السلااام عليكم

صباح الخيــــــــرٍ

بجد انا منحرجه منكم

تو سجلت بالمنتدى وبعرضلكم قصتي على طوول

اتمنى التفاعل منكم والردود يمكن احد يفيدني

انا تزوجت لماخلصت الثانوي وعمري 18

امممممم تزوجت وانا ماعرف شنو الزواج كنت مو فاهمه شي

على بالي الزواج تغيير جو ووناسه واسافر واجي واروح

ماحسبت حساب لاي شي

اشووف الناس بعين طبعي احب الكل ماحب المشاكل

المهم اني لما تملكت كان من اهم شروطي منزل لوحدي

ما اعيش بنفس بيت اهله واكمل دراستي بس

المهم انا بحياتي ماشفت زوجي قبل اول ليله ولا اعرفه

ولا قد كلمته

ولا اعرف شنو هو
مجتمعنا كذا
وتزوجت ورحت للعشه الزوجيه الجديده
وحملت على طوول

زوجي كان يحبني يمووت فيني
انا ماكنت احبه عادي عندي جدا
سبحان الله ربي ما خلاني احبه فالبدايه

وفي اشهر حملي البدايه كنت اكرهه تقريبا بس اجامل

وهو متعلق فيني حييل

شوي شوي تبدا المشاكل سبحان الله

على فكره انا ماعشت ببيت بروحي مثل ما اشترطت لا
سكنت معاهم بشقه في وسط بيتهم حتى مافي باب خارجي

يعني لا بغينا نروح ولا نجي من بين اهله امشي
يعني خصووصيه مافي عدم


المهم وبدت المشاكل تجي بشويش مشاكل تافهه لابعد الحدود

بالعربي كانت عيون الناس علينا وكل الناس عارفين انه يحبني
يعني سوا اشياء الكل كانو يقولون يا الله شوفو وش سوى فلان عشان فلانه

شوي شوي تكبر المشاكل وبدون سبب واضح

ولدت بنتي وهو وافق اني انا اسميها وسميتها الاسم اللي في بالي
وتعلق في بنتا حيييييييل هو طبيعته يحب الاطفال فما بالكم بنته يمووت فيهاا

وبعدين صارت مشكله وبنتنا لها شهرين

وهو صدق انه يحبني ولكن للاسف ماعنده شخصيه

شخصيته مهزوزه شوي

ما يقدر يسوي اللي يبيه ولا يقول رايه

كان يطيع امه حييل

وامه للاسف للاسف ماهمها الا المظاهر واللي تبيه لازم يصير قويه وشديده


وبعدين صارت المشكله ورحت عند اهلي
وحاول يرضيني وجا كذا مره
قلتله اوكي انا بروح معاك بس ابي احس بخصوصيتي

ماطلبت شي كبير من حقي ان اعيش في بيت بروحي نروح ونجي ماحد يسالنا وين رايحين

ووين جايين

ما اعتقد ان غلطت بطلبي ذا

واساسا انا طالبته قبل اتزوج بس مانفذوه بالبدايه وانا كنت عروسه

ماحبيت ارد بيومي قلت ان شاءالله الله يسهلها ويسخرهم وماحد يضايقني

للاسف انا تلقيت مضايقات من بعض اهله للاسف


المهم لما بيردني وكان وربي يبكي يبغاني ارجع
بس لو ارجع بتحصل نفس المشاكل والاشياء السخيفه
وانا اقول في نفسي ليش اتحمل من البدايه وانا صغيره ماقدر اتحمل
وهو كان رده لي احيان يقولي طيب واحيان يقول لا مايصير

لان ماله كلمه مو بكيفه رايه بيد امه
واذا جا بيردني اقوله خلاص بس ابغى باب خارجي
مو طالعين برى بيت اهلك مهما كان اهلك اهلي
بس باب خارجي

وبعد مرور كم شهر وحنا على الحاله انا عند اهلي


وبعدين قالت امه قولولها اذا بترجع لشقتها معززه مكرمه ولا بكيفها
وهي ناويه تزوجه هي قويه وماهمها الا نفسها
وفعلا خطبتله وحده اكبر منه ولا تقربلهم نهايئا


هي كذا ظلمتني وظلمت ولدها اللي يحبني وبنتنا ياويلها من ربي


بعدين تعبت بنتي وجا زوجي وودينا بنتنا للمستشفى انا وياه
هو من مدينه ثانيه
وسافرنا انا وياه عشان نعالجها وبالطريق

