السلام عليكم يا بنات
كيفكم

حبيباتي اول شي حبيت اقولكم اني





















طلعت حامل .....
وفرحانه والحمدلله




بس



طبعا بدأت معي أعراض الوحم..واهمها الخمول واحساس الشبع الدائم...ومعاها بدأت مشاكل البشرة الدهنيه

طبعا اللي بغيته منكم امرين

الاول: انا قبل الحمل كنت على سنقة عشرة مثل ما يقولون..خلطات واهتمام.. وازالة للشعر اول باول
من بدأ الوحم..احس مب قادره اسوي شي...لا اتعدل..ولا اهتم ببشرتي ولاشي...والله امس اشوف بشرتي في المرايه...بغيت ابكي... طلعت لي حبوب وحاله!!
حاليا انا مهتمه بنظافتي الشخصيه لابعد الحدود..بس ما عدت البس واتكشخ..اكتفي بالبيجامات وملابس السبور
هل مررتوا بهالمرحله؟؟ وكيف اقدر ا هتم بنفسي مثل قبل؟ وهل الزوج يتقبل هالتغير؟


ثانيا:موضوع البيت وشغل البيت...طبعا المطبخ مسويه له ديليت..ما اقدر اطبخ ابد..يا دوب اسويليي كورن فليكس الصبح ..وشراب نعناع عشان اخفف اللوعان
اليوم بس سويت تنظيف للمطبخ بالغصب..وحاسه الدنيا تدور فيني...
من غير تنظيف الحمامات ..والملابس ..اه يا ربي عليها متكومه عندي....ومن غير الدراسه .....
شسوي يا بنات؟؟؟ ملابس زوجي بس اقطها بالغساله وهو يكويها متى ما طلع...مادري لين متى بيصبر علي مسكين؟
كيف اشجع نفسي على الغشل؟؟وانا بهالكسل والخمول؟؟؟



تعديل العنوان ليتوافق مع المضمون

__________________