اول لازم تعرفو اني عمري 30 ومتزوج وعندي ولد عمرة 3.سنوات ونص والبنت سنة

والمشكلة اني اعاني من زوجتي اللي حبيتها من كل قلبي لكن الاسبوع اللي فات صارت شوية حساسية بيني وبينها

طلعنا للبر مع العيله وانا ما احب طلعات العوائل لانها تروح متعتها في انتبه للعيال الصغار وجيب اغراض نسيوا يجيبوها كوني اخف واحد فيهم وانا دايم اتوهق في الفزعات خصوصا اني الاوامر تجيني من اخوي الكبير اللي هوه زي ابويه لانه رباني بعد ما مات ابوي وانا صغير وصرف علي في دراستي

المهم اني رجعت البيت بالليل طفشان ومتضايق لاني فعلا ما استمتعت بالبر دقيت نزلت زوجتي البيت ودقيت على اصحابي وطلعنا القهوه نشيش وانا في القهوه تجيني مسج من اهل زوجتي انهم يبغوا يطلعوا البريوم الجمهة بعد الصلاه ما رديت عليهم رجعت البيت وكلمت زوجتي قلتها ترى اهلك طالعين بكرة البر تبغي مهاهم بوديك وبرجع البيت لاني تعبان وانا فعلا كنت تعبان فيني زكام عاد هي ما صدقت خبر ولعت في الدنيا انت ما تحب تطلع ما اهلي وانت ما تفكر اللي في نفسك خلاص وانا كمان ما ابغى اروح وزعلت وراحت تنوم العيال وبعد ما ناموا العيال رحت اطيب خاطرها بكلمتين حلوين وكأني اكلم حجر بس كل اللي طلع معاها خلاص روح انا بنام مزاجي مقفل المشكلة انها تقول اني ما افكر فيها اللي اخر الليل وقت اللي انا ابغاها وهذا مو صحيح انا اخذ راحتي معاها اخر الليل لان الجو يكون هادي ونقدر نتكلم براحتنا بعيد عن صجة ولجة العيال وفعلا كل واحد عطا الثاني ظهره ونام وصحيت صلاة الجمعة وصليت ورجعت البيت واقولها حبيبتي يالله تجهزي علشان نطلع البر مع اهلك قالت لا والمهم ومر اليوم كامل ولا تكلمني وكل وقتها مع العيال وانا طز فيني

يوم السبت وانا راجع من الدوام قلت اسويلها مفاجأة واجيبلها شي تحب وفعلا جبتها دونات عشان نجلس ناكله انا وهيه وفعلا جبته وانبسطت وسوقت القهوه وجلسنا علشان نتقهوى انا وهية وفعلا جت ما قصرت بس قعدت مو عشاني عشان تأكل العيال وانا انظرها تاكل هيه مو العيال انسدت نفسي من الدونات سحبت نفسي بهدوء ورحت انام مدري ايش اللي خلاني اطلع من الغرفة واتفاجأ انها قاعدة تأكل لحالها طيب ليه التهميش هذا انا تعبت ومليت










انا اسف طولت عليكم

يا اخي


الموضوع بسيط

وشوية طناش منك وتعامل معها على سجيتك ولا كأنه شيء حصل ويومين ثلاثة و ينحل الموضوع.



لكن تعليق


أخي الشيشة من المحرمات فلا تضيع دينك و صحتك ومالك وحياتك وتضحي بالدنيا و الاخرة لأجل شهوة عابرة و مضرة

فالتزم بدينك و اقترب من الله اكثر ليعينك على التوبة عليها و حافظ على الصلاة في جماعة ليتوب الله عليك من هذا الذنب و البلاء

اخي وسام حياك الله
هذي اشياء عابره في الحياه الزوجيه ولاتعطي صغار الامور اهتمام بس لاتقصر مع عائلتك من ناحية الطلعه كان مو ضروري الزعل من شانها ومع الوقت فهم زوجتك انه لابد من الحوار الهادفوقل لها لاتحسبين بزعلك هذا انه لو صار طلعه ثانيه اني بأطلع على شان خايف تزعلين الزعل عمره مايحل الامور يعقدها
وانت ماشاء الله عليك طيب وزوجتك عارفه من وين تدخل لك وكلامي هذا مااقصد به انك تقسى على زوجتك
بالعكس فهمها الطريقه الصحيحه للتعامل معك وان زوجها وبيتها اهم شيء وانه من اولوياتها

وانت ماقصرت معها ارضيتها اثقل شوي وهي بتقرب لك وخلك على طبيعتك
وقل يله نطلع الجو حلو اذا رفضت خلهاولاتطلبها وقل لها بالصريح بيدك تكوني سهيده وبيدك تكووووووني تعيسه شوفي اللي يريحك وسويه
صحيح اني مرأه بس حركاتهم هذي ترفع ضغطي
وانا انسانه عادله سواء مع المرأه او الرجل
هذا رأيي وادري انه ماراح يعجب الجنس الناعم
دمت سعيد