تصالحنا وحنينا لبعض
وكل واحد يشكي ويبكي للثاني
وقالي انا يا يافلانه ملكت


انصدمت

وقلت وانا ؟؟

وبننتك ؟؟

وانا مو مصدقه انه تملك احس السالفه خياليه

ورحنا انا وياه لمكه واعتمرنا واستخرنا واسبوع كامل تمشينا هناك

كان الاسبوع من اجمل ايام حياتنا استنسنا وضحكنا كثير

ايام افضل من ايام شهر العسل

ورجعنا فتحنا موضوع زواجه الجديد

طبعا مارد لي اجابه واضحه

لان زي ماقلتلكم شخصيته ضعيفه

مايقدر يوقف بوجه امه ويقول خلاص احنا رجعنا لبعض وما ابي اتزوج

قالي انا احبك وربي ولا اقدر افارقك ولا اعيش بدونك انتي وبنتي

وكلاااام يبكي قووه

كان يقولي ارجعيلي واعطيك مهر جديد واحطك في بيت بروحك واجيبلك شغاله

بس

بكمل زواجي الجديد

<< لان امه تبغى هالزواج يتم غصب عليه مايقدر يردها <<

قلت نزلني عند اهلي

واذا صدق تحبني وتحب بنتك تعال خذي بس كنسل زواجك هذا

وتعشمت من كلامه انه بيروح يخلص اموره هناك ويقول انه بيرجعني وبيكنسل زواجه

ويجي ياخذنا

نزلني عند هلي وراح

ولا شفته غير ماشفته

وبعد اسبوعين وانا افكر وادخل مواقع كيف اتعامل مع الحميات

وتعلمت اشياء كثير

بس انتظره يجي

وكان يكلمني ويراسلني عادي

يومين انقطع عني

بعدها جا ابوه ومعاه ورقة طلاقي



صدمه






قبل اقل من اسبوعين وانا معاه والحين انا ححرام عليه

قبل امس مكلمني والحين انا محرمه عليه

ليش

؟؟


بهالسهوله يعني

من الصدمه مابكيت وعادي عندي وكان عندي عزيمه من بكرا

وكشخت ولبست احلى لبس واضحك

ما كاني امس متطلقه

كل هذا من الصدمه


ياللاسف ياقلبي
ليتني بس ماحبيتك

ليت شعوري تجاهك نفس اول ايام زواجنا

انا حبيته من بعد ماولدت وشفت بنتي بدى الحب اللي من قلبي

خساره

ولا بعد تحدد يوم زواجه نهايت عدتي قبل ماطلع بيومين او ثلاثه

وش الام ذي

مجرمه

قاسيه للهدرجه

ماتخاف ربي يعاقبها في بناتها بكرا

فرقتنا عن بعض



ماخلصت قصتي لا الحين


صارلي شهر ونص بالعده وانا كل ليله ابكي قهر

وصرت اتعذب اذا شفت بنتي

احس اني انا غلطانه انا حاسه بالذنب

توني افكر فيها صدق

احس اني كبرت 20 سنه بالتفكير

انا عمري 19 الحين ومطلقه وعندي بنت

كنت دايم ادخل مواقع كذا

وكنت ادور حل عشان يرجعني ويطلقهاا

لانه يحبني وربي يحبني واحبه ظلم
ما ابي اتزوج غيره

مابي بنتي يربيها غير ابوها

مابيها تحس باليتم وابوها عايش


انا غلطانه يمكن بس المفروض ما اتحاسب بخطاي كذا توني صغيره

حرام




المهم لما صارلي شهر ونص بالعده

قريت في احد المنتديات الشيخ يقول حلال تكلم الطليقه اللي ماطلعت العده طليقها وتحاول يردها

عشان اولادها مثلا


المهم


انا تشجعت وكنت اتذكر كلامه انا بدونك انتي وبنتي حياتي ولا شي

وانا عارفه ان اللي سواه طاعه لامه لا اكثر ولا اقل

وقعدت اطالع في بنتي واحس في كل نظره منها تعاتبني

مدري ليش حسيت بالذنب

قلت بكلمه على الاقل اريح ضميري وابري ذمتي من عندي ربي


تشجعت

وكلمته

وليتني ماكلمته

اصلا من سمعت صوته بكيت

مافهم مني شي

حاولت اهدي نفسي وقلتله انا انا وبنتك نبيك ارجعلنا

ودي اتكلم وماودي احس اني اهين نفسي بس اتذكر بنتي واتشجع

هو لما شمعني ابكي بكى وصوته يرجف يحاول يهيديني

وقلت بسكر وادزلك مسج وردلي

ودزيتله مسج

وردلي وقال خلاص انتي اختي ومدري ايش

واتمنالك الخير

<< وربي دعيت عليه بقلبي من القهر

الحين انا امتصله عليه وكذا رده صدق ماعنده شخصيه
وخلاص من ذاك اليوم قلت ماراح اكلمه ولا ارسله يكفي اني اهنت نفسي

