موقف بسيط حصل لي مع مسيحي - منتدى عالم الأسرة والمجتمع
logo

الملاحظات

العلاقات الأسرية والإجتماعية أفضل الحلول لقضايا الأسرة والمجتمع والمراهقين والأطفال .

موضوع مغلق
أدوات الموضوع
انواع عرض الموضوع
قديم 22-12-2009, 02:24 AM
  #1
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
doodah موقف بسيط حصل لي مع مسيحي

السلام عليكم و رحمة الله و بركاته ..

جاء في بالي أحكيلكم موقف صغير صار معايا ، بس يمكن نخرج منها بفايدة
و الهدف منها ( الفائدة بإذن الله ) ..

طبعاً ، أنا أعيش حالياً في بلدة أوروبية و في مدينة أسعار المنازل فيها غالية جداً ..
فكنت يومياً أمشي من البيت للجامعة ، و بيتي بعيدة مرررررة عن الجامعة ..
و المواصلات سيئة ..

و عشان أوصل بعد نص ساعة أقل شئ للجامعة ، فلازم أخد باصين ،،
و عشان أوصل بعد ساعة و ربع أو نص ،، لازم أمشي برجولي ،،
و التكاسي أسعارها جدا غالية ، بس بأضطر أحيانا أخد تاكسي إذا حسيت بأتأخر عن المحاضرة ..
أو عندي تسليم مشروع مثلا ..

فرضيت بالأمر ،، و أقلمت نفسي على الوضع ..
و الترم الثاني عندي محاضرات من الصباح بدري ، و للأسف مافيش باصات في الصبح بدري ..
و أحيانا أجلس في مكتبة الجامعة أذاكر لحد الساعةة 12 الليل ،،
و لازم زوجي يقطع مشوااااااااااااااااااااااااار عشان يجيني و نرجع ، لإنه مافيش باصات ..

و الناس السكرانيين في الليل يكثروا و مافي وحدة متحجبة غيري ..

----------------------------------------------------------------------------------------------------------

المهم ..

بحمد من الله و نعمته ،، لقيت إعلان في النت عن شقة ( نفس المواصفات اللي أبغاها ) و الله حسيت
إنها جاتني من السماء ، سبحان الله ،، من ناحية السعر ، من ناحية الموقع ، من كل النواحي و الشكر
لربنا ،، و توه الإعلان كان نازل سبحان الله ( من التاريخ طبعا عرفت )

المهم ،، أرسلت لصاحب البيت ايميل و ما جاء في بالي إنها بتكون من نصيبي أبدا ..
قلت يا الله ، إيش راح أخسر ؟؟؟

رد علي صاحب البيت بالإيميل ،، و قال لي ، لو إنتم جاديين بالفعل ،، فراح أرسل لكم صورة البيت من
الداخل ، و أعطانا عنوانها بالضبط ..

قلت لزوجي ، هذا شكله واحد مستعجل و يبغى يأجرها ،، لإنه سعرها بالنسبة لمواصفاتها و موقعها ..
روعة ماشاء الله و مستحيل و من سابع المستحيلات ألقى في المدينة هذه ، بالمواصفات هذه ..

و بالفعل ،، رديت على صاحب البيت ، و قلت له ( نحن بالفعل جاديين و نبغى نستأجر البيت إذا ممكن )

---------------------------------------------------------------------------------------------------------

نجي للزبدة

حسيت إنه مررررررة خايف على بيته ،، و إنه يبغى يتطمن عليها .. حسيتها عزيزة على قلبه ..

المهم ،،
أرسل لي من جديد ،، و قال لي : خليني في البداية أعرف بنفسي ، أنا فلان و عمري 50 و رجل
أعمال .. و أشتغل الشغلة الفلانية وو أنا متخصص في المجال الفلاني ، و أعيش مع أسرتي و زوجتي
الحبيبة .. و إنه شرح لي ظروف عمله اللي خلته يهاجر و يأجر بيت العايلة ،،

علشان كذا ، يبغى يأجرها لناس ، يكونوا ( ثقة ) و أمينين و عندهم ووعدهم و كلمتهم ..
و من ضمن الكلام اللي قاله لي ،، ( أنا تراني مسيحي ) ..

