السلام عليكم اخواتي

حابه اسالكم عن الوحام .. واذا اللي امر فيه شي طبيعي ولا لا؟

انا حاسه بغثيان متواصل .. لكن اجوع واكل عادي .. والحمدلله مارجع .. لكن مشكلتي .. نفسيتي تعبانه كثير ... منعزله .. وكارهه اكلم الناس ... الضوء يضايقني .. والصوت يضايقني ... ابي الظلام والسكون .. اهملت بيتي وشغلي وزوجي ...

حتى لما اتكلم مع حد .. انسى اكمل الموضوع واقوم من المكان ... راسي يدور ويلف ... ماعندي طاقه اني اكمل موضوع .. والنوم عندي متلخبط .. اقوم اي وقت وانام اي وقت ...

فكرت في البداية ان هذا طبيعي بس لما شفت باقي اهلي .. اشوفهم عادي ويلبسون ويحطون المكياج ..ويتزاورون .. الا انا

متقوقعه ...


هل هذا طبيعي؟
من مرت في حالتي او شبيه بحالتي؟؟؟

__________________
اللهم بارك لي في ابني وارزقني خيرا
الحمدلله رب العالمين

الله يتمم عليك على خير
أقسم بالله ياللي ذكرتي أنه مار علي أشد منك
والله ماكنت أطلع الا للمتابعة في الشهر مرة فقط ..
ولايجيني أحد ولا أزور أحد تخيلي ..
والله العظيم كنت في حملي ماحطيت روج الا لما دخلت الرابع
وكنت مضطرة عندنا عزيمة وماعذروني قالوا لازم تجين..
وكنت أجلس في الظلام على سجادة صلاتي ولا أقوم الا تكرمين استفرغ
واتوضا وأصلي ...
حتى الكلام مااقدر افتح فمي دائماً مسكرة أسناني على بعض واجاوب بالهز برأسي أمممممممم
فقط
حتى كانت شفايفي لونها أبيض .. واذا جيت أتكلم تنزف دم ..
وكان عندي زهد بالدنيا ومالي خلق أروح سوق أو أفكر أشتري ..
وحالتي يعلم فيها ربي ...
والله أني الحين أجلس أفكر باللي كان يصير لي هل هو حقيقة والا خيال
وكنت أسأل زوجي أقول أحس أني ماراح أخف ماأتوقع اللي فيني من شدة الوحم
أكيد مرض نفسي ...
وفعلاً كلامك.. كثير حولي يطلعون .. ويحضرون مناسبات ويكشخون
ويحطون مكياج ويروحون مطاعم ويسافرون..
واذا تكلموا قالو يويويو وحمنا كايد

لكن اللهم لك الحمد كلها شهرين ثلاثه وتعدي .. والله يرزق كل المحرومات

__________________

أهلين ياحلمي قريب

أخخ .. إيش أقول لك ..

أنا مثلك الان في الشهر الثالث .. وتعبااااانة

تعباااااااانة ..

مدري إيش أقول وإيش أخلي .. لكن من الشهر الثاني بدأت أستخدم حبوب الغثيان .. إسمها نافيدوكسن

والله ياحلمومة ممتازة بمعنى الكلمة وامنة .. وخلتني طول اليوم نايمة .. أحسن ولو أقدر أنام أربع شهور الوحم يكون أفضل

أرتحت ووجهي صار أحسن .. وماصرت أرجع الأكل .. لكن كثير أشياء ما أقدر أكلها ..

بالنسبة للنفسية .. الله المستعان ..

مدري أحس أنا مو أنا .. نفسي أبكي ..وفعلا أحيانا أجلس أبكي بدون سبب ..

ويومي كله مو مرتب .. فجأة أصير تعبانة فجأة أصير نعسانة فجأة أصير دايخة .. مدري

لكن أرجع وأقول لك مع الحبوب أتحسنت إلى 50%

مرة من المرات نسيتها ما قدرت أعيش .. حسيت راح أموت ..

أكثر شيئ تاعبني في حملي هذا الجوع . . ما أعرف إيش أكل . ولا أقدر أكل .. وكل شيئ معدتي ما تتحمله

والله أحيانا أبكي من الجوع ... ياربيييييي ... طفشت وأنا اكل جنة وأشرب حليب .. وبكميات قليلة

حبيبتي طولت عليكي

الله يرزقنا جميعا بالذرية الصالحة

__________________

يووووووووه الله يكون بعونكم كلكم ذكرتوني بأول حمل ليه والله العظيم وصلت لدرجه صرت أتمنى فيها الموت ماابغى اقابل أحد أستفراغ يوميا شهيتي للاكل صفر يعني أجبر نفسي على الأكل واستفرغ بعدها على طول دايم أبكي غرفة النوم كرهتهاااا موووووووت ماعاد صرت أدخلها ملابسي كرهتها زوجي كرهته المطبخ كرهته العطورات الشامبوهات كرهت ريحتها
ماأبغى أطلع ولا أبغى احد يجيني آآآآه والله ماأنسى ذيك الأيام حتى أموت حتى حملي الثاني صعب بس أنه جنب الأول ولاشي
الله يقومك بالسلامه ياحلومه وكلها كم أسبوع ويخف أن شاء الله الله يقومك بالسلامه

قلبي معك يا اختي حلمي قريب
ياااااااااااااااااااااااه ربي يرزقني و الله راح استحمل اي وجع اي جوع اي جوع المهم اني احمل
ربي يثبت حملكن و يرزقكن ساعة ولادة سهلة

حرم المعلم
احلى ايام
سمو الاميرة
ام عبودي ولتون
حالمة بالامومه

اشكركم ردكم علي والله خففتو عني ضيقتي ... زوجي متضايق من تصرفاتي ومش مصدق ان هذا انا اسويه غصب عني .. يقول لي شخصيتك اصلا مو كذا ...
لكن الحمدلله على كل حال
بخصوص حبوب النافيدوكسين .. اخذتها في حملي الاول .. وبالفعل اثرت فيني .. لكن هالمرة .. كأني اشرب ماي .. ماتفيدني .. ولاتخليني انام زي اول مره استخدمتها

حالمة بالامومه
يارب يرزقك حمل سليم ومعافى ويجيك وحام حلو زيك مش زي الحالة النفسية اللي صابتني ...
الله يرزقك ويرزق الجميع


اشكركم اخواتي

__________________
اللهم بارك لي في ابني وارزقني خيرا
الحمدلله رب العالمين

سبحان الله يا حلومة .. أسأل الله ان يعافيك حبيبتي ويسهل عليك

أكيد لخبطة هرمونات مثل فترة الدورة لما نتضايق ونتنرفز على أتفه سبب

حاولي تفهمي زوجك انه هالشي طبيعي ويصير لحريم وحريم لأ .. واذا عندك كتب أكيد فيه توضيح لهالأمور

خليه يقراه معاك ... أغلب الأزواج عبالهم الحريم يتدلعون وبس


تصدقين زوجي من الحين يقولي أصلا الوحام شي نفسي .. مو صحيح .. وان الحرمه تتوهم ..

ولما الله يكتبلي أحمل .. ناوية أرويه الحقائق بالكتب عشان يقتنع


زوجة أخوي ماشاءالله حامل بالطفل الثاني .. وفي الحملين تقول مافي وحام



سبحان الله تشوفين ناس مستمتعين بحمالهم ومفرفشين .. وناس لأ ..


انتي حاولي تضغطي على نفسك وتطلعي لا تستسلمي لهالشي



وطمنينا عليك دوم



^_^

__________________

الله يتمم حملك على خير يا حلمي و تقومي بالسلامة

__________________