مابي اهينها زياده واحيان احس انها تضحيه مو اهانه

وبعد اسبوعيين يمكن ارسلي رساله الله يوفقك وانا اتمنالك الخير
واحسن ايام حياتي قضيتها معاك
ما ارسلتله شي سكت ماسويت شي

وتزوج والحين صارله شهرين من زواجه تقريبا والى الان امنيتي يكلمني او يرسلي ابيه يرجعني
مع ان تقدمولي خطاب 3 ومو متزوجين كلهم واصغر من طليقي

بس مابي انا الى الان انتظر طليقي يرجعلي

ما اتخيل اني اعاشر انسان ثاني ولا ابي بنتي تعيش تايهه او تحس بنقص

على فكره هو طلقني طلقه وحده بس مدري ليش ماطلقني بالثلاث يمكن ناوي شي ؟؟

مدري

انا اكثرر من الاستغفار واصلي بالليل وادعي ربي ان يرجعلي طليقي مو عشاني عشان بنتنا

والله والله لو على نفسي كان تزوجت وعشت حياتي وراح ينسيني الزوج الجديد الماضي

بس عشان بنتي انا مستعده اضحي الى الان .......

اتمنى منكم ان تزودوني بحلول او تساعدوني بأي شي
مو عارفه وش اسوي


الله يسعدكم ويوفق الجمـــيـــــــع

الاشراف:عذرا..تم تعديل العنوان ليتضح المضمون

ربي يكون بعونك

عزيزتي ( كبرياء)..

حقيقة ,, تأثرت بقصتك ,, شئ محزن أن يكون هناك وحب وتفاهم ويهدم بسبب طرف آخر..

على كل يبدو لي أن زوجك ليس أهلا لأن يكون طرف في زواج ناجح... !!

لأنه بلغ من الضعف الكثير >>> يعني بعد زواجه سوت أمه الي براسها وانتصرت وفي المقابل كانت عنده فرصه لإرجاعك لكنه رفض ليس إلا خوفا من أمه أو قصورا في إدراكه لذلك في كلا الأمرين هو غير لائق بكِ.


لكن في الوقت الحالي وبردة فعله .... يبدو لي ليس هناك ما يقلقك بفقدك إياه إلا ابنتك ( كما ذكرتِ أنت )وأقول لك للبيت رب يحميه !!

من المهم :
أن تعتبري بما مر بك من جهات كثيرة منها : ربما أنك أخطأت بذهابك لبيت أهلك إن كنت لن تستنزفي جميع الحلول الأولية .

كنت رائعة عندماقررت مكالمته في العدة حتى تبذلي كل الحلول وتبرهني لنفسك حجم الضعف الذي قد وصل إليه .

لا تتوقعي من أن قصتك انتهت فلربما لها فصول قادمة ... لكن الأهم من ذلك أن تعيشي يومك بتفائل وتعتني بنفسك وابنتك ويبدو من سردك لقصتك أنك تتمتعين بروح هي كذلك ...



أسعدك الله وطمأن قلبك وحفظ الله ابنتك ...

__________________
{ اللهم صلي وسلم على محمد وآله وصحبه تسليما كثيرا }

و الله ما أدري وش أقول لك اختي محتارة ...
انتي سويتي اللي عليك و أكثر و لا اعتقد انه من المناسب ان تنزلين أكثر من ذلك لانه قد يحس انك رامية نفسك عليه و هذا سيضرك كثيراً حتى لو رجعتي له ..
أنا أرى ان تتابعي حياتك بشكل طبيعي و لا عاد تكلمينه أو ترسلين له رسائل و حاول بطريقة غير مباشرة عن طريق طرف آخر ان توصلين له معلومة ان هنالك من يتقدم لخطبتك فلعل ذلك يشعل الغيرة في داخله ...
عموماً هو الآن ماله شهرين متزوج و مشغول مع زوجته الجديدة ,, أعتقد بمجرد ان يبدأ يتعود على زوجته الجديدة و يمل فيها سيبدأ يفكر فيك هذا اذا كان يحبك فعلاً ..
اذا لم يقم باي مبادرة خلال ستة شهور من الآن فأعتقد انه يجب ان تنسينه تماماً و تعيشي حياتك و ابنتك لن تضيع باذن الله ما دام لها أم بهذا القلب الكبير

أعتقد أن الرجل الي تحركه أمه بريموت كنترول بيدها غير صالح لأن يكون زوج وأب

انتي محتاجة إلى رجل يصونك ويحفظك ويحميك

محتاجة لرجل قراراته من راسه

محتاجة لرجل قد كلمته

رجل عنده بعد نظر ويعرف كيف يحافظ على بيته وأبنائه

اي حب هذا الي يحبك فيه .. امس يقول بيموت فيكِ واليوم يقول انتي مثل اختي

هذا حب اطفال .. وانتي معطته فرصه ينزل من قيمتك ..