و هو طبعا لا يعرف ديانتي و لا يعرف مين أكون و لا من أي دولة ..
بس تعجبت إنه يقول ( أنا تراني مسيحي ) ..

----------------------------------------------------------------------------------------------------

عجبتني صراحته و ثقافته ،، و حسيته بالفعل خايف إنه يأتمن الشقة لشخص مو قد الأمانة ..
لإنه يقول أبغى وعد ، و أبغى واحد يكون قد كلمته ،، و ما أبغى مشاكل و كذا ..


رديت عليه مباشرة من يومين ، و قلت له ،، أنا احترمت صراحتك بالفعل ..
و أنا انسانة أحب الصراحة ، و علشان كذا بأتعامل معك بكل وضوح و صراحة ..

عرفته بنفسي و بعائلتي ، و إني أصلا ماني انجليزية ،، لكن من الدولة الفلانية ..
و علاقتي و لله الحمد مع الجيران الإنجليز و المسيحين جدا رائعة و الحمد لله ،، و ممكن تسألهم عننا ..

المهم ،، قلت له ،،
أنا مسلمة الصراحة ،، لكن أحترم جميع الأديان و خاصة الديانة المسيحية ،، لإنها قريبة من ديانتنا ،،
و نشترك في أمور عديدة ،،

و قلت له ،، عشان كذا ، تأكد إنه البيت لو كان من نصيبنا ،، فراح أحافظ عليها كأنها بيتي ..
و أي ضرر يصيبها بسببي ، فأوعدك إني المسؤولة عنها ،،

و أنا إذا وعدت ، فما أخلف بإذن الله ،، لإني أحترم نفسي و ممكن تسأل الجيران عني ..
و قبل كل شئ ، لإني أحترم ديانتي ،، و أحب ربنا ..

و أنا علشان كذا ما أكذب ،، و مثل ما إنت تدري بإنه الكذب لا يجوز في الأديان جميعها ،،
و قلت له كمان .. ( مع العلم إنه مو كل مسلم ما يكذب ، لكن المسلم الصحيح هو اللي ما يكذب ) ..
أتا وعدتك أكون صادقة ، و أنا صداقة بكل كلمة ..

و شرحت له إنه عندي شغالة و الحمد لله ،، و إنها يوميا بترتب البيت ..
يعني البيت في الحفظ و الصون إن شاء الله ..

-----------------------------------------------------------------------------------------------

استنيت قبل أمس يرد علي ،، ما رد ،،
استنيت أمس ، و كل شوي زوجي يسألني ؟ قلت له ما رد ..

قلت له احتمال ما رد عشان مشغول ، لإنه أمس الأحد ،، بمثابة يوم الجمعة عندهم ..
( يعني يوم عبادة ) ..

بعدين جلس الشيطان يوسوس لي ؟؟
يمكن يوم عرف الرجال إني مسلمة ؟ قام لغى الفكرة ؟؟؟؟
يمكن ماخد فكرة عننا ؟؟؟؟

قلت ( ياربي ، إنت تدري إنه الشقة هذه راح تفك أزمات كثيرة ،، يكفي إنها قريبة من الجامعة
و يارب تكون من نصيبنا ،، و إذا ما كانت من نصيبنا فأنا راضية باللي يكتبه ربي ) ..


سألني كمان زوجي ،، قلت له ، بأرسله له أسأله ،، إيش صار ؟؟
عشان لو إنك لغيت الفكرة .. أدور على وحدة تانية ..

