انا عضوة جديدة وهذي أول مشاركة لي في المنتدى
لكن متابعة للمنتدى من ثلاث سنوات
اعجبني كثيرتماسك اعضاءه وتقديم النصيحةوبدون مجاملة
وبصراحة استفدت كثير من عرض اراءهم في حل بعض المشكلات مثل التعامل مع الزوج في بعض المواقف
الله يجزاهم خير ويكثر من امثالهم
انا مريت في مشكلة الايام هذي ومو من طبعي استشير أو ادور على حلول لمشكلاتي عند احد مهما كانت علاقتي فيه . مشاكلي مع زوجي رغم ندرتها ولله الحمدلا تتعدى اسوار غرفة نومي
لكن مشكلتي المرة هذي سببت لي ضيقة وحيرة ومو عارفة شلون احلها او شلون اتصرف فيها
انا متزوجة من 13 سنة وعندي بنتين الله يخليهم لي
مرتاحة كثير مع زوجي ومبسوطة ويحبني والكل يلاحظ هالشي
في السنتين الاخيرة لاحظت على زوجي سعيه للتعرف على بنات من خلال منتديات التعارف والماسنجر
قبل سنة تقريبا اكتشفت بالصدفة لما فتحت المحفوظات في جهازه
انه حاط رقم جواله وكاتب تعارف للبنات فقط
وفي سجل محادثاته وجدت اكثر من محادثة بس قصيرة جدا مع بنات وصور اباحية
واجهته وحلف لي انه يحبني وانه اللي صاير مجرد لعب لا اكثر ولا اقل وانه عمره ما فكر يخوني
اعتذر لي وهو يبكي حسيت انه ندمان لما شفت دموعه طبعاصدقته لاني عارفه انه يحبني.
قبل شهر سافر في مهمة تبع شغله الى مكة خلال فترة الحج
خلال الفترة هذي كنت جالسة عند اهلي كان كل ساعة يرسل لي مسجات غزل وشوق يبين فيها شوقه لي وكنت ارد عليه بنفس الرومانسية واقول له مشتاقة له وانا فعلا كنت مشتاقة له كثير وكنت اعد
الساعات لرجوعه لنا بالسلامة
في مرة كنت جالسة مع ولد اختي واعطاني بطاقة سوا بدون اسم وقال انه ما يبغاها
ارسلت لزوجي منها رسالة رومانسية بدون ما يعرف مين المرسل على طول رد علي بكلام غزل على باله اني بنت لعابة وادور على علاقة
استمريت معاه بشوف وش النهاية بعد 6أو 7 مسجات طلب يكلمني ويسمع صوتي طبعا انا قطعت المراسلة
لاني ما ابغاه يعرف اني اكتشفته ومسحت كل المسجات اللي جاتني منه
يمكن من الصدمة اللي حسيت فيها حاولت اشغل نفسي بأي شي علشان ما افكر باللي صار لاني لو فكرت فيها بتكبر في راسي وباسوي منها مشكلة
البارح رجع لنا بالسلامة وكنت انا وبناتي مسوين له حفلة استقبال بسيطة عبارة عن تورتة عليها
صورته وهدية مني وهدية من بناتي واستقبلته بكل لهفة شوق وحب رغم انه شوقي له خف كثير بعد اكتشافي له
لكن كنت اقول في نفسي تحملي علشان ما يلاحظ تغيرك حرام جاي من سفر وصار له شهر غايب عن بيته صعب ابدأ معاه في مشكلة
وبنفس الوقت حسيت الموضوع يحتاج لحكمة وتروي علشان ما اخسره واخسر حياتي الزوجية وعلشان بناتي
قضيت معاه البارح لحظات رومانسية وحب وكنت اصبر نفسي لاني حاسة بنفور منه
وكان يحكي لي عن واحد من اصدقاءه انه يتصل في (رجل جرار) في جدة ويدور على بنات
اليوم الصباح كنت افتش جواله لقيت فيه رسالة الى واحدحافظ رقمه باسم جرار
كاتب فيها( انا من طرف فلان الفلان اتصلت فيك وما ترد اذا صرت فاضي اتصل فيني ابغاك ضروري )
انصدمت كثير والافكار اللي كنت ابعدها عن راسي الحين تاكدت منها
اخاف اواجهه ويكبر الموضوع ويصير بسيط بالنسبة له لاني عرفت كل شي
ومادري شلون اتصرف معاه ابغى اراءكم الله يخليكم
01-12-2009, 06:34 PM
ضوابط المشاركة
العرض العادي
