السلام عليكم ورحمة الله وبركاته

اشكركم ع المنتدى الرااائع والله يعطيكم العاافيه ياارب

بصرااااحه مدري كيف ابد


عندي مشكله بالنسبه لي كبييييييره ومعذبتني انا واهلي
اخووووووي مجنن العايله كلها عمره 17 مرااااهق ماقلنا شي بس وربي مايمر يوم الي مسوي مشاكل مع العايله مرررره
امي وابوي تعبو معه جربو كل الطرق معه ...اهو في ثاني ثانوي وفي الترم الاول جاب معدل حلو والترم الثاني صار معاد يروح المدرسه
غيابتاه كثيره وراح ابوي المدرسه وكانت في مشكله بينه وبين المرشد وحلها ابوي وماتعدل بالعكس زاد يروح يومين بالاسبوع والباقي غياب
ومايهمه شي وامي تقومه مايقووم يسوي نفسه نايم وتهاوشه وتزعل عليه مايهمه وابوي برضو نفس الشي
والصلاة شي ثاني يجمع الصلاوات ومايفكر الا بنفسه وسعاده بس يروح يسهر مع ربعه ويسفه امي وابوي يدقون عليه الساعه مثلا
11 الليل يقولهم خلاص انا في الطريق جاي يدخل البيت 1ونصف او 2 الليل تخيلوا والله لو مسافر هذا الخميس والجمعه اما بأيام
الاسبوع يدخل البيت 12 ونصف او 1 وينام متأخر ويروح المدرسه ع كيفه الساعه 7 ونصف ع كيفه ماخذ الدنيا وغير انه يأخر اخوي الثاني مايفكر فيه
يتعاقب اخوي الثاني بسبب تأخره وهو مافكر فيه المشكله ان قلبه حنووووون دمعه ادنى شي ينزلها بس مادري ايش يفكر فيه
مره امي زعلت عليه وجات عندي وتبكي حطو 100 خط ع تبكي وتقولي لو يموت الحين وربي مايهمني واحسن ماعلي منه
انا تعبت من شفت دمعتها ورحت عنده وتكلمت معه وقلت امي تبكي والسبب انت وربي ياناس قام يبكي قدامي قال خلاص ابتغير وانا وانا
وطلعت وربي ياناس كأني ماتكلمت اهو كذا ابد تجلس معه تقولون خلالاص ماشاء الله بيتغير 180 درجه وربي يزيد
انا اخاف امي وابوي يصير فيهم شي بسببه
واحيان يزعل ويقول كلام مدري من وين يجيبه ودايم يحط نفسه اهو المظلووم واحنا الي ظالمينه واحيان يفكر يهرب من البيت
المشكله ان اصدقائه جيرانا وماشاء الله جيرانا وحلوه اخلاقهم اهو بمعنى الكلمه معنى ومع امي وابوي سيئ الاخلالالالاق وماعنده احترام
وغير ان جواله الصور الي فيه كلهاااا خكاريه واهو بعد شكله وربي صاير خكري الشعر طوول ومقرف والله وغير كذا اذا اجتمعوا اولاد عمي
مع اخوي الثانيه يتكره لوحده مع الاولاد ويروح لربعه ومايقدر ان فيه اولاد كبره وبنفس سنه عند اخوي الثاني مافكره فيهم اهم شي سعاده مع ربعه
وبعد احيان نقوله ودنا عند خالتي يقول كيف اوديكم وارجع اتأخر ع ربعي والله شي يقهر غير كذا ابوي يقوله مثلا روح جيب اغراض البيت
يقول قول لاخوي الي اصغر منه احيان يكون اخوي الصغير موموجود فيضطر ابوي يروح اهو مافكر عادي عنده ابوي يروح نقوله عيب عليك
يقول عند شغل ع النت ياليت شغل في فايده له كل وقت ع ترافياااان ولابعد اذا زعل يفصل المودم ويشيله عنده مثلا احنا موقتين
لكل شخص وقت ع الجهاز طبعا اهو الظهر وبعد صلاة العشاء هذا دايم وقته انا العصر واخوي الصغير المغرب احيان اهو يجلس العصر واجي
انا ابغى الجهاز يعصب ورفض انا جاي قبلك طيب وقتي مايفكر ماعليه مني اجلس اتهاوش معه يفصل المدوم يروح ويسع صدره مع ربعه
وانا جالسه بحسرتي وكاتمه حرتي علشان خاطر امي وربي لو نعطيه كل الوقت ع النت اهو مايعطينا دقيقه وحده من وقته
بصرررااااحه تعبنا حييييييييييل وصار تفكير العايله كلها فيه ابغى حل تكفون اشي اسوي معه


