السلام عليكم ورحمة الله وبركاته

اخواني اخواتي

تكفووووووووووووون ساعدوني وربي بموووووووت من القهر

مــــــــــــــــــــشكلتي ::

ان ولد جيرانا خطبني من عند بابا هي مو اول مره انخطب اهم شي انخطبت كدا مره وهدا ولد جيرانا كان مصمم انه ياخذني وانا توقعت انه يحبني لان اول مره رفضته وتقدم لي ثاني مره واقتنعت ووافقت اهم شي خطبني رسمي من بابا مجرد كلام وبس والنذل معلقني بين السماء والارض سنه وسته شهور لافكر وحن على نفسه وخلاني اسوي تحاليل ولا ملكه وربي بموت من القهر اعصابي كل يوم تنحرق وهو ولايفكر فيني من الاساس وربي حتى وزني من الهم كل ماله ينزل لدرجه ان وزني صار 36 زي الاطفال معنى عمري 19 سنه ::::: طيب انا وش ذنبي دام انه احترمته وفضلته على كل الي خطبوني ووافقت عليه يرد الجميل لي كدا والله العظيم اني كنت مقدره ظروفه لانه كان عنده دوره في العسكريه وقلت حرام لمن يخلص يخليني اسوي تحاليل ونملك لاكن طلع بارد جدآ خلص من الدوره وجاء تعينه وماشاء الله حتى راتبه جدآ ممتاز والله حتى لمن جاء تعينه في تبوك قلت خلاص عادي لاجل حبي له راح اروح معاه المريخ مو تبوك بس معنى مااحب اترك اهلي في مكه واسافر بعيد بس كله لاجل مايزعل مني وفي النهااااااااااااااااااااااايه حالته كدا معاي
ياناس تكفوووووون فهموني وش اسوي معاه اتركه واخليه يدور على بنت غيري لان والله معاد فيني صبر وكل ماتذكرته اجلس ابكي من القهر وصعبه ان بابا يكلمه يقوله تعال ملك الصراحه فشله بيقول ميتين علي والله اني كنت احبه لحد الجنون ومااكذب عليكم واقولكم الحين كرهته بلعكس لاكن تصرفاته وتطنيشه تخليني غصب اكرهه واكره اليوم الي شفته فيها

علموووووووووووني اش الحل الي ينفع معاه
ولووو انتوو البنات كنتووو محلي وش راح تسووو وقتها؟؟؟؟؟
وانتوو ياالشباب يرضيكم هدا التعامل والا لا؟؟؟؟؟؟؟؟؟

انا ابغى اشووووووف ارائكم لعل الاقي الفائده عندكم
لان الفاصل بيننا شهر رمضان يااصبر واتزوجه يااتركه ويبعد عن حياتي


الله يسعد ويستر على كل من يرد علي ............