بسم الله الرحمن الرحيم




جيت اشكي حالي على الله قبل اشكيها على الناس جيت اشكي حالي على الله ثم عليكم كود حالي يزين واصير انسان عادي مثل الناس



السلام عليكم ورحمة الله وبركاته




ياناس انا ابتكلم وبكتب كل اللي في صدري كلام ما قد قلته لاحد على الواقع وانتم بعتبركم اخوان عن بعد انا اللي في قلبي ما عد اقدر اكتمه صارت فيني حاله نفسيه يجيني من الضيقه ما لا يعلم به الا الله يجيني هم وكدر وضيقه احس اني خلاص الدنيا ما تشيلني من ثقل همي يا اخواني ويا اخواتي ويا عمي وي خالي ويا امي ويا ابوي كل واحد على حسب عمره اعتبركم عائلتي اللي بينفعوني

تكفووووووووون النفس ما عد صارت تتحمل انا وحييييييييييييييييييد في هالدنيا وحيد الله يجزاكم خير ابي حل انا وحيد مالي اصدقاء عمري 19 سنه ولا لي صديق واحد مع اني محترم واخلاقي عاليه ورجال الحمدلله ولكن ما ادري وش السبب احياناً ابي احد يظمني من الضيقه اللي فيني واحياناً ابي اجلس لحالي وابكي

احياناً اقول انا وش فايدتي بالديا؟؟

وش الفايده مني

انا وحيد الناس يتهربون مني مع اني والله انسان رائع واعوذ بالله من مدح نفسي ولكن انا على الاقل انسان مثل اي انسان ليه اصدقائي يتهربون مني ليه انا وحيد ,صحيح ان امي وبوي وبعض اخواني يحبوني بس اذا سافرو وظليت انا مع ابوي لان ابوي ما ييسافر مريض واجلس انا عنده احس بوحده مميته غريبه عجيبه احس ان روحي غير عن ارواح الناس لما ابي اطلع ارفه عن نفسي اتصل باصحابي الكل يتهرب انا مشغول انا بتصل عليك بعدين انا بودي اهلي انا مشغول مع اصدقائي ولما تجي وقت المصلحه ياخذون مصلحتهم ويتركوني

كنت اعاني من مشكله في المدرسه بغيت اترك الدراسه عشان هالمشكله كنت اجلس بالفصل عادي مثل الناس وبعدين يجون لمي الطلاب ويضحكون علي يسموني الشايب الاثري وانا بحمدالله تخلصت من هالمشكله ووقفت قدامهم وخليتهم يحترموني لكن مشكلة الوحده الوحده قطعت قلبي انا اكتب هالكلام ودمعتي والله على خدي تكفووووون ابي حل

تخيلو يوم العيد جالس وحيد لان اهلي سافرو واظطريت اني اجلس عند ابوي وجلست وطلعت بالسياره اشوف الرجاجيل والاولاد والحريم والبنات والبزارين رايحين جايين ومبسوطين وانا همي وضيقتي بصدري وبقلبي

خلااااااااااص ضاقت بي الدنيا ابي حل ارجوكم


خففو عني

السلام عليكم ..

بداية اسال الله ان يشرح صدرك وييسر لك امرك ويجزاك بما راعيت والدك المسن خيرا كثيرا ...
فهو خير لا ينقطع ان شاء الله ..


انما اسألك سؤالا اجب عليه فقد يكون في اجابتك الحل ...

هل انت انسان مبادر ؟؟؟

بمعنى هل تقبل على الناس قبل ان يقبلوا عليك ....هل تبادر بفتح مواضيع للحديث ؟؟

هل أحاديثك عن نفسك ؟؟ ام عن ماذا عادة ؟؟

هل تميل في احاديثك الى الاشفاق على ذاتك أو شتمها لاستدرار عطف الآخرين ؟


بانتظار اجاباتك

اسمع يا اخي

يمكن انك من النوع اللي ما يطلع مشاعره للأصدقاء ويحسون انك انسان هادئ وممل وكتوم

يعني اذا كنت محتاج احد تكلمه اتصل على اقرب صديق لك قول له انا محتاج اكلمك مو تتصل عليه وتقول له سواليف عاديه

قول لصديقك مثلا اني من زمان عندك اني فاقدك ورى ماتمرني او أمرك ونروح نسولف وندردش مع بعض

خلك قوي في كلامك

والله يعينك الواحد تمر عليه فترات مايلقى اللي يفهمه بس يكتشف في الأخير انه هو السبب

__________________
أنا مدام المختار<<منعاً للإحراااج

بانتظار اجابتك

الصراحه معك حق انا ما اطلع مشاعري اسولف سواليف عاديه ولا اطلع اللي بقلبي لاني استحي

الله يكوون بعوونك

لكن اقوولك اذا انت من الرياااض ترا فيه مخيم دعووي لشباب الملتزمين مفتووح لـ أي واحد

لاتقوول ما اعرف احد حياك وجب اللي عندك الدعوه مفتووحه

تستحي وأنت رجاااااال

أفا بس

بالعكس اختلط مع الناس ووسع صدرك بس بدون معاصي

ترى أن راح تعيش عيشه وحده

إستمتع بحياتك بما يرضي لله

والله يشفي أبوك آميييين

__________________
أنا مدام المختار<<منعاً للإحراااج

http://www.rofof.com/7hlqar14/Lmn_Daqt_Bh_Al-dnya.html

لي عودة إن أذن الله

__________________
ي رب رضاك و الجنة

مثل ما قال يوسف المبتلى اذهب للمخيمات الدعوية..

و شي ثاني انت وش هواياتك؟؟

ليه ما تشغل نفسك؟

فكر اشلون تشغل نفسك و تطورها و بتنفك هالعقده

__________________

عندي اخو بنفس عمرك الله يحفظكم

شوف اخوي
من يتقي الله يجعل له مخرجا

شلونك مع الصلاه؟؟؟
عليك بالدعاء
ان الله يشرح صدرك
وحاول انت من نفسك تغير طبعك
اذا كنت انطوائي حاول تطلع من العزله
يعني انت حاول تتغير

__________________
اللهم احفظ لي زوجي وسخره لي واحفظ لي اولادي