انتظر حلولكم



تحيتي لكم

امك الله يهديها غلطانه فيه وحده تتمنى موت ولدها من هالامور؟؟؟

لازم يصير عندكم صبر وحنكه وتحمل وقدره

كل البيوت فيها مشاكل

وكل الناس يغلطون

وكثير يتغيرون

اصبرو وبيصير ابر واحد فيكم بااذن الله وقولي ماقالت بنت ناس

بس انتم حاولو تشغلونه بوظيفه حي الله تشغله شوي بس تكون سمعتها حلوه

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

اهلين اختي بنت ناس

امي ماغلطت وربي جننها كل ليله تنام واهي معصبه منه ومايسمع كلامها

وطنشها مع انها شيديده معه

ادري ياقلبي البيوت كلها مشاكل انا طرحت مشكلتي هنا ابغى حل معها لان كل الحلووول جربناها معه


حتى لو فكرنا بوظيفه مين الي بيوظفه واهو باقي بالثانوي ياقلبي وانا اتحداك اذا اخوي داوم فيها

بينام ويخليها ومايفكر ابد مايهمه احد

تحيتي

وئام ياروحي

انتي مثلا روحي له يوم من الايام
وحاولي تتفاهمين معه

قولي له انت الحين كبير واهلي بحاجة لك ووو....الخ
لان اخوك بسن مراهقة
ماينفع معهم اللي بهالسن لاهواش ولا زعل

ماينفع معهم الا التفاهم
بس انتم اصبروا وادعو له بالهداية
والله يهديه ان شاء الله ويخليه لكم

الله يكون بعونكم..

خلي ابوك يجلس معه يتفاهم معه يشوف في ايش يفكر..

ليش هو كذا؟؟؟

مع مين يجلس بالمدرسه بالشارع؟؟


الله يصبركم

تعرفي وين المشكلة اختي؟؟

بشدة امك عليه!! الأم عليها ان تكون الحنونة في البيت المتفهمة الدفاع عن أولادها الصديقة الناصحة
لأولادها وليس المأدبة لأولادها بالشدة!

تعرفي وين الحل اختي؟؟؟
عند أبوه!! لازم يحزم عليه، يشد عليه، يربيه، يشد لدرجة انو يطلب من امه النجدة! كذا عنده خوف في
حياته و لذلك يتعدل غصبا عنه. أبوووه هو الراعي، أمك تلعب دور و لكن سبق و قلت ما دورها. أنت ذكرت
كثيرا امك امك امك! و لم تذكري أبوك! عليه أن يلعب دور الأب و مستحيل ابن ١٧ يقف في وجه رجال!!! إلا
اذا ما كان رجال!!!

أمك تعبت كثيييير تعرفي لماذا؟ لأنها تحاول تقوم بدور الرجال و الولد عارف انو هي امه فقط و لا يخاف امرأة فهي امه فقط
للتطنيش و ليس لسماع كلمتها. فأولا على الأب ان يقف على رجليه كالراجل. ثانيا على الأب أن يفرض
احترام الولد لأبيه و من ثم احترام الولد لأمه و كذا كذا يضع قاعدة صلبة و قوانين.
أما بكلامك انت معه و امك و ابوك ووو فلن يعدل نفسه لأنه ما في قاعدة. لا يخاف أحدا منكم.
هذه القاعدة عليها ان تكون فيها ترغيب و ترهيب، عقاب و ثواب، اساسيات للتربية! من ثم فرضهم عليه و
العمل بالعقاب ما اذا خالف أو الجزاء ما اذا بر والديه.

في سبيل الميثال: حين ما قال انا جاي على الطريق و تأخر الى ١ او ٢ في نص اليل، على الأب أن يحبسه
في البيت لمدة ثلاثة أيام بدون لعب ووووو و من بعد ما يضعف بعناده و يبدي احترامه يفك اسره بشروط. و
ان فعلها مرة ثانية فيحبسه ٤ ايام ....الخ... كذا يتعدل غصبا عنه. و حين ما يحترم اهله بأقواله و أفعاله
فيجزوه بشئ ما!!! أما انو مونة عليه من والده كمان ما في ؟؟؟؟؟

هذه هي الطريقة للتعامل مع هذا العمر اذا خرج عن السيطرة. و هكذا لازم تكون المعاملة في كل شئ
معه. و لكن والدك الله يهديه عليه أن يلعب دوره كراعي للبيت و مسؤول!!! القوة تتكلم اذا كانت الكلمة
تفشل و لكن للأسف كان عليهم ان ينتبهوا بدري من فترة قبل سن المراهقة و يعلمونه بالكلمة ان يسمع
الكلام. فالآن هم يحصدوا الله يعينهم اهلك.

عندي خال كذا بالضبط، زوجته هي الشديدة على ابنها. و ابنها لا يفقه من العلم الا القليل و سلوكه قريب
للصفر و يعاند و يضيع وقته وووو نفس أخوك. حين ما سألت خالي لماذا أنت كذا مخمول؟ قال كنت أشد
عليه الى ان هرب من المنزل فتراخيت معه من حينها!!! يعني خلاص اما انطخها و اما نكسر مخها!!! غلط!
علينا بالإعتدال.

