السلام عليكم انامتزوجةلي ستة شهور واعاني من مشاكل مع زوجي من اتفة الاسباب ودايم يغلط علي ويرمي علي بالفاظ سيئة وانا ارد علية بس ماهو نفس كلامة فارجو منكم المساعدة والحين هو تاركني وراح جدة

انا زوجي طيب ويحبني واحبه بس عيبه اذا زعل يقلب واحد ثاني
يتلفظ علي الفاظ تجرح وارد عليه لانه يقهرني بالفاظه واذا رديت يزعل علي
ويقول انتي ماتحترميني قلت حتى انت ماتحترمني قالي والله اذا ماحترمتيني مكانك يبت اهلك
ودايما يقولي اذا ماغيرتي اسلوبك معي بتخسرين بيتك مع ان اسلوبي معه تمام الا اذا غلط علي ماارضى
خاصه ذي الا يام انا حامل ومااتحمل منه شي وهو عصبي شوي ولسانه طويل
اخر مشكله صارت بينا تركني في السياره وراح يقضي شغله طبعا الطوايق كانت مقفله انكتمت واول مارجع قلت له وينك تاركني انكتمت بس عصب وتخاصمنا غلط علي ورديت عليه وكبرت السالفه لدرجة انه كان بيمد يده بس تراجع بعدين رجعت لاهلي وهو معي هو بيتركني عند اهلي لانه عنده مهمه في مدينه ثانيه بس اسبوع يجيني واسبوع يسافر المهم رجعني لاهلي وانتهى الموضوع تصالحنا بس الظاهر هو باقي شايل علي ماسامحني بعدها سافر وماكلمني الا مره مكالمه عاديه ولما جت اجازته ذا الاسبوع على اساس انه يجيني بس ماجاء ادق على جواله مغلق بعدين عرفت انه في جده وانا كنت باموت من الرعبه على بالي صار له شي بس حضرته طلع مسافر على جده ماادري ايش اسوي اخاف يتركني وفي نفس الوقت ابغى اسلوبه يتعدل
معي ويحترمني كيف اخليه يحترمني
انا سمعت عن منتداكم وقلت اكيد ماراح يساعدني بعد الله غيركم

اهلا وسهلا اختي
اتمنى تفصلين الموضوع
وتذكرين المشكله الي بينك انتي وزوجك بالتفصيل
حتى يتمكن الاعضاء المتزوجين من مساعدتك
الله ييسر امورك ويهدي لك زوجك

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

ممكن توضحين أكثر؟؟!

__________________
أشتقت لكم جداً 💔

عليكم السلام والرحمة

نصيحتي لكِ لما يعصب لاتتراددين معه بالكلام

خليه يتكلم ويقول اللي يبي لما يشوفك ساكتة ومارديتي بينتبه لنفسه ويحس بأنه غلط بحقك

وبكذا يسهل عليكم التسامح لأنه شي صعب إنه مشاكلكم تصير بسبب كلمة بسيطة وتكبر وتكبر

وإنتِ مو ناقصة حامل ولازم ترتاح اعصابك

حاولي بتعديل نفسك وقت الزعل ومع مرور الأيام راح يشوف تغيرك ويتغير هو بإذن الله

إنتم لازلتم ببداية حياتكم والمفروض الآن تكون حياتكم تأسيسيه لمستقبلكم

بمعنى تحاولين تفهمين طبعه والأشياء اللي يحبها واللي يكرهها علشان تحددين نمط التعامل معه

وتكسبينه

بقولك نصيحة خليها في بالك دائماً : أغلب الرجال حليمين يعني يصبر ويصبر ويتغاضى لكن ممكن يجيك مره

وينفجر البركان الخامد ويتغير كل شي لذلك لاتقولين يحبني مايقدر يفرط فيني لأنه إذا وصلت معه راح تخسرينه

وتخسرين راحتك إنتِ في بيتك وإنتِ أكبد عاقلة وماتبين تخسرين حياتك

تسامحي معه وتغاضي عن الهفوات ولاتستسلمي لوساوس الشيطان لأنه هدفه يخرب بيتك عند كل غضب مع زوجك

حاولي تكونين هاديه وتضبطين اعصابك وانفعالاتك صحيح في البداية صعبة لكن مع التعود كل شي يصير أفضل

وتأكدي كل جهد تبذلينه في التعامل الطيب مع زوجك راح يثمر فيه ( طبعاً لو كان ذو شخصية متزنة وفاهم وعاقل )

وراح ينعكس على سعادة حياتك وأطفالك مستقبلاً

الآن اتركيه ولاتضغطين عليه بالإستجواب ليه وكيف وووو ؟

خليه ياخذ وقت استرخاء ويفكر وراح يرجع يكلمك بعد مايهدأ تكلمي معه بهدوء وبيني له مكانته وإنك كنتي خايفه عليه

وكلام طيب ولاتسترجعين اللي صار وتفتحين باب نقاش باللي صار

والله يوفقكم ..

