السلام عليكم



اخواني واخواتي

تطلقت من زوجي بعد سنتين زواج شفت فيها الحلو والمر والى اليوم مو قادره انسى الحلو وما زلت احب طليقي لكن ما اقدر ارجع لانسان ضعيف الشخصيه امام اهله تطلقنا بسبب اهله وبسبب كبرياءه ورفضه للتنازل حتى لو كان على حساب خساره زوجته مثل ما صار معانا


طلقني عقب ما قالي احبك وانا زوجج بعدها بدقائق قالي انتي طالق ليش جبت سيره امه ست الحسن والدلال والله اني ما سبيتها بس قلتله عمتي وايد قالت عني بس مهما كان هذي عمتي وانت ما راح تتغير لانه قعد يسبلي اهلي ما اريد اذكر السب لانه فضيع واللي ما تحب زوجها كانت بتترك البيت من اول ليله بس اللي صبرني حبي له

وبعدها طلقني


مرت شهور اتصلبي يبيني اروحله بيته انصدمت من طلبه ورفضت ووعدني ما راح يصير شي بس يبي يكلمني بموضوع يخص ولدنا ورحتله بصراحه فضول وحنيت شوي ادري غلط بس شسوي رحت وحاول يعتدي علي يقولي انا ما قصدت انا حنيت بس والله انا عاشرته هالرجال اعرف تفكيره ولو اني ما رديته والله كان نام معاي وانا مطلقته بس انا ولله الحمد ايماني بالله قوي واخاف الله ولا كنت بستسلمله وما قلت لحد غير لخواتي وامي وقررنا نكتم الموضوع لان الناس ما بترحمني
وهو السي سيد ترجاني وبغى يرشيني بفلوسه عشان اسكت وطنشته


لليوم لما يجي ياخذ ولده وانا بالصدفه الاقيه اشوف الشوق في عيونه ويكلمني ويسألني اسأله خاصه كأني مرته





بس انا ببدأ حياه جديده ما انكر ما زلت احب طليقي لكن ابدا ومستحيل ارجع لانسان مثله واللي تقدملي حبيته وايد بس الحين بعد ما قرب وقت العرس صرت افكر بطليقي وايد


ساعدوني شو اسوي
لا حد يقولي ردي لطليقج لاني مااااااااااااااااا ابيه وما يصير نرد لبعض لانه ما قصر فيني ونكر كل الاشياء الحلوة اللي بينا وتكلم بالسؤ عني قدام ةاهلي


مستحــــــــــــــــــــــــــــــــــــــــــــــ ــيل اقدر اعيش معاه غير اني احب خطيبي وابيه بس اخاف اقارن بالمسقبل ما ابي اضيع حياتي الجديده وادعولي

الإشراف/تم تعديل العنوان (كتابته بالفصحى)

الله يفرج همك

ارى انك استعجلتي بالموافقة على العريس الجديد

كان لازم تصبري على الاقل سنه وتبتعدي عن طليقك حتى يصفى قلبك وعقلك

لكن عموما اللي صار صار ولعله فيه خير لك

صدقيني .. وبكل أمانه

ستنسين طليقك من أول اسبوع تماما

وبكره تقولين بكر قالت

باذن الله زوجك سيعوضك ويمنحك السعادة

اهم شي انسي طليقك ولا تقارني بينه وبين زوجك

ابتدي حياة جديدة وصفي قلبك وعقلك من الماضي كله

انتي ما تحبين طليقك كثر ما تحبين كونك متزوجة وتحنين لمملكتك وبيتك واستقلاليتك

وهذا باذن الله كله رح يتعوض بالبيت الجديد والزوج الجديد


اختي الحبيبة


الرجل سيأتمنك على اسمه وعرضه وماله وبيته

كوني أهلا للثقة .. واتقي الله فيه

كل ما تذكرتي طليقك بشكل (رومانسي).. تعوذي من الشيطان واستغفري ربك وفرغي كل عواطفك لزوجك

اسأل الله أن يسخره لك ويوفقكم

__________________

مع بكر الشايب..

