سعادتكم .. مايبي يحطك في ايدي غير امينه

وبعدين انا ما اشوفكم كبار كثير .. انا أعرف ناس صارو في اربعين وما تزوجوا

ومو وحده ولا ثنتين البنات كلهم ..

و بعدين الدعوه مو زواج وبس .. الزواج يا يكون على اساس قوي وصحيح ولا بلاه احسن

لأن بلاويه واحباطاته اكثر .. وابوك معاه حق صحيح المفروض يقولكم انه في خطاب جاو لكم

بس هم بعد الغير متعلم لا تبينه .. يذبح .. هذا شلون تتفاهمين معاه

وانتي معلمه وتعالي على الغيره .. هذي الي تدمر الحياة

مهما سويتي بيحس انك متكبره عليه عشان تعليمك اعلى .. لأن النقص في داخله هو




وانتي ايش عليكي من الناس خليهم يتكلمون لين تنشق حلوقهم .. ناس فاضيه ومخهم فاضي

يبون شي بس يتكلمون فيه من فضاوة مخهم

والله كل شي قسمه ونصيب

وهذي ارزاق .. وبناتهم الي تزوجو بدري هذي مو من شطارتهم ولا من جمالهم

كل مافي الموضوع أن الله كاتب لهم هالشي

وكل تأخيره وفيها خيره .. مدامكم ناس طيبه ومؤدبات وتخافون ربكم وتراعونه

خلاص لا تتعبين نفسياً .. انتي ما تدرين عن شي ..

انتي بس ادعي وتركي لله التدبير هو أعلم بالصالح لنا أحنا البشر

الله ما يبي لنا الا الخير والصلاح ..

ومتى ما صار الوقت المناسب لك .. الله راح يسهل الموضوع بشكل ما تتخيلنه

بس الحين كل هذي العوائق تصير لأنه ما بعد يجي الوقت المناسب لك في علم الله


تدرين عاد هالاشكال بالذات روحي شوفي حياتهم ..

تفكرينها مبسوطه والا تفكرين زوجها مبسوط منها .. والا على بالك زوجها لقطه ..

دخلي بيتهم وتفرجي على البلاوي

صدقيني هواش وخناق وعدم اتفاق ..

اذا قالت لك مره ثانيه كذا قولي لها .. الزواج اهم شي فيه الاتفاق مو لقب اجتماعي والسلام..

وش فايده زواج نكد وضرب وعدم احترام ..

انا ابي اربي عيالي في بيئه صالحه مو بيئه خربانه بس صراخ ومطاقق

ويطلعون بأمراض نفسيه




هذا اكبر خطأ ترتكبه في حياتها .. لا تترك شغلها ولا شي .. تحمد ربها على الي هي فيه

ناس غيرها تبي مو شايفه .. وليش تفصل وعلى شان مين !!

ترى هليام المتزوجات صارو اهم الي يشتغلون كله هروب من البيت والمسؤليات

تقوم اختك الي ما عندها مسؤليات تفصل ..

ليش تفصل .. مين تقعد له في اليت .. تقعد حق الهم والغم .. خليها منشغله افضل لها

وتحمد ربها على النعمه


ماله الداعي التعب النفسي ارضوا بالي الله كتبه لكم .. لأنكم مهما تعبتوا مراح تجيكم إلا الأمراض

وفي النهايه مراح احد ينفعكم .. بتصيرون عرضه للشفقه والشماته بعد .. خلكم بصحتكم

ومهما سويتوا مراح يصير الا الي الله كاتبه وفي الوقت الي الله محدده ..

فالأفضل أنك ترضين اريح للنفسيه .. مع الاستمراربالدعاء والاستغفار بهذي النيه

ريحي نفسك ترى والله وضعكم افضل بمليون مره من غيركم ..



والله يوفقكم

__________________

**شادن **
**جوجو**
**أملي بالله وحده **
أشككركم ياحبيباتي على الردود
والله لو بيدي ماتزوجت أهم شئ إني متوظفة وعندي راتب اصرف على نفسي بس المجتمع اللي عايشه فيه كلهم متزوجين
وحدة من زميلاتي تقول العزوبية أحسن
وخالي يلمح لنايقول هاه بعد الوظيفة وش تبي البنت ( قصده الزواج أهم )
الله يرزقنا وإياكم بالأزواج الصالحين عاجلا غير آجل

أختي ** باريسا**الله يسعدك ياحبيبتي
والله ان الزواج مسوؤلية وخصوصا لما تكوني موظفة راح يزيد أكثر
والله يأختي أغلب أقاربي اللي يزوجون بناتهم قصدهم التفاخر وان بناتنا تزوجوا وهم صغار
بغض النظر عن أخلاقه وصلاته ........الله المستعان
واللي يقهر أكثر لما يكونوا حاسدينك بالوظيفة ويبغون يحبطونك بسالفة الزواج وليش وغيره من الأسئلة
أحيانا استغفر الله أريد الزواج بس عشان أمي ولا أنا لست أفكر بالزواج بشكل جدي

شوفي اختي كل شي في ها الدنيا نصيب لكن هذا ما يمنع انا ناخذ بلاسباب اتصلي على مشروع بن باز لتزويج الشباب تراهم ثقه وحريصين واضمن من الخطابات وانتوا إن شاء الله فرصتكم قويه لانكم بنات وما زلتوا صغار توكلي على الله واتفقي انتي واخواتك وكلميهم و الله يرزقنا وبنات المسلمين الازواج الصالحين

كلام الناس يتعب اذا انصت اليه والناس تنبش كل صغيرة وكبيرة ولكن اذا رميت كلام الناس وراء ظهرك تعيشين بسعادة

وعليكم بالدعاء في الثلث الاخير من الليل كتب الله لكم الخيرة حيث كان ووفقكم

والزواج بجانب الوظيفة امر عادي اسألني اذا رتبتي امورك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

** ياقلب لاتحزن **
**سحابة الصحراء**
أشكركم أخواتي على الردود الطيبة
طبعا أنا ما أيد أبدا الخطابات لان أهم شئ عندهم الفلوس
أما مشروع ابن باز أحاول أفكر فيه
ولكن نحن في نظر الناس أننا عوانس ودي أفهمهم أن الزواج مو كل شئ بس من يسمع
وأنا أحاول أصبر خواتي واننا.....راح يرزقنا الله بالأزواج الصالحين بإذنه تعالى
الله يوفق الجميع