أزيكم يا قمرات النهارده قررت اعمل لكم الجدول اللى وعدتكم بيه وانا بعتبره جدول حياتى من غيره أضيع بصراحه كان صعب جدا ارسم جدول بالموضوع او ماعرفتش بصراحه فقلت هعمله لكم بصيغه سهله وانتم تحطوه فى جدول وتطبعوه وتعلقوه عالتلاجه فى المطبخ ، لو اتحط فى أى درج مش هيكون له اى قيمه، قيمته فى أنه قدام عيونك يا قمر . انجازك قدامك تعريف بالجدول الجدول هيتقسم يومى ،اسبوعى، كل اسبوعين ، كل شهر ، كل 6 شهور ،كل سنه اليومى مهام يوميه شامله الاسبوعى حاجات بتتعمل كل اسبوع بس الشهرى حاجات مره بالشهر كل 6 شهور مهام نصف سنويه كل سنه مهام سنويه مره واحده بالعام الجدول اليومى ************** الجدول الاسبوعى*************كل اسبوعين*******كل شهر السبت :حمام كريم للشعر****قراءة نصف جزء من القرآن****لاشىء****ترتيب دواليب الملابس الاحد :ماسك للوجه*************لاشىء ***********تنظيف الثلاجه*****ترتيب دواليب اللعب الاثنين :حنه ( انا بحنى اسبوعى)*********لاشىء **************تنظيف الانتريهات***لاشىء الثلاثاء:حمام كريم او زيت للشعر******غسيل الملابس البيضاء****غسيل الملايات*****لاشىء الاربعاء:ماسك للوجه******غسيل الملابس الملونه**********لاشىء***************تلميع الاحذيه الخميس :حف للشنب والحواجب******جرد الثلاجه****عمل السجاد بالخل والماء****حلاوه الجمعه:حمام مغربى بالبيت*********شراء مستلزمات البيت*****إنهاء جزئين القرآن****لاشىء كل شهر لازم اقرا كتاب جديد ابدايوم 1 واخلصه يوم 30 وكمان هنضيف المهام التاليه: *حسابات البيت (بعمل حسابات شهريه للبيت لانى بعمل قيد لكل مليم بيتصرف وبعمل لهم زى تفنيد عشان اعرف اخر كل شهر اى بند عالى وعالى ليه فى المصروف ،وأخر السنه البنود بقيودها بتكون واضحه واقدر أبدأ السنه الجديده بخطه افضل ) *دفع الاجور(شغاله بواب جناينى ....) *دفع النت *الفيزا*التليفونات*الجوال*الكهرباء*المياه*الغاز*ال جمعيات *الاقساط (هنحط البند وبجواره المبلغ) كل 3 شهور لازم انزل الستاير اغسلها واجرد دواليب المطبخ لو حاجه قدمت او اتكسر حرفها او باظت ارميها دلوقت فيه حاجات بعملها كل 6 شهور *ننزل الصيفى ونشيل الشتوى ونعمل جرد للملابس الصغيره او اللى ما بتتلبسش ونتبرع بيها *زياره طبيبة النساء (كشف عام ) *زيارة طبيبة الاسنان (تنظيف وكشف دورى ) كل عام دفع الزكاه دفع اشتراكات النوادى مصاريف المدرسه وأى اشتراكات سنويه اخرى بكتبها وبكتب تاريخ استحقاقها وبقدمه 15 يوم ومبلغها فيه كمان حاجه مهمه جدا ساعدتنى جدا هنعملها بمثال افترضى ان دخلك 2000 بجيب اظرف واقسمها مثال:ظرف للايجاروبكتب عليه من بره الايجار300 واكتب شهور السنه والمنصرف والمتبقى ظرف مصروفات المدارس (بقسم مصاريف السنه الدراسيه الجايه على 12 شهر فرض انها 6000 يبقى كل شهر لازم اشيل 500 ) ظرف للخروج والرحلات بحط فيه 10% من اجمالى الدخل ظرف للطوارىء برضه 10% من اجمالى الدخل وهكذا ....... الاظرف ميزتها تقنين المنصرف بالاضافه لان دماغك شغاله دايما لايمكن هتصرفى زياده ولا هيبقى عندك عجز بالعكس عندك مظروف الخروج ممكن اخر السنه تلاقى فيه فائض أى التزام سنوى لازم يتم تقسيمه على 12 شهر عشان ما نحسش بالارهاق المادى بس يا حبايبى هى دى حياتى وده تنظيمى لها..... يارب اكون قدرت اوصل لكم طريقتى وتعجبكم

__________________

يسلموووووووووو يا فتوشي ، عندي جدول مهام اسبوعي بس لا اليومي ولا السنوي منظم ، طريقة جميلة وشكلها فعالة .

شكرا يا قمر

ماى ماى
حبيبتى يارب يكون مفيد بالنسبه لك وينظم حياتك يارب
بصى فيه كتاب حلو اوى اسمه كرباج ورا دورى عليه عالنت من دارالعلم للملايين لو لقيتيه خلى بالك من اسم الكاتب وانا هقولك على باقى الكتب هتكون مفيده جدا بالنسبه لك مستنياكى

__________________

ماشاء الله عليكي يا فتوشي
جدول شامل لكل حاجة حنسسخه على وأعدل فيه وأطبعه وكلما أمر عليه حأفتكرك بدعوة
بس لحظة في حاجة عايزة أنبهك عليها

اقتباس:

حف للشنب والحواجب

إن شاء الله تكون زلة ماوس
أكيد عارفة حكم حف الحواجب ...

مرسيه يا أحلى فتوشي حستفيد من جدولك كثير

__________________
ي رب رضاك و الجنة

ألوان ميرسى على مرورك..........

يارب الجدول يكون مفيد فعلا بالنسبه لك

انا اتكلمت فى جدول تنظيم حياه يا لونه ، سيبتى الجدول كله وانتبهتى لدى..............هههههههههههه

__________________

خخخخ
لا وربي أنتبهت لكل حاجة ..
بس استغربت من الشغلة دي
تسلمي حبيبتي وإن شاء الله مازعلتي مني

__________________
ي رب رضاك و الجنة

مااااااااااااااااااااااااااااااااااااااااااااى
ايه الجدول نفعك ....والله الكتاب هيفيدك جدا جدا

الوان لا والله حبيبتى وازعل ليه ؟ كل ست لها ظرفها واحنا فى قسم الكلوركس بتاعنا ده هههههه

__________________

شكرا فتوشي

^_^

ماشاءالله


انا أواجه صعوبة كبيرة في الإنتظام على جدول رغم حاجتي له

وضرووووري أعمل جدول للمصاريف


ياريت انا بعد تقوليلي عن الكتاب ...؟ ما عرفت أقرأ الإسم للإسف




جزاك الله كل خير

__________________
[IMG]http://im2.***********/2011-03-17/1300376250161.gif[/IMG]

طـريقك الشخصي الى الحمـل (1) (2)

يارب يا فلافل، لازم فعلا جدول المصاريف مهم جدا جدا جدا بيوفر ويعرفك بتصرفى فى ايه؟
ده كتاب قصص ماى بتحب القصص وعشان كده قلت لها عليه

لو بتحبى القصص اقولك انتى كمان

__________________

افتكرت كتاب عن التنظيم خخخ


الظاهر محتاجة انام

__________________
[IMG]http://im2.***********/2011-03-17/1300376250161.gif[/IMG]

طـريقك الشخصي الى الحمـل (1) (2)