السلام عليكم ورحمة الله وبركاته

طبعا ماننكر حياة المرأة بعد الولادة كيف تكون ولأني عانييييت جدا في المسالة هذه وصابني اكتئاب شديد لعدم الراحة وتشتت التفكير بين شغل البيت والزوج والطفل الصغير اللي مايرحم فحبيت اكتب اسئلة من خلالها ناخذ خبرات من اللي عندها تجربة ناجحة او فكرة فاتدتها في اصعب فترة على المراة
1/ عند عودتك من النفاس من عند اهلك أو كنت في منزلك فترة نفاسك كيف يكون شكل البيت وسخ مرة او زوجك ينظفه لك وطبعا عارفين نظافة الرجال مو قد كذا ؟

__________________
اللهم لك الحمد حمدا كثيرا

وعليكمـ السلاام وصباحكم بطعم التوفي
بجاوب ع الاسئله بالترتيب التالي :

2/هل تعملين ترتيبات معينة قبل ولادتك وتنظيفات عميقة للبيت ام انك تحضرين خادمة تنظفلك ؟
نعم عملت تنظيفات عميقه جدا ً .. وبما إني كنت تعبانه جداً وحملي كان من النوع العزيز أحضرت خادمه تكرف
أنا نظفت غرفة النوم فقط وبالقوه
1/ عند عودتك من النفاس من عند اهلك أو كنت في منزلك فترة نفاسك كيف يكون شكل البيت وسخ مرة او زوجك ينظفه لك وطبعا عارفين نظافة الرجال مو قد كذا ؟
طبعا أكيد البيت بتكركب ويتوسخ وعن نفسي ما أحب أدخل بيتي وسخ وصارحت زوجي بهالشي وجلست احمسه اني بعد الولاده عروسه جديده وبدخل وفي يدي برضوو عروسه جديده ع البيت فلازم نقبل على بيت يليق بمقام العرايس
انبسط بكلامي وفجاب شغالة أهله مع اخته ونظفت الشغاله لي البيت ما عدا غرفة النوم هو نظفها بنفسه وما شاء الله تنظيفه لها وترتيبه أفضل مما توقعت انشرح صدري لما دخلتها الله يبارك لي فيه
طبعا ً أنا مقنعته من أول ان غرفة النوم عيب أحد يشوفها او يدخلها غيرنا ..
3/كيف تنظفين منزلك وانتي مازلت تعبانة وسهرانة والنفسية طبعا مو مقصرة تهد الحيل وكيف توفقين بينه وبين الطبخ والعيال والزوج والاهتمام بنفسك ام لاااااابد وحطي تحتها مليون خط ان يكون هناك اهمال في جوانب وتقولين لنفسك صحتي وراحتي اهم والنظافة لااحقين عليها بعد مارتاح شوي ويكبر النونو واصير انام ؟
يختلف اذا كان بكريه او غير بكريه
يختلف لو كان النونو من النوع الهادي او الصياح طول الوقت
عن نفسي بكريه وجسمي كان مفكك والنونو طول الوقت بكا وصراخ لدرجة الجارات يجون عندي يطمنون يقولون نسمع الصوت من الدريشه يقطع القلب فطلبت من زوجي ان يراقبني يوم كامل ويشوف وضعي ويامرني ايش اسوي وكل اشوي اقوله أترك النونو وأسوي كذا أو اقوم بالنونو
فيقول طبعا النونو أهم خلاص عذرتك متى ما قدرتي تشتغلي اشتغلي
فجاتني راحه نفسيه اني قدمت اعتذاري فشي مالي طاقه فيه وانه عذرني بنفس راضيه ومقتنعه
طبعا ما قدرت اعتني بنفسي إلابعد الشهر الثالث وما قدرت اقوم بكامل شغل البيت إلا بعد الشهر الرابع
4/الى اي مدى تغيرت حياتك بعد الولادة اقصد هل اصبحت ملخبطة بشكل كبير وكنت متوقعة هالشئ ولا انصدمتي بالواقع؟
التغير في حياتي كان بشكل كبير من الناحيه الجسمانيه والنفسيه والنوم والاكل والعاطفه وانقطعت عن الزيارات والعزايم هالخمس شهور الحقيقه انصدمت ان التربيه صعبه لكني اشوف نفسي أهل لها باذن الله بعد الاستعانه به
5/متى ترجعين تستعيدين قواك ونشاطك وتلفين بالبيت مثل ماكنت وموفقة بين الكل ؟
يختلف من وحده الى وحده اخرى حسب القوه الجسمانيه وطريقة الولاده طبيعي سهل او معسر أو قيصري أو طلق طبيعي ولا صناعي وكذالك حسب لو كانت الوحده قريبه من اهلها او بعيده
فعن نفسي (انملعت) بالولاده ولا قدرت اشيل اثقل من النونو وكم مره (تمرخت) وبعدها تقويت تدريجيا ً
تقريبا رجعت حياتي بعد الشهر الرابع

شكرا ع الموضوع

__________________
استغفر الله الذي لا إلاه إلا هو الحي القيوم و أتوب إليه

تسلمي ياعسل على ردك الواضح وجبرتي بخاطري ماحد رد غيرك مع اني اشوف الموضوع مهم ونساعد بعض فيه الله يعطيك العافية

__________________
اللهم لك الحمد حمدا كثيرا

الله يعين اللي ساكنة بغربة مثلي ماعندي احد يساعدني
ياريت اللي ساكنات بالغربة يعلمونا كيف عملو مع الوضع الجديد اكيد عندهم افكار ساعدتهم

__________________
اللهم لك الحمد حمدا كثيرا

تحياتي

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

يسلمو دلوعة الغلا طيب تنظيفاتك تكون سطحية ولا عميقة لان البيت زي ماقلتي يكون غبار والحمام بني من الوسخ والارض ترااااب الشغلة يبيلها دعك مو اي كلام

__________________
اللهم لك الحمد حمدا كثيرا

اي تنظيف تقصدي اللي بعد ما رجعت


اكيد بتكون عميقه بس احاول قد مااقدر مااتعب نفسي
يعني اول شي انظف تنظيف سطحي بعدين كل يوم ابدا بغرفه وانظف كل شي فيها طبعا تنظيف عميق لين اخلص البيت كله

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

طيـ القلب ـب ..
بما انكـ صاحبة الموضوع
فـ جاوبي عن نفسكـ

__________________
استغفر الله الذي لا إلاه إلا هو الحي القيوم و أتوب إليه

__________________
اللهم لك الحمد حمدا كثيرا

اول كانت اجسام حرمنا اقوى واصح من اجسامنا الحين لكن كانت عندهم حالات وفايات المواليد أكثر لان ما كان فيه تقدم بالطب مثل الحين
الحين سبحان الله العكس .. الحمدلله حالات وفايات المواليد قلت بشكل كبير لكن احنا اجسامنا ضعيفه
انا من النعومه الزايده << الحمدلله والشكر الله لا يبليكمـ
قبل اتززوج كنت اقول لاصغر خواتي بسادس ابتدائي دفيني وانا احاول اصدك ابي اشوف مدى قوتي
تصدقين دفتني وطيحتني وقالت اسفه انتي طلبتي
وبالنسبه لزوجكـ ع حسب ما تعودينه يكون .. والحمدلله انه يشيل كاسه يعني فيه أمل
بالنسبه لي ما أقوله يسوي شئ .. عيب اصلا ..
لكن اسلوبي هو : إني ادلع نفسي ثم أطلب منه

__________________
استغفر الله الذي لا إلاه إلا هو الحي القيوم و أتوب إليه