أرجوا انكم تساعدوني في مشكلتي
انا لي 10 شهور مخطوبة (عقد شرعي) على ابن عمي ومدة خطوبتنا المحددة طويلة سنتين
وانا عمري 20 وهو عمره 27 سنة

تصير مشاكل كثيرة بيننا وانا دايما أشوف انو سبب المشكلة تافه وبسيط وما يستحق الزعل
واغلب مشاكلنا لانو حاسس اني مش مهتمة فيه:

هو يطلب من احكي معو على الماسنجر وانا اتهرب لاني ما بحب احكي على الماسنجر
وصارت مشكلة مرة بيننا لانو بيرنلي على الجوال وانا بطنش احيانا وما برجعلو برنة (متعمدة حاسسها تافهة)

هو يقول انو انا مش فارقة عندي اذا تقابلنا او لا اما هو بيكون مشتاقلي كثير علشان نلتقي

طبعا احيانا لما انقهر منو لانو بيزعل مني بحكيلو انت بتزعل على اشياء تافهة انت عقلك صغير طبعا هو بينجن بس بيحاول يطنش

مرة حاول يأكلني مكسرات من يده وأنا تمنعت لاني محرجة وهو اصر وانا اصريت فزعل زعل شديد وانا مش شايفة في سبب لكل هالزعل.


بيحكيلي ألين مخي واخفف شوية من الخجل اللي بيوصفو انو مبالغ فيه لانو بعد 10 شهور خطوبة ما سمعتو كلمة حب, وما حسستو بالأهتمام .

مش عارفة الغلط مني ولا منو
وهل مستاهل انو يزعل
احكولي كيف احسسو بالإهتمام



وبعدين مشكلة ثانية انو حاسس اني مش واثقة فيه
لانو لما يمسك ايدي او يحاول يلمس وجهي او اي اماكن اخرى بجسدي اتصدى له
وكذلك يحاول ان يقبلني واتصدى له

فبيحاول يقنعني انو هذه الامور عادية بين المخطوبين ولكن انا اقول له انا ما عندي استعداد في فترة الخطوبة لهيك امور لما اصير ببيتك سوي اللي على بالك