ليش معصب يا عزيزي

معليش ياخي لازم تعرف ان الحريم حساسات يعني قبلها طالع مع اهلك ويمكن هي ماكانت تبي تطلع وتحملت علشانك رغم انك تتعب بالاغراض والمشاوير بس يعني طالع مع اهلك مو اهلها

ولما جات طلعت اهلها هي انبسطت تبي تطلع مع اهلها وانت تقولها لا ما اقدر

معليش قدر زعلها شوي

خلها تزعل وراضيها ببوكيه ورد اذا ما رضت عااد خلاص انت سويت اللي عليك وخليها الى ما ينطحن الحب اللي براسها

صدقوني انا اخاف ربي واصلي فرضي واحب بيتيى وزجتي واولادي بس ما ادري ايش اقول
صار وقتها للعيال بس
ارسالها رسايل حب وشوق وغرام ولا تفكر ترد ولا حتى تعلق يعني كأني مارسلت شي
اتصل اطمن عليها ترد بكل برود
اعزمها على مطعم ما ترضى
ايش الحل اطنش واذا ما طنشت تقولي انت ماتحبني كله تفكر في نفسك وشغلك بس
اذا قلتها ايش رايك اوديك عند اهلك تغيري جوي عشان نشتاق لبعض تقول انت تبغى تصرفني ما تبغاني اكون معاك
طبعا هذا كله كوم والحنة والزنة كوم


ساعدوني

__________________

سبحان الله.

يعني المشكلة ليست في طلعة البر ولا في الدونات اللي ما رضت تاكله معاك

هناك أمور أخرى تثقل حياتكما معاً .. ولذلك تصبح الحبة قبة وتتضخم المواقف البسيطة وتكبر المشاكل الصغيرة .. وتصبح مسألة البر قضية والدونات الذي أكلته لوحدها وطنشتك مصيبة المصائب!!!!


يا أخي .. اجلس معها وتحدث إليها وبين لها ما يزعجك .. وإن كان وقتها كله للطفلين ـ فهذا أمر طبيعي لأنهما لا يزالان صغيرين ويحتاجان لكثيرِ من المتابعة والرعاية والاهتمام .. وبدلاً من التذمر اعرض عليها بعض المساعدة إن كان ذلك سيخفف انشغالها بهما.



في كل الأحوال .. الحوار الحوار.




نصيحة أخيرة .. إياك يا أخي أن تقترح عليها الذهاب إلى بيت أهلها .. فأنت تظن أنها سترتاح وتغير جو .. وهي ستعتبرها (طردة).

__________________


اللهم طِيبَ الأثر .. وحُسْنَ الرحيل.

زي ماقالت مهره يعني المسأله فيها مسائل



زوجتك هي كذا من اول الزواج؟ والا بس مع العيال؟


عموما صارحها انها متغيره عليك ... وانك محتاج منها مشاعر وحب ... واخوفها قلت والله صرت اغار من اللي حولي حب وغرام مع بعضهم وانتي متغيره علي


يمكن زوجتك تاعبينها العيال خصوصا ان اعمارهم صغيره

يمكن انت مثقل عيار الرومنسيه شوي ... اثقل عليها وجرب

عموما موضوعكم بسيط وسهل وما يخوف ... ولي عوده

قل لها انتي ليش دائما بتسيئي الظن فيني
الموضوع محتاج حزم أكتر من طرفك
و بنحل
هي لما بتشوفك راكض وراها بتتمنع
أما لو طنشت شوي و حرمتها من المسجات برق قلبها و بترسلك
موضوعك بسيط يا أخي لا تجعل من الحبة قبة
و لا تحسسها انك متضايق من وجود الاطفال
اطفالك صغار و تربيتهم بهالعمر صعبة و بتتعب
ممكن زوجتك تكون بتاخد حبوب منع حمل بتجعلها مزاجية احياناً
و هذا حال معظم الامهات
الله بعين
حاول لما تطلعوا مع بعض تتحمل مسؤولية معها في الركض وراء الاطفال و إياك و التذمر من الطلعة معها
لا تقارن بين طلعتك مع عائلتك و أصحابك و اعدل بينهم !!
يعني هي ما بتتركلك الاطفال و بتطلع مع صديقاتها أكيد !!
فاصبر عليها
و اذا تمادت طنشها
الله يصلح بينكم

__________________
.
.

استودعتك أهلي في سوريا يا من لا تضيع ودائعه

اسحب عليها وطنشها

وحتى لو ارجعتلتك تتعذر طنش

روح فلها مع اهلك وخلها تتأدب

اخ سعدون اول رد متهور لك... عادة انت اثقل من كذا

لاحظ في رده الثاني طلع يشتكي من شغلات ثانيه مو بس من هالموقف


هي غلطانه ايه انها كبرتها ولا قبلت اعتذاره يوم يعتذر

بس فيه شي ثاني احنا مانعرفه