هل تفكيري بمكانه والا حساسيه بس؟؟
مسائكم خيرات
فكروا معي
عائله تقرب لك قرابه درجه اولى( عيال عمك اخو ابوك من الجدوالجده )
مكونه من اشخاص
بينكم عيش وملح وكانت اموركم طيبه قبل لا يتوفى الله الكبار ..بعد ما توفوا صار التعامل تجاري !!!!
المهم
حصل في اخر كم سنه تجاوزات من طرفهم وزادت بعد وفاة والدتهم قبل فتره
اذكر لكم امثله للتقريب وقيسوا عليها
كلهم فيهم طبع نقل الكلام .. وياليت صح .. الا كذب ومبهر علشان يعملون طنه ورنه واذا مافيه مشاكل قالوا يارب تحصل مصيبه نغير جو !!!!!!!!!!!!!!!!!!!!!
(قلت سالفه لواحد منهم على انها سر وبعد ثلاث ساعات الا يدقون علينا ناس من الجنوب يستفسرون عن صحة السالفه !!!!!!!!!!! معناتها السالفه مرت على جميع مناطق المملكه )
هم احد اسباب اطلاق الاشاعات وقت مشاكلك مع زوجتك او اخوك..او اختك..!!!!!!!!!!!!! يعني يزيدون الطين بله الله حسيبهم
كنت اقول لا مو معقول .. بس اتفاجأ فيهم يجون يضحكون انه معليش احنا السبب!!!!
فيهم غموض ولا تعرف عن دواخلهم شي ... وحب تعدي على خصوصيات الغير بشكل سافر جدا و فج احيانا كثيره.. ولو حسوا انك مارست حق الاحتفاظ بخصوصيتك عليهم راحوا شرشحوك في مجالس الناس وحطوا فيك اللي ماهو فيك والناس يصدقونهم لأنك عمرك ما اشتكيت منهم .. ارضاءلله ثم للوالدين المتوفين مو عشان سواد عيونهم
لما تحصل طلعات جماعيه مايشاركون بالقطيه بحكم ان رواتبهم ضعيفه مع ان اقل واحد منهم راتبه خمسه الاف والبقيه يتدرجون للوصول للعشرين الف .. شي معروف لدى الكل ..ياليت بس مايشاركون في القطيه ..لا يجونك ويقولون ادفع انت عننا لأن راتبك عالي ماعليك قصور ( فيه قلة ادب اكثر من كذا؟ ) تقوم انت منحرج من تصرفهم الأرعن وتدفع عنهم ومتوقع احد منهم يضحك ويقول نمزح معك بس طلع من جدهم ..مع العلم ان اكثر مبلغ حصل للقطيه 250 ريال فقط لا غير في طلعه يوم كامل ..!!!!! زوجتي في اخر طلعه جتها وحده من حريم الاولاد هذول قالتها لها بالفم المليان قالت انا ماجبت شي ولا الباقيات .. لأنهم قالوا ماله داعي نجيب شي !!!!!!!!
في رمضان وما ادراك ما رمضان ... يجونك طيران اذا عزمتهم برغم بعد المسافه بينك وبينهم ( ساعتين الا قليل ).. هم ماعمرهم عزموك مع العلم انك تعزمهم من ما يقارب العشر سنين (في كذا مناسبه مو بس رمضان ) ولا مره نادوك بحجة الانشغال بالعيد !!!!!!!!!!!!! مع ان الشهر 30 يوم الظاهر كل يوم يتقضون للعيد طول العشر سنين!!
موقف حصل مع زوجتي رمضان اللي فات حتى اختي شهدت عليه جتهم صدمه منه ( زوجة احد هالفالحين ..وهي جالسه ع السفره في رمضان فطور..زوجتي يومين تعبانه وهلكانه تحضير .. والكل اعجبه البوفيه ..قامت وحده منهم تضحك وتقول لزوجتي اغرفي لي من كل حاجه علشان احكم على طبخك واذا ماعجبني ترى بوجهك رح
اسبك !!!!