قال لي زوجي ، و بس كذا تردي عليه ؟؟؟

قلت له ، بأشكره خلاص و بأقول له ،، هل إنت لغيت الفكرة بس لإننا مسلمين ؟؟؟؟
و بعدين أرسل له رابط عن الإسلام و المسلمين ،،
( اللي في اليوتيوب تعريف عن الرسول صلى الله عليه و سلم ، من 12 جزء )
و أقول له ، بس حابة تعرف عن المسلمين إذا كنت ماخذ فكرة سيئة عننا ..
و خلاص أنهي الموضوع ..


أنا ما أدري ليه أرتحت للشقة هذه و انشرحت نفسي له ؟؟؟؟ و يارب على طول ..
مع إني لقيت وحدة تانية اليوم قريبة شوي من مواصفاتها ،، بس الفضول يمكن خلاني أنجذب بالذات
للشقة هذه ؟؟؟؟ و يمكن حابة أثبت له إنه المسلمين عند وعودهم ؟؟؟

ماعرف ؟ حسيت إنه ربي كذا كاتب الشقة هذه من نصيبنا بإذن الله ..

----------------------------------------------------------------------------------------------------

( هو طبعاً ما همه سعر البيت ، على قد ما يهمه إنسان يحافظ عليها ،،
لإننا راح نعطيه فلوس التأمين )

المهم ..
قبل شوية جاتني رسالة منه ..

أرسل لي العقد بالإيميل ،، لإنه انتقل لدولة تانية مع أهله ..
و قال لي بما معنى الكلام ..

( قبل كل شئ ، هم يقولوا God يعني الإله ،، وو نحن الإله عندنا هو الله ،، فأنا راح أكتب اسم الله ..
بس هو كاتب في رسالته God )

الصراحة ، أنا حسيت من كلامك إنك انسانة صادقة و إنك صريحة و عند وعدك إن شاء الله ..
و قال ،، أنا ترى بأأجركم البيت ،، اعتماداً على ( الثقة و الصراحة و الصدق ) و أريدك أن تكوني مثل ما
ذكرتي في رسالتك ،، لإننا وضعنا كل شئ في يد و رعاية ( الإله = God ) ،، لإننا نحن من العوائل
المسيحية الجيدة ،، أو بما معناه ،، إننا مسيحين علاقتنا بالإله قريبة .. و نؤمن به.

المهم ،، قال كمان في رسالته :
و هذا الشئ الرئيسي اللي خلانا نتأمل من الله إنه يحفظ لنا بيتنا من كل شر و سوء .. و إنه يرزقنا
مستأجرين يحافظوا عليها .. و نحن على ثقة كبيرة به..

فأرجوك ، لا تخيبي أملنا لإنك وعدتينا و عاهدتينا أمام ربنا. شكرا لك و أرجو من الله إنه يحفظكم إنت
و عائلتك ..

---------------------------------------------------------------------------------------------


المهم ،، كلامه هذا خلاني بالفعل ..
أحافظ عليها بإذن الله ،، حتى لو ما كان بيننا عقود ،، يكفي إنه عهد أمام الله ..
حتى لو إنه من ديانة تانية ..

و رديت عليه ،، خليك متأكد من الشئ هذا بإذن الله ..
راح أحافظ عليها ،، و أنا ايماني بالله كبير بإذن الله ..

----------------------------------------------


سبب الموضوع :

أعرف ناس مسلمين ، يستغلوا ثقة الآخرين و يخونوهم ،،
لدرجة إنه صارت سمعة المسلمين في الخارج سيئة .. و الله إني يوم أستأجر شئ من مسلم ..
حتى لو مسلم و أجنبي ، مو عربي ..

الكل يقول لي ، مسلم ؟؟؟ لا لا ابعدي عنه ..
الإنجليز تلقي عندهم الأمانة و الثقة ..

و بالفعل ،، هذا هو الواقع هنا .. !!!!!!؟


فجاء في بالي سؤال وقتها ، يوم شفت الرجال اعتمد و أعطانا كل الثقة بإذن الله ..
لإنه قال ( تعاملنا راح يكون مبني على الثقة بإذن الله ،، و على الوعد )
و وكلت أمري لله ( بما معناه طبعا )


جاء في بالي سؤال ؟؟؟؟

لو واحد آخر مكاننا .. لو واحد مثلا استغل ثقة الرجل المسيحي ..
مثل ما أنا قابلت هنا ، مسلمين و و الله انقرصت منهم ،، حتى زميلاتي للأسف ..
انقرصوا من المسلمين هنا ..

