السلام عليكم ورحمة الله وبركاته ..
حابه استشيركم في موضوع يخص قريبه لي ..وداائما تكلمني تفضفض لي واخفف عنها بس انا بصراحه قلت لاازم اساعدها لان نفسيتها مرره تعباانه اليومين هذي ..
قريبتي هذي مشكلتها انها انتقلت للسكن مع اهل زوجها بعد ماكانت عايشه في مدينه ثانيه من بداية زواجها وكانت تجيهم زيارات من فتره لفتره .. بس الحين خلاص انتقل عمل زوجها الى مدينة اهله بطلب منه ..
طبعا هي لها شقه في الدور الثاني من بيت اهله .. بس المشكله ان زوجها المصون رافض يصلح لها شقتها وعذره انه مانقل الا عشان يجلس مع اهله وشلون يطلع ويسكن لحاله ؟؟
مع انه في الدور الثاني مو في بيت خارجي .. المهم هي لها الحين تقريبا 5 شهور من نقلت والى الحين تخيلوا شقتها على البلاط يعني ابدا ابدا مو عيشه .. وكل ما بدا يلين شوي ويبدا يصلح الشقه يرجع يتعذر بالوضع المادي ومره انه يقول انتي مو ساكنه في الشارع ليه مستعجله يعني على اقل من مهله .. هو ما همه واكل وشارب عند اهله ويطلع ينام في شقته الخرابه فوق ولا عليه .. وهي صراحه مرره تعبت نفسيتها .. حتى الحين صارت تقول خلاص ما ابغى يصلح البيت كامل على الاقل الصاله القى مكان اجلس فيه !! يعني بدت تتنازل عن اشياء كثيره وانا اشوفها من حقوقها
انا بصراحه لما شفت وضعها كذا مرره تضايقت عشانها وانقهرت من تصرفات زوجها .. فنصحتها انها تدخل طرف في الموضوع يكون من اهلها يعني اخوها الكبير عشان يكلمه ويفهمه ان الوضع هذا مومعقول .. بصراحه ما ادري اللي قلته لها غلط ولا لا بس لاني ماشفت نتيجه من كلامها معاه طول الفتره اللي راحت .. ولانها مرره كسرت خاطري .. حتى انها صارت تفكر في الطلاق !!!
ما ادري وش رايكم في الموضوع وهل اللي قلته لها حل معقول ولا غلط ..!!
وكيف تتصرف مع زوجها العنييد والباارد ؟؟
تم تعديل العنوان
الإشراف
19-05-2009, 10:51 AM
ضوابط المشاركة
العرض الشجري