محتاره في الأسئله اللي راح اطرحها لشريك حياتي...نوروني بردودكم
السلام عليكم ورحمة الله وبركاته
باختصار انا مسجله في موقع العفاف للزواج عمري 25 والحمدلله ماشفت منه الا كل خير وناس فعلاً تحس انها تبحث عن العفاف...يكفي ان يشرف عليه الشيخ الهويمل ...ولا ازكيه على الله أحد
طبعا جتني رسايل كثير وشفت اغلبهم مايناسبوني وفضلت اني ابحث بنفسي خصوصا اني ابي زوج بمواصفاتي للعلم اني مطلقه من زواج دام اقل من شهر.
وجدت عضو بياناته راقتلي وراسلته وأثنى على بروفايلي ووافقنا على ان نتراسل ونعرف شخصيات بعض..وتكون الرسايل تحت المراقبه
سألته مجموعة اسئله قد تكون عاديه ...ولكن ابي اسئله عميقه تتضحلي شخصيته بشكل اكبر
نوروني الله يجزاكم خير عن وش اسئله بالضبط؟؟؟
اللي عرفته لحد الآن انه كان مملك ومطلق وقالي انه البنت فسخت كذا بدون سبب...وان شغله يبعد عن الرياض 270 بأرامكو علما اني مو من الرياض وحاليا انا بالجنوب
وان اللي دله على الموقع رجل من هيئة الأمر بالمعروف
وش اسئله علموني يوم جا وقت الجد ضاعت علومي وطارت كل الأسئله اللي كنت ناويه اسئلها لأي شخص ناويه ارتبط فيه
لحد يرد يقولي الزواج عن طريق النت فاااشل .. انا لي قناعاتي اللي محد يقدر يغيرها.. وخلاص راضيه كل الرضى عن فعلتي وانا انسانه ناضجه واعرف وش اللي قاعده اسويه
ابي ردود حول الموضوع فقط ... والله يخليكم لحد يدخل بدون رد.. حتى لو سؤال عادي اكيد راح يهمني كثير
هو ينتظر ردي وانا لي يومين ماني قادره اطلع بسؤال واحد
خالص ودي واحترامي...
10-11-2009, 09:09 PM
ضوابط المشاركة
العرض الشجري