بسم الله الرحمن الرحيم

انا عندي مشكله وابي رأي ونصيحه كل واحد منكم ولاتبخلون علي :

انا متزوج لي اربع سنوات من بنت عمي كانت مخطوبه لي من زمان تزوجنا

بعد ثمان شهور من زواحنا عرفتي اني عقيم قلتلها نطلق قالت لا والعيال لو مو منك انا مابيهم (مانسيت كلامها)

المهم عشت معها اربع سنوات عشنا ما ابالغ ان قلت اسعد اثنين و بنت الحلال بحياتها مافتحتني بموضوع

العيال ولا رفعت صوتها علي حتى لما تروح لاهلي وخواتي الله يهديهم انتم عارفين غيره البنات الله يشهد

انها بحياتها ماقالت لي شي بس عشان ماتضيق صدري وكل حقوقي معطتني اياهم وماينقصني شي

المشكله هي

انا كنت راجع من الدوام معصب وهي الله يهديها نرفزتني بالاسئله شفيك شلي مضايقك عصبتني زياده

وماقدرت امسك اعصابي (عطيتها كف ) انا طلعت فوق للغرفه نزلت مالقيتها راحت لاهلها وكانت حاطتلي

الغدا (ويلومني فيها ) رحت لاهلها العشا تفاجات انها ماقالت لاهلها شي ولاكأن بينا شي رجعتها معي

بس من يوم مارجعتها وهي تخاف مني بقوه اذا جلست جنبها بكت طلعتها مطعم نتعشى جبتلها هديه

بس مافيه فايده من بكرا العصر زدت الطين بله وصارخت عليها بقووه لانها تاخرت ماصحتني هي بكت

ولا ادري شسوي تعبت ابيها ترضى (برغم من كل هذا ما قالت ولا راحت لاهلها) كنت ابي اقول لاخوي الكبير

بس بيقول بنت عمك ويتيمه وليش تضربها وانا مابي اكبر الموضوع داكها هي ما كبرته

والله العظيم تعبت ابي حل ابي رايكم ونصيحتكم

ملاحظه نسي اقولها :هي من الاساس شخصيتها ضعيفه وعلى طول تبكي مثلا (لو اقول بصراخ وين الغدا على طول

بكت ماتحمل شي ) لاتبخلون علي بردودكم

والله انا مستعجله بطلع بس نصيحه ع السريع زوجتك خااااااااف الله فيهاااااااا

مو عشان ضعفها تستقوي عليها..........

والله يهديك زوجتك كسرت خاطري الله يهديييييك...

__________________

الظاهر اخي الله يهديك انك تبي تطفشها منك بأسرع وقت

لان سكوتها على ما اظن ماراح يدوم

وانت تستغل هالضعف والسكوت هذا

ولو ما تحكمت بعصبيتك اللي مالها اي مبرر ربنا راح يعوض صبرها بزوج تاني يعرف قيمتها زين

وما في احد بيخسر غيرك انت

لان اللي هي متحملاه ثق واتأكد مافي امرأة تانية تتحمله

وعليكم السلام ورحمة الله وبركاته




بصراحة يااخوي انت طبقت المثل (ضربني وبكى سبقني واشتكى)

الان من اللي المفروض يكبر الموضوع انت ولا هي؟؟


ومين اللي تعب أنت ولاهي ؟؟


الله يهديك ويصلحك بس الظاهر مابترتاح إلا لما تشتكيك وتفضحك وأخرتها تجري تدور رضاها وتستسمح من أهلها عندها بتعرف أن الله حق وتعرف قيمة زوجتك.







كلام عين العقل الله يسعدك











أخوي ربنا أكرمك بجوهرة ثمينة فأكرمها قبل ماتفقدها ويرزقها ربي باللي يعرف قيمتها.

__________________

منور الموضوع بوجودكم

بس حبيت اقول اني استحاله ابي اطفشها مني لانها باختصار عيوني اللي اشوف فيهم

بس هي لحظه غضب مو اكثر بس هي كمان مكبره الموضوع شوي يعني انا اعتذرت المفروض خلاص

اخي زوجتك درة مصونة حباك بها المولى والاهم محافظة على اسرار بيتها
يا ريت تحاول تخفف من حدة طبعك وتكسر حاجز الخوف اللي تعاني منه زوجتك
وفقكما الله لما يحب ويرضى

__________________

تعبت من كثر ماتضربها ولا من كثر ماتخوف هالمسكينة
هذا وانت ولد عمها
المفروض سندها وتعطيها الامان
اجل لو كانت هاليتيمة غريبة وش بتسوي فيها اكثر

يقولون المكتوب باين من عنوانه وانت شخصيتك باينه في توقيعك

بس هي لحظه غضب مو اكثر بس هي كمان مكبره الموضوع شوي يعني انا اعتذرت المفروض خلاص

يعني كمان تحط أعذار لنفسك ؟؟؟؟؟؟؟؟؟؟

من شخصيتك معها و أسلوبك، أتوقع لو إنها عقيم كنت تركتها من أول يوم ؟؟؟؟؟؟


زوجتك جات تسألك و تاخد بخاطرك ، ما جات تعصب و تتنرفز عليك


لا تستغل طيبتها ، حتى لا تقلب بيوم و تفكر بعقلها و تعرف إنه مافي شئ مثل عاطفة الأمومة اللي هي محرومة منها

ضربك لها على وجهها صدمة كبيرة
و طالما هي ما كبرت الموضوع فهي لسا بقلبها ما نسيت
تحتاج وقت طويل حتى تنسى الاساءة
اصبر .. و اصبر .. و اصبر
الزمن ان شاء الله كفيل بنسيانها و حل المشكلة (بشرط ما تتكرر)

__________________
.
.

استودعتك أهلي في سوريا يا من لا تضيع ودائعه

هلا اختي منوره الموضوع

انا بحياتي ماضربتها اربع سنوات اول مره امد يدي عليها

وهي كانت لحظه غضب مو اكثر وانا اعتذرتلها بس هي شكلها مشتهيه المشاكل