إيش الصورة السيئة اللي راح توصل لهم عن المسلمين ؟؟؟؟

ليه ما نتعاون جميعنا ؟ عشان نخلي الأمانة هي مفتاح التعامل ما بيننا ؟؟؟؟؟

يعني هذا مسيحي و وثق فينا نحن المسلمين .. و السبب شئ واحد ..
( إننا نؤمن بالإله ) ..

مع إنه شقته ممكن يأجرها لمية واحد غيري ،،
موقع مميز سبحان الله ، و سعر و كل شئ ،، و أثاث ماشاء الله جديد ..

حتى إنه زوجي جرب و أرسل له من ايميله ،،
لكن ما رد على أحد غيري ..

و قال لي الشخص هذا ..

أنا وثقت فيك ، لإنك خليتي ( ربنا ) هو الشاهد علينا ..
و أنا انسان أؤمن بالإله بشكل كبيييير ..

و أعتذر عن الإطالة ..
شئ بنفسي و حبيت أقوله ..
قديم 22-12-2009, 02:37 AM
  #2
بكر الشايب ياسمين
كبار شخصيات المنتدى
 الصورة الرمزية بكر الشايب ياسمين
تاريخ التسجيل: May 2009
المشاركات: 3,613
بكر الشايب ياسمين غير متصل  
الكثير من الغرب يملكون اخلاق المسلم التي ابتعد عنها المسلمون للأسف

يكفي انه العهد كان امام الله سبحانه وتعالى وعسى الله يوفقكم بالانتقال للشقة ويقدرك على صون الامانه


موقف جميل .. واخلاق عالية ومعاك حق بطرح الموضوع فالكثيرين يقومون بمعاملة غير المسلم بشكل ينفرهم من الاسلام والمسلمين متناسين أن الكلمة الطيبة والاخلاق الحميدة هي التي تجذب الناس لدين الله

شكرا لك روح الطير
__________________
اللهم ارزقني بالذرية الصالحة يا رب
قديم 22-12-2009, 02:38 AM
  #3
أنين الدنيا
عضو متألق
تاريخ التسجيل: Mar 2008
المشاركات: 1,136
أنين الدنيا غير متصل  
ربنا يوفقك انتى زوجك في دراستكم وترجعوا بلدكم وانتو واخديين أعلى الشهادات

بالنسبة للموضوع لماذا أنتى اللى تعاملتى مع مالك البيت وكلمتيه وين زوجك من كدة

بالنسبة للوعدك مالك االبيت أظن انك تكلمتى بصورة جيدة وأعطيتى صورة جيدة للغرب عن وفاء ء ووعد وتعامل المسلمين مع الغرب
__________________
يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني ... لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي
قديم 22-12-2009, 02:42 AM
  #4
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
اقتباس:
المشاركة الأصلية كتبت بواسطة بكر الشايب مشاهدة المشاركة
الكثير من الغرب يملكون اخلاق المسلم التي ابتعد عنها المسلمون للأسف

يكفي انه العهد كان امام الله سبحانه وتعالى وعسى الله يوفقكم بالانتقال للشقة ويقدرك على صون الامانه


موقف جميل .. واخلاق عالية ومعاك حق بطرح الموضوع فالكثيرين يقومون بمعاملة غير المسلم بشكل ينفرهم من الاسلام والمسلمين متناسين أن الكلمة الطيبة والاخلاق الحميدة هي التي تجذب الناس لدين الله

شكرا لك روح الطير
تسلمي أختي و الله يجزاك كل خير ..