اللي مثل زوجك ، الرد عليه ما ينفع

بس ردي عليه بطريقة تانية

مثلا شتم و سب ، طالعي فيه و قولي حبيبي إيش فيك ؟؟؟

يعني الكلام الحلو يسكته ، بس الرد عليه يزيده عناد

مشكورة على نصائحكم لكن يااخوات انااحس احيان اذاسكت انة يتمادا في الكلام وفي الاجازة هذي كان يكلمني بس ماهي نفس اسلوبة الي اعرفة ولما اخذ اجازتة دقيت علية علشان اشوف بيجي ولا لا لقيتة انتظار بعدين رجع دق علي وقال انة لما يجي راح يتصل فيني وسال عن امي وابي موجدين ولالا لانة اخر مشكلة غلط على امي وابي لعني ولعن اهلي بعدين سكرنا الخط بعدين انتظرتة ومااتصل فاتصل فية مقفل جوالة لحد الحين بعدين طنشتة ماصرت اتصل فية بس ماادري تصرفي هذا صح ولالا بعدين تتوقعون بيكلم ويسال ولا بيطنش بالمرة انصحوني جزاكم اللة الف خير

ليش تردي عليه ؟

لسانه طويل , مو مشكله خليه يغلط ويقول كل اللي بخاطره

وبالمقابل اذا غلط عليك قوليله الله يسامحك , لاتردي عليه

طنشيه مره وحده وامسكي لسانك منه

صدقيني بيتعدل معك

زوجك باين عليه من النوع العصبي اللي مايبغى احد حتى يطالع فيه فما بالك بالغلط عليه

خليك انتي العاقله وصدقيني راح تتحسن حياتكم للأحسن ,,

الله يهديكم ويسعدكم ويوفقكم يارب ويرده لك بالسلامه من جده

__________________

بالعكس اسكتي وطنشي حتى اذا تمادى بعدها لما يشوفك ساكته وماتتلفظين عليه بيهدى ويسكت واذا رضيتي بعدين تكلمي معه ليش اسلوبك معي كذا اذا زعلت قولي ترى كلامك يجرحني امسك لسانك شوي اذا عصبت ومع الايام ان شاء الله بيتعدل
اما سؤاله عن امك وابوك غريب ماادري ليش سال لعن اهلك اكيد تمادى وعصب لانك رديتي عليه لاعاد تردين عليه اذا سب عشان لسانه طويل وراح يغلط اكثر اذا رديتي الله يعينك لازم تتحملين
ونصيحه لاعاد تدقين عليه ابد خليه فتره بيحس بغلظه وبيتصل
الله يهديه ويصلحه لك ويصبرك ان شاء الله

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

ان الله لا يغير ما بقوم حتى يغيروا ما بأنفسهم ..

اختي اعلمي اذا فقد الاحترام بين الزوجين فان حياتهم تتدمر ..

اختي اول شي لا تتصرفي بتصرفات تغضب زوجك .. حاولي انك تفهمي زوجك ..

يعدين اذا زوجك عصب انت الزمي الهدوء و لا تردي عليه .. في بعض الرجال اذا عصب يبغى زوجته

تقف مكانها لحد ما يخلص كلامه بعدين تمشي وهي ساكته ..

و بعضهم اذا عصب و تركته زوجته حتى لا تسمع ما يقول يضطر انه يسكت ..

انت زوجك من اي نوع ؟؟

يعد ما يهدأ زوجك اعملي له كاس عصير و اجلس بكل هدوء وقولي له اريد ان اتكم معك في الموضوع

ان قًبًل تكلمي بكل رقه و هدوء و قولي له العصبيه و عدم الاحترام المتبادل بيننا لازم نشوف له حل

الازواج يصير بينهم خلافات لكن ما في احد منهم يتطاول على الاخر و يجرحه ..

اما اذا رفض ان يتكلم في الموضوع اعطيه وقت محدد و قولي له سوف اتركك الي بكره و من ثم يجب

ان نتكلم في الموضوع مو معقول كل مره تصير بيننا مشكله ننهيها دون ان نحلها من جذورها حتى ما

تتكرر مره اخرى ..

اختي انت ايضا امسكي اعصابك و تعاملي مع زوجك بكل رقي و احترام ..

معلش اخت اميرات عجبني ردك وما عرفت الا ما اعلق ، ولكن لي ملاحظة صغيرة ان هذا التصرف هناك من تقدر عليه وهناك من لا تقدر ، أنا من الناس التي تتمنى ان يكون عندها ضبط نفس وأن اتصرف بهذا الشكل من هدوء أعصاب ، ولكني صدقا لا استطيع ولا اطيق ان اصبر على الاهانة في وقتها ، لكن بعد أن اهدأ اتمكن من الحوار المتزن الذي ذكرتي.

يعني النساء لسن طبع وقدرات واحدة هناك من تمتلك الذكاء العاطفي لتتصرف كما تفضلتي وهناك من تغلبها عصبيتها، فما هو الحل ان كانت الاخت ممن لا يتمالك اعصابه وقت المشاحنة او عند سماعها الاهانة ؟؟