السلام عليكم احبابي
معلش من مووضوع التدخين الي للحين ماخلصنا منه ابدخلكم في موضوع اخر وهو مزعجني كثير
حبي لزوجي يتضاعف يوم عن يوم احس اني اعشقه واعشق كل حركاته واناظره وانا اتلذذ فيه بعد ماكان هذا حاله معي في البداية فهو من كان يتلذذ بي ولكن انقلبت الاية سبحان مغير الاحوال
احيانا عند معاشرته لي تنزل دمعتي واخاف اني افقد كل هذا بيوم من الايام يجيني الشعور بالخوف
وهو يطالع بالتلفزيون اجلس اناظر فيه وكاني لاول مرة اشوفه واحس انه مستانس بالي قاعدة اسويه معه بس والله اني اتعذب كثير وماصرت اتصرف بحرية قدامه اخاف يطالع فيني اي شى مايعجبه واتفشل
مدري سالفة داخلة فيها عدم الثقة بالنفس وهذا ماصارلي معه مؤخرا
غيرت لون شعري وحسيت انه ماطلع علي حلو وابغى اغيره مرة ثانية وابغى اصير الاجمل والاحلى وجالسة اسوي مجهود كل يوم عشان يشوفني بطريقة مختلفة عن اليوم الي طاف يعني قبل كنت اتانق لكن بدون تكلفة وهذا شى برضه متعبني
ابغى لكل من لها او له خبرة يساعدني هل الرجل يحب الحرمة الي تعشقه زيادة عن اللزوم وماذا يحس فيه ؟ هل المراة لمن تتغلى ويكون صعب الوصول لها بسهولة وان كان زوجها يكون لها طعم ولا اذا صارت تحت امر زوجها بكل شى يمل ويحس بالطفش اتمنى تفهمون وش اقصده
زوجي قل شوقه لي مو مثل اول هل عشاني بينت له الغلا الي شق صدري صار كذا ؟
وكيف ارجع لشموخي مثل اول وانا اعشق كل حركة يسويها وماتمالك نفسي الا وانا رامية نفسي عليه
حتى بالسيارة ماتمالك نفسي واحيانا اجلس ابوس يده وان مامسك يدي احس اني يتمية بدونها
انا خايفة وربي على نفسي من هالشعور ابي اصير عادية بس كيف اخبي حبي الدفين والله الشوق فضحني