قرحة على اللسان
يوم الاثنين طلع على لسان بنتي حبة صغيرة بيضاء
افترضت إنها مثل الحبوب البيضاء الصغيرة اللي تطلع لبعض الناس وتروح من حالها
لكن بعد يومين اتسعت الدائرة وصارت الحبة قرحة على طرف اللسان
ومآخذة من فوق اللسان ومن تحت
ولا تقدر تآكل
وأمس الليل كله صياح تغمض وشوي تفتح تصيح وتنام وهكذا
جربنا معاها الأشياء الطبيعية ( مره + عسل + زيت سمسم ) أحسه تحسن لكن ما خلتنا نحط مره ثانية
وزيت السمسم لحاله وبالغصب نحط عليه
والحلبة قريت إنها زينة إذا طحنت وانعجنت بشوية ماء لكنها ما خلتنا
أخذناها إلى الطبيب وقال هذه الحالة منتشرة هاليومين وجتني حالات كثيرة نفس الشيء
ويقول انه معدي حتى نفس الطفل يطلع في مكان من فمة بعدين يطلع مكان ثاني
وقال انه ممكن ينتقل باللعاب بين الأطفال ( ونسيت أسأله هل ينتقل لنا أو لا )
قلنا له بنتنا لا تروح حضانة ولا تختلط بأحد إحنا عايشين صحيح في بلدنا
لكن مدينة ثانية مافيها أحد من أهلنا
فقال جاها من الجو
وقال انها ما تقدر تآكل لكن نحاول معاها كي لا تنخفض مناعتها ويصير الفيروس أشد
ونعطيها الأكل اللي ينبلع على طول وما يحتاج مضغ
عموما وصف لنا الآتي :
Pyralvex
Gentain violet
وقال أحطها على مكان القرحة وعلى كل الفم من داخل إذا استطعت
بالإضافة إلى تحاميل مسكنة
ووصف أيضا :
Zovirax
Suspension
بعد ما شريناه وقرأت الوصفة أغلب دواعي الاستعمال كانت للهربس ( الحلأ البسيط )
واستغربت
زوجي يقول عطيها اياه
وأنا متردده
ايش رايكم ولا أحد مرت عليه حالة مشابهة ؟؟؟
الله يعين هي الأكل مو راضية تآكل جربنا معاها كل شيء حتى إنها طلبت الايس كريم
قلنا يالله يمكن تآكل لكن تحط المعلقة في فمها وتصيح ما تقدر تآكلة
وحاولنا نحط لها pyralvex بالصياح حتى يمكن ما انحط بشكل كامل على كل القرحة
ما تبغانا نقرب من فمها
الله لا يبلى أحد
21-05-2009, 08:59 PM
ضوابط المشاركة
العرض الشجري