وعطيتيه فرصه أنه يفكر انه مهم وانه له مكانه .. مع أن ماله قيمة في الحياة

طليقك هذا .. لا تعتقدين أنه سعيد ولا زوجته الجديدة سعيده بحياتها

نفس المشاكل الي عشتيها بتعيشها .. لكن الفيصل كيف تتعامل معها

طليقك ما يستحق أنك تفكرين فيه ومثاليتك هذي مالها داعي .. لأن اسمها سذاجة

لا تقولين عشان بنتي .. خليه يربي نفسه وتفطمه أمه وبعدين يفكر ببنته

وبكل الاحوال الابناء في النهاية لأبوهم .. شوفي حياتك

انتي توك صغيرة وما راح تعرفين أنك عايشة مع رجل بالشكل بس إلا لما تشوفين

رجل ثاني يحسسك بالأمان معه و بقوته وقدرته على تحمل المسرولية

ذاك الوقت بتقولين الحمد لله تخلصت من هم كان كبر لو استمريت معه

زواجك السابق .. صفحة واطويها من حياتك مثل ما طواكِ واستبدلك بزوجة ثانية

ويا ليت بكيفه إلا امه المتسلطه محركه الولد وابوه والبيت كله مثل ما تبي

وش لك بالهبيت وش لك بالهنسب .. حتى لو هو جاء قال يبي يرجعك

كيف بتحسين بالامان والاستقرار مع هالرجال الي امه محركته كنه لعبة

بتحسين أن حياتك مهددة وتحت رحمة اشارة من أمه

فكري بنفسك قبل يفوت الفوت انتي توك صغيره

فكري بعقلك وخلي عنك هالعواطف الي مالها داعي

طلاق وتطلقتي .. وفي شباب متقدمين لك ..

إذا فيهم واحد واحد يستاهل يكون زوج وأب.. شوفي نصيبك معه

__________________

أوافقك اختي على رايك

بارك الل فيك قلتى كل كنت عايزة اقوله

أختي كبرياء أنثى .........اللى باعك برخيص بيعيه بتراب

__________________
يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني ... لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي

اخواني خواتي

اشكركم من كل قلبي

على تعاونكم معاي ارفع يديني للسما واقول ياربي تتحقق لكم امانيكم

كثير قالولي ماهوب كفو لا تتحسفين عليه

بس جد عشان بنتي هذي مو مثاليه ولا سذاجه

بالمستقبل بنتي راح تكون متشتته وراح تقارن بين نفسها والبنات اللي غيرها

اما انا مستحييل اتنازل عن حضانتها وراح تكون عندي الين تتزوج

لو ادفع عمري كله ولا ياخذونها مني

الف شكر للجميع ........

استغرب اني ماشفت موضوعكك


ياحياتي انتي ان شاءالله العمر قدامك وخيرة ربي يعوضك بابرك منة

والله يوفقك ويسعدقلبك ويجزاك خير

هوني على عمرك
ومافي احد يستاهل الله يخليك لبنتك
يارب

فكري بحياتك وانااختك وهوبسسلامتة

وماتدرين وين الخيرة فية انتي اشغلي عمرك بشيء ينفعك

ادرسي وعيشي حياتك والبسي واكشخي

وفليهاا وانامعك ع 24 منطلقة مرتين لاسباب خاصة والحمدلله على كل حال

لايهمك احد ووفرفشي


وانتبهي لبنتك وصحتك

وان شاءالله ربي يعوضك عليك بالاستغفاااااااار

لايضيق خلقك وهونيهاا


واعلمي ان ربي بينصرك ولوبعدحين ووخلاص لاتكلميينة ولاشيء

ربي فكك منه واحمدي ربك انك مظلومة وان شاءالله يبدل ربك احسن منه

__________________
دعواتكم لي
الله يجزاكم خير

فرج الله كربتك ووفقك لما فيه الخير لك عليك بالدعاء والاسغفار

اين دور اهلك ورائهم انتي هناء انتهى دورك ويبقى دور اهلك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً