السلام عليكم ورحمة الله وبركاته:

صباح الورد ع الجميع......

حبايبي راح اعرض لكم مشكلتي واتمتى كل وحده او واحد يعطيني راية

انا متزوجة صارلي سبع سنين وباقيلي شهرين وادخل السنة الثامنة ماعندي اطفال السبب من زوجي

حياتنا عادية زوجي بداية زواجي كان طيب وحنون ومن بعد ماجاء النت في بيتنا وصار طوال الوقت عالنت لاطلعات ولا كلام

المهم موهذي المشكلة

زوجي مدرس بقرية ثانية يعني مايجي الا كل ربوع وخميس وجمعه ويمشي السبت من يوم ماتزوجتة وهو حق عزب بس ماكان عندة نت في العزبة لكن لهم شهر دحين جابو النت واصحابة كلهم متزوجين ويكلموا ويطلعوا مع بنات في البداية زوجي كان يتفرج مقاطع اباحية ومقاطع فضايح وكنت اكلمة على هالموضوع وتعبت معاه ومانفع شي لكن بعدين قبل اسبوعين اكشفت انه يكلم بنات ن طريق الانترنت وواجهتة وتعبت انهرت مرضت وحلفلي عالمصحف اتخيلة عالمصحف انه مايكلم بنات والله العظيم صدقتة
ولاتقولين انتي مقصرة معاه والله العظيم اني موفرتلة كل شي يبغاه مدلعتة تدليع حتى اشغالة في المدرسة انا اسويها وطبعا انا مارحت معاه لاني كنت ادرس
المه اكتشفت قريبا انه يكلم بنات عالماسنجر عشان كذا لمن يجي ربوع وخميس عندي مايفتح الماسنجر ولمن ارو ح عند اهلي او بعزبتة هناك طوال الوقت الماسنجر متصل وراسلها اشعار وكلام غزل وانا حارمني ورب الكعبة اني اليوم رسلتة كلام الصباح ومن قبل استنى الرد لكن كاني اكلم جدار ومع بنات... شوفه الرومنسية والاشعار والحركات ولمن واجهتة قال كل الرجال يكلمون بنات عادي وانتي نكدية بس تحبي تنكدي علية وانا رجال واسوي اللي ابغاه

مشكلتي انا اني يتيمة ماعندي احد اروح له بالمرة وماعندي وظيفة لا اب ولا اخ ولا زوج حنون ولا طفل اضمة

وانا مستمرة لية فترة على صلاة الليل وادعيلة انه ربي يهدية

الله يرضى عليكم ايش اسوي معاه تعبت وربي تعبت

اعذروني ماني عارفة اكتب حالتي النفسية دمار وتعبانة