تحمّلت العناد اللي حصل منّـك واقـول تمون
ـ ولكن كل شي(ن) زاد عـن حـدّه فهـو ضـدّه

تسير بنا المراكب وسط بحر(ن) كل يوم(ن) لون
و لا ظني نواصل والصبر منـي وصـل حـدّه

نزف جرح الغدر منّي مثل ما ينزف المطعـون
ضغطت الجرح بابهامي كبر جرحي ولا سـدّه

ترى جروح المشاعر ما تداوا كان مـا تـدرون
يضجّ بها الألـم فـي داخـل الأعمـاق ممتـدّه

حسافه كنت احسّ اني بقلبـك والحشـا مدفـون
وانـي أقـرب العالـم وقلبـك كاسـب(ن)وده

ذبل ورد الأمل مني وجفّت في يدينـي غصـون
وأيام الهنـا صـارت علـى مِغليـك مسـودّه

أنا أول على شانك اسكّـت كـل مـن يحكـون
واعدّك صادق(ن) وافي وما احد(ن) غيرك اعدّه

فتحت كتاب قلبي لك وبيّح خاطـري المكنـون
واقول انت الرفيق اللي ذخرتك حـزّت الشـدّه

تبيّن ما خفـى عنّـي وتفتّـح للجريـح عيون
تغشّاها ظـلام الزيـف والتظليـل مـن مـدّه

قِدرنا ما نكون اصحاب وخلّ الّلي يكون يكـون
وهـذا قـدّره ربـي ولا نـقـدر عـلـى ردّه

عسى الله يسعدك أبعد وعزاي لقلبي المحـزون
وبقى لي جرحي النازف وحال(ن) غدركم هـدّه




مما راق لي