بالتوفيق..

__________________

طيب وطليقك رضى لك تملكين على غيره؟؟
ماجاء وترجاك تلغين الخطبه؟؟؟؟؟

اذا العرس قرب خلاص
انسي طليقك ...يمكن ربي يعوضك خير بالزوج الجديد
وخلك معه عسل لاترفعي صوتك ولا ترادديه كنك عروس جديده
وتعودي كذا
اخذي حقك بطيبه وطولة بال

لا ما قلناله اعرف بيسوي فوق وتحت عشان يخربلي العرس وخايفه ياخذ ضناي مني قالي اذا تزوجتي باخذ الولد

على كيفه هو
الولد انتي احق بحضاانته
فيه محاكم
يبي يعطل بنت الناس وهو يتزوج!!
الزواج سنة الحياه

تزوجي ولاتجيبي سيرة زواجك او ملكتك لاحد للييييين وقت الزواج بفتره بسيطه

وامسحي قلبك منه
هذا ماستااهلك
واذا انك متوقعه انك ماتقدري تنسيه
لاتغشي ولد الناس افسخي الخطبه
بس انا اعتقد انك اقوى من كذا
تعوذي من ابليس
ترى هو يزين لك
اعوذبالله من شيطان الرجيم

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

محد بيقولك رجعي لطليقك .. تدرين ليش

اولاً : ما عنده شخصية ويمشونه اهله يعني ما في امان في الحياة معاه

ثانياً : سب اهلك لين شبع وبأبشع الألفاظ واهانك لين قال بس .. هذي بس لوحدها تكفي انك تكرهينه

ثالثا : بعد الطلاق طلب منك تروحين له عشان تتفاهمون وهو كذااااااااب يبي شي ثاني .. يعني الرجال ضعيف الايمان

و ما همه رضى الله وسخطة اهم شي يقضي حاجته سواء بالحلال أو بالحرام ما يهم بالله هل هذا رجل

تستظلين بظله .. هل هذا رجل تسلمينه ولاية أمرك !!!

واحد يوقفك ويسألك اسألة خاصة ما يسألها إلا الزوج لزوجته .. هذا واحد ساقط ولا يستحي على وجهه

حمدي الله انه فكك منه وارسل لك واحد غيرة .. انتي في نعمه

تقولين أنك تحبين خطيبك .. حلو

ولما تتزوجين راح تحبينه أكثر وخاصة إذا رجال قول وفعل ومختلف عن الأول

وراح تقارنين بين زوجك الأول وزوجك الثاني بس النتيجة لصالح الثاني مو طليقك

لأن طليقك ما فيه شي ينحب .. كل الي تحسينه انتي هو حنين للعشرة مو حب

لما تقارنين بين ثوب نظيف وثوب ...... أكيد راح تفضلين النظيف

الله يوفقك وخبي خبر زواجك ولا تعلنونه وراح يكون سهل خاصة إذا مافي حفلة كبيرة

أما موضوع ولدك فالقضاء والشرع يحددان متى يكون معك ومتى يكون مع ابوه

__________________

يااختي ادعيلك من كل قلبي ان الله يوفقك ويوفق كل المطلقات ويعوضهم ازواج صالحين إن شاء الله
وبعدين يااختي ابيك تنسين طليقك قبل الزواج لان حرام تضلمين زوجك الجديد وطليقك لازم يبتعد عنك ولو اضر الامر لتاجيل العرس مافي مشكله اول شي حاولي تنسينه وبعدين تزوجي الضاهر انك استعجلتي وايد

أخي ( إن شاء الله ) تكتب كما هو موضح بين القوسين

ياساتر

الحمدلله انكِ حفظتي نفسك منه

لاأريد أن أقول عودي او تزوجي

لكن ماأنصحك به الآن هو كثرة الإستخاره

كلما رأيتي نفسك مترددة أو أحسستِ بالشوق لطليقك

توضأي وصلي صلاة الإستخارة

__________________
حسبي الله ونعم الوكيل