السلام عليكم

احس نفسي مخنوقه
نصدمت ؟ من اقرب الناس لي الي كنت افرح لفرحها واحزن لحزنها


سويت عزيمه قبل اسبوع بمناسبة تعافي جدتي وعزمت البنات ودقيت عليهم اكثر من مرة علشان يجون وجات معهم بنت عمتي
ورتنا صور شبكتها
بعدها وصلني خبر انها تقول ان انا والبنات الموجدين عطناها عين
وطلعت من البيت وهو محسوده
وان وقت ورت الصور صديقاتها ماحست بشي
واليوم الي ورتنا الصور انحسدت؟؟
انصدمت مرره من كلامها
كيف تشك فيني ؟
بتقولون العين حق ويمكن تجي من غير قصد
بقول صح كلامكم
وقت شفنا الصور ذكرنا الله
كيف تشك فيني اني اتنمى ان نعمتها تزول؟


مصدومه لدرجه افكر مااحضر عرسها
بكل صراحه عافت نفسي الروحه
ماكنت اظن ان فيه ناس بهالتفكير
مقهورة وربي من كلامها بموت قهر

حبيبتي حساسة حبتين
البنت عندنا اذا تملكت وفيه اكبر منها ماتزوج
تتدلع وتشوف حالها
وسعي صدرك
طنشي كلامها
وبيني وبينك بان معدنها
ولا تخافي ترى الدنيا تعطي دروس جاااااامدة
بليز اهدي
راح تلاقي في الدنيا اللي يقهر ويقهر ويقهر

موضوع بسيط بنات حساسات والا ما يستاهل كل ذا اختي الكريمه لاتفكري كثير بما يقال وتعوذي من شياطين الانس والجن

أختي حلم مجرد كلام تافه لايخرب علاقتك في بنت عمتك

ياما وياما شفنا من البلاوي لين صفت روسناا

الله يصلح الحال بس

__________________
..( أستغفرالله العظيم الذي لا إله إلا هو الحي القيوم وأتوب إليه )..

لاتهتمي لها ابدا
وربي لو وصلها انك تضايقت مابتصدق وتاكد كلامها
انتي ماعليك هالنوعية تحب الكلام انها محسودة
وهي ماعندها ماعند جدتي
هذا القهر اهون من وحدة تسقط وتتهم بنات جماعتها ان هم حسدوها وتمنو الحمل
والمصيبة ان البنات الي كانت تقصدهم مو متزوجات لو بنحسدها كان علي زواجها مو حمل
شفتي ؟؟؟؟؟؟؟؟؟؟
هونيها وارمي كلامها ورى ظهرك

__________________
[ ]

يا أختي العين حق ، مو شرط تحسدوها على الزواج

و يمكن هي ما تبغى تحدد أحد بإسمه عشان ما تسبب إحراج له ، فشملت الكل بكلامها

لا تزعلي منها

كلامها يوجع اختي بس العين حق ...تعرفي لو انا منك اعطيها اثري وبنفس طيبه تغتسل منو وخلي صحباتك بعد انت واثقه من نفسك انو ماتتمني لها زوال نعمه صح !!!والعين غير الحسد .
وسعي صدرك وخليك احسن منها وعطيها اثرك ماحتخسري شئ
ولاعاد تهرجين بموضوع زواجها ابد طالما هي موسوسه وخايفه ع زوجها ولاتطلبي تشوفي شئ
كلميها عادي باي موضوع ولاتخوضين معها موضوع زواج ابدا وريح راسك .

كلام لقافة أعجبني

هاذولا كثييييييير نلاقيهم في حياتنا!! وهم والله ولايسوون!! ولا حتى انتي فكرتي فيهم!!

وش تقولين أجل للي تقول يحسدون جمالي!! وهي معروفة عند الكل انها اقل من عادية!! والناس يضحكون بس من وراها عليها!!

لكن عاااااااادي خلك مبتسمة وواثقة من نفسك...


الله يهدينا جميعاً يارب~

__________________
اللهم هب لي من لدنك زوجاً تقياً حنوووووووووووووناً وسيما واجعله قرة عينٍ لي واجعلني قرة عين له قولوا آمييييييييييييين

جبتيها عالجرح آآآآآآآآآآآآآآآخ بس





حبيبتي لا تشيلي هم انا لو منك اعطيها من اثري في وشها لو تبغى و اتخاشاها بعد كده

هي بس تبا شوية تغمل شوية اكشن و لفت انظار لا تنوليها اللي تبغاه و انهي الموضوع من الآن

__________________
رب لا تذرني فردا و انت خير الوارثين

عادي

في اي مكان تجتمعون اجتمعي انتي والمتهمات وقولوا لها خذي من اثرنا

او ارسلوا الكلام مع اللي وصله لكم


وحطي في بالك شي ممكن الكلام يكون كذب عليها للوقيعه بينكم

انتبهوا لا اكثر

__________________
[/IMG]