إن شاء الله إذا شافنا حافظنا على الشقة مثل ما وعدناه ،،
فراح تتحسن النظرة ،، لإني حاسته خايف ؟؟؟

و كل شوي يقول God و إنت وعدتي و أنا وثقت ووو إلخ
قديم 22-12-2009, 02:54 AM
  #5
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
اقتباس:
المشاركة الأصلية كتبت بواسطة أنين الدنيا مشاهدة المشاركة
ربنا يوفقك انتى زوجك في دراستكم وترجعوا بلدكم وانتو واخديين أعلى الشهادات

بالنسبة للموضوع لماذا أنتى اللى تعاملتى مع مالك البيت وكلمتيه وين زوجك من كدة

بالنسبة للوعدك مالك االبيت أظن انك تكلمتى بصورة جيدة وأعطيتى صورة جيدة للغرب عن وفاء ء ووعد وتعامل المسلمين مع الغرب

أختي ..

كنت حاسة إنه فيه أحد بيعلق عالنقطة هذه ،، بس ما راح أتفصل فيها كثير و أقولها بشكل مختصر

1 - بشكل عام ، أنا في الجامعة بأتعامل مع الدكاترة اللي يدرسوني ،، يعني بس في الرسميات
و الضروريات .. لكن أشياء ثانوية لأ طبعا ..

مثلا عندنا شغل جماعي و اجباري ،، فواحد من الطلاب قال بدل ما نتجمع في المكتبة تعالوا في بيتي
واحد كبير في السن ، بس طبعا زي كذا ،، مرفوض تماما

2 - مثلا إذا بأبحث عن شقة أو شئ من النت ، فأحط رقم زوجي ..
لكن أحط ايميلي في التعاملات الرسمية ،، لإني على طول بأشيك على ايميلي ..
و أبلغ زوجي .. و أحيانا يقول لي ردي عليهم .. ( لإني في الكتابة بالإنجليزي أفضل من زوجي ) ..
من ناحية الصياغة الكتابية و الإملاء ،، لكن زوجي في المحادثة أفضل مني ..

3 - و هو الأهم ..

يوم جاتني الرسالة أول مرة ،، رديت عليه و أرسلت رقم زوجي .. كالعادة ..
على أساس إنه يكون التفاهم ما بينهم ..

لكن يوم رجع و أرسل لي الرجال و قال لي ..
أنا مسيحي ،، و راح أعطيكم الشقة بشرط ( الحفاظ على الوعد + الأمانة + الثقة ) ..
قال الشرط هذا ،، و الشرط هذا سهل علي بإذن الله ..

لكن صعب على زوجي ،، لإن زوجي ينسى كثير ،،
و يطنش كثير ،، و يتساهل أحيانا ..

فما أقدر أوعده ، و أكذب عليه ،، لكن أقدر أضمن نفسي ..


فوقتها ،، طلبت إنه الإتفاق يكون بيننا .. و حتى لو يبغى يخلي زوجته ما عندي مانع ..
لإن زوجي لو وعده ،، فراح تجي مشاكل نحن في غنى عنها .. و ماودّي أتفصل هنا ..


عالعموم ..
أي شئ يدخل فيه وسيط ،، فراح تصير مشاكل و لخبطة ..
إنتي قلتي و إنتا قلت ،، وو إلخ و ممكن تجيب لي مشاكل زوجية نحن في غنى عنها ..

مثل ما قلت ،، الرجال في دولة تانية ..
و التعامل يكون بالكتابة ،، يعني ما راح أدردش معه و أتكلم معه و أخذ وو أعطي ..
وو أي شئ بيجي منه ، بأقول لزوجي و بأرد عليه بالكتابة .. و ما يحتاج بعد كذا أي تواصل ..
مجرد ندفع له كل شهر و خلاص .. و يرسل لنا الإيصال ..

( أصلا أي تعاملات رسمية ،، فزوجي يفضل إني أكتب له ،، لإني في الكتابة أفضل
منه .. و دايم يناديني عشان أكتب له و يريح راسه ) ..