عندي كتب انصح أهلك أن يقرأوها كي يتعلموا كيف بالضبط عليهم ان يتعاملوا مع اولادهم على حسب
التربية النبوية.
أولهم : كيف تربي أبناؤك في هذا العصر ، و الثاني: التربية النبوية للطفل.
من هنا تجدين الحل بإذن الله. كله تعاليم النبي صلى الله عليه و سلم. متى تكوني شديدة و متى تكوني
لينة و متى تقولي لا للطفل و متى تقولي نعم. و من يلعب دور ماذا ..الخ

التربية علم واسع علينا ان نتعلم حاجتنا منه و ليس مهارة نرثها من أهلنا!
الحل لا يكمن في ليلة و ضحاها. الحل يحتاج دراسة أهلك لأساليب التربية الصحيحة حتى تكون النتائج
صحيحة.
احكي لنا اذ تحتاجين شئ. النت فيه الكثير عن التربية.
بوركتي انتي على تعاطفك مع وضع أهلك ألله يحفظهم من كل شر و ان شاء الله تجدون الحل العاجل.

مرحبا اختي كلي حلآ

رحت له ياقلبي قلت فوق بالموضوع وكلمة
وربي مافاد معه

الله يهديه ياااااااااااااارب




مرحبا اختي راقصه على جثته

ياقلبي ابوي بعيد عنا حييييل

الله يهديه ياااااااااااااارب


مرحبا اخي mzeitoun

اولا شي امي اهي القريبه منا غير عن ابوي انساان بعيد عنا حيييل
ابوي تفكيره يختلف عن تفكير اخواني ابوي مايراعي تفكير الجيل ابد يبغى اخواني زيه في الجيل هذا غير
ثاني شي اخوي 17 تغير حييل علينا صار شرير بزياده بعد ماسافر اخوي الكبير لدراسه بالخارج لان اخوي الكبير شديد معه
انا معك ان ابوي اهو المفروض يتحرك لكن ابوي الله يهديه يشد يوم ويرخي سنه بعد صعب انه ينحبس بالبيت اهو ولد اهو بعض الاوقات
يقول ترى بطلع من البيت وماراح ارجع اذا انحبس والله راح يهرب من البيت ومايرجع ولايفكر في احد وكيف يكون موقف امي ...؟؟
ابوي ماراح يقوم بهذا الدور ابوي برى البيت اغلب وقته واذا جاء مثلا بالليل متأخر مايدق عليه ويطلب منه يدخل لاينام ومايفكر يعرف ان امي
اهي الي راح تتعذب معه

اشكرك ع ردك
ان شاء الله راح اجيب الكتب مع اني قريت كثير عن المرااهق لكن احس اخوي غير لانه يغى ابوي يتحرك لكن مااقول الله يهديه ياااارب

تعطيك اااالف عافيه

تحيتي

ياوئااام عادي المرااهقه تختلف من شخص لشخص في أحد تكون مرااهقته زااايده وعنيفه وأتوقع أخوك هذا

راح يكون أفضل اخوانك بعدين .....بصرااحه أنا مع اني بنت الا اني مراااهقتي زززفت وكنت عنننننننيددده

تدرين ليه لان اللي حولي استخدموا معي اسلوب العناد والهواااش فصرت أنا أعاندهم وأبين عندهم اني

قوووويه وماتأثر مع اني كنت أتأثر من جوا بس الحمدلله من ثاني جامعه تقريبا انقلبت وحده ثااانيه وصرت مضرب المثل وانقلبت جمااال الروح ثااانيه شاااايفه كيفودايم لما أهلي يذكروني بأيام زمان يضيق صدري كيف كنت كذا بس الحمدلله

والهدف من الكلام هذا ان أخوك ماتستخدمون معاوه اسلوب العناد وتسبونه وتنفرووون منه بالعكس لازم

يكون فيه واحد منكم يحبه يضحك معه ويسولف معه وبعدين يوجهه ويقنعه ولازم ايضا تعطووونه كلمه بالبيت

وتستشيرونه ولما يخطي تقولون ليه كذا ماتوقعناها منك وبالاول والاخيررررررررررررررر الدعاء ثم الدعاء يعني أمك وأنتي وأخوانك ادعوله بالهدايه والصلاح وصدقيني راح يتغير وراح يعجبكم باذن الله

مرحبا اختي جمال الروح

ياقلبي ادري المراهقه تختلف

لكن صدق الاخ mzeitoun يوم قال يبغاله ابوي يشد عليه بس ماينفع معه الحبس ابد لانه موصغير

الله يهديه يااااااااااااارب

كفيتوا وفيتوا
الموضوع مغلق ..!!!!