لكن لو فرضا ،، أضطرينا إننا نكلم صاحب البيت ،،
فزوجي راح يكلمه بالتأكيييييد .. مو أنا ..

كذا واضح ؟؟؟

التعديل الأخير تم بواسطة روح الطير ; 22-12-2009 الساعة 02:57 AM
قديم 22-12-2009, 03:03 AM
  #6
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
على فكرة ،، طول الفترة اللي جلسناها في الغربة ..

تعاملنا مع تقريباً 3 مكاتب انجليز ،، و ما لقينا أي مشاكل وو الحمد لله ..

لكن تعاملنا مرة و استأجرنا من مسلمين ،،

و كانت أسوأ ، أسوأ ، أسوأ بيت استأجرناه و أسوأ مكتب تعاملنا معاه ..
من ناحية الغش و عدم الأمانة

يعني كنت أسمع من قبل و ما أصدق ،، و الكل يحذرنا هنا ..
مسلم ؟؟؟ لا تتعامل معاه ..؟؟؟؟

و للأسف ،،

و زميلتي نفس الشئ استأجرت شقة و صاحبة البيت وحدة عربية و مسلمة ..
ضحكت عليها و سرقت التأمين منها ،، و إلى اليوم ما رجع لها ..
و زميلتي قالت لها ،، اشتكيك لربنا و أخد حقي منك يوم القيامة ( و ما هز فيها شعرة وحدة ؟؟؟ )

و دحين مستأجرة بيتها من انجليزي ،، و تمدح في أمانتهم ..

ماعرف ليه وصلنا للدرجة هذه ؟؟؟؟؟؟

يعني لو مسلم قال لواحد أنا أثق فيك لإنك مسلم و تؤمن بالله ..
تلاقي ممكن الطرف التاني يستغل النقطة هذه ، و يقول مغفل ..



على فكرة ،،
صاحب المكتب بيرسل لنا المفتاح بالبريد المستعجل إن شاء الله ..
و كل كلامه ، خلاص لا تخيبوا ظننا ،، لإنكم عاهدتووا أمام الله و نحن نثق بالله ،،
و زي كذا كلامه ..

يعني الرجال محسن الظن في الله ..

و يمكن بسبب إحسان ظنه بالله ،،
ربي يريد له الخير و إنه يسلم ؟ ما نعرف ..؟؟؟؟
قديم 22-12-2009, 03:08 AM
  #7
GREEN222
VIP
تاريخ التسجيل: Jun 2008
المشاركات: 11,121
GREEN222 غير متصل  
اولا مبارك الشقه وان شاء الله خطوة خير لكم وترجعو بلدكم معززين مكرمين حاملين اعلى الشهادات




اقتباس:
المشاركة الأصلية كتبت بواسطة أنين الدنيا مشاهدة المشاركة
ربنا يوفقك انتى زوجك في دراستكم وترجعوا بلدكم وانتو واخديين أعلى الشهادات

بالنسبة للموضوع لماذا أنتى اللى تعاملتى مع مالك البيت وكلمتيه وين زوجك من كدة

بالنسبة للوعدك مالك االبيت أظن انك تكلمتى بصورة جيدة وأعطيتى صورة جيدة للغرب عن وفاء ء ووعد وتعامل المسلمين مع الغرب


اما حبيبتنا انين بالغربه ما في فرق مين اللي يتعامل نظرة الاجنبي للشخص انه


انسان يتعامل معه وليس انثى او ذكر



انما وبكل اسف اذا تعاملتي مع شخص شرقي وانتي تكلميه يكون نظر لك نظره عرف فيها مقاس ثيابك


ولون عيونك واذا كانو عدسات او طبيعي ,هذا اذا ما سألك مليون سؤال تيعرف تاريخ العائله ومتى تغربتو

ولماذا ,,,, وطبعا مش رح اعمم ولكن هذا هو الواقع وبكل اسف









__________________
http://live.gph.gov.sa/
اللهم اني استودعك اولادي
قديم 22-12-2009, 03:16 AM
  #8
أنين الدنيا
عضو متألق
تاريخ التسجيل: Mar 2008
المشاركات: 1,136
أنين الدنيا غير متصل  
انا ما قصدت شىء انا بس استغربت زوجك جنبك وما اتصرفش وبيخليكى تتصرفي

بالنسبة لكلام خالتى جرين

أضحكتنى والله ع جملة مقاس ثوبك لون عيونك

والله عندك حق الشرقي في الغربة او حتى في بلدى راكبة تاكسي بيسأل ويتكلم كتير حتى عن تاريخ الحياة العائلية من اول جدك الاكبر هههههههههه
__________________
يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني ... لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي

التعديل الأخير تم بواسطة أنين الدنيا ; 22-12-2009 الساعة 03:19 AM
قديم 22-12-2009, 03:18 AM
  #9
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
اقتباس:
المشاركة الأصلية كتبت بواسطة GREEN222 مشاهدة المشاركة
اولا مبارك الشقه وان شاء الله خطوة خير لكم وترجعو بلدكم معززين مكرمين حاملين اعلى الشهادات


اما حبيبتنا انين بالغربه ما في فرق مين اللي يتعامل نظرة الاجنبي للشخص انه


انسان يتعامل معه وليس انثى او ذكر



انما وبكل اسف اذا تعاملتي مع شخص شرقي وانتي تكلميه يكون نظر لك نظره عرف فيها مقاس ثيابك


ولون عيونك واذا كانو عدسات او طبيعي ,هذا اذا ما سألك مليون سؤال تيعرف تاريخ العائله ومتى تغربتو

ولماذا ,,,, وطبعا مش رح اعمم ولكن هذا هو الواقع وبكل اسف








أختي جرين ..

بالفعل ، هذا هو الواقع للأسف

و أضيف على النقطة السابقة ،، كل شئ بيصير معاي من حالي بأحكي لزوجي

عشان كذا دايم يقول أثق فيك و في رأيك


بس مو معناها إني أهمش دوره ، لإنه أحيانا إذا تصرفت من حالي بيزعل مني ..

أعرف بنات أزواجهم من كثرة الغيرة عليهم ،، تتحول للتشكيك في أخلاقهم و التجسس عليهم


بس كذا ، يوم أرجع من الجامعة في الليل ،، زوجي يجي بنفسه عشان ما أرجع لوحدي ..

و الحمد لله ، إنه الشقة هذه بالكثيييير 10 دقايق بالرجول ..

أحس و الله جاتني دعوة

يبغالها سجدة شكر بجددددد ..
قديم 22-12-2009, 03:22 AM
  #10
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
اقتباس:
المشاركة الأصلية كتبت بواسطة أنين الدنيا مشاهدة المشاركة
انا ما قصدت شىء انا بس استغربت زوجك جنبك وما اتصرفش وبيخليكى تتصرفي

بالنسبة لكلام خالتى جرين

أضحكتنى والله ع جملة مقاس ثوبك لون عيونك

والله عندك حق الشرقي في الغربة بيسأل ويتكلم كتير حتى عن تاريخ الحياة العائلية من اول جدك الاكبر هههههههههه

أختي أنين

هو ما كان جنبي ، بس أنا مو مثل الغالية جرين أحكي بالتفصيل كل شئ

هو كان نايم و جاء الإيميل و رديت ( لإنه تعرفي الإنجليز كل شئ بالثانية عندهم و منظمين )

و أنا مواعيدي مرتبطة بالجامعةةة و المشاريع ، يعني لو ما رديت من وقتها ، راح أرد تاني يوم و تروح

الشقة ، بعدين صحي زوجي و حكيت له و أخدت رأيه ، و قال لي كويس ،

بعدين تاني يوم سألني زوجي ( و هو عموما ما يحب التفاصيل و لا يحب الكلام الكثير )

و زي كذا
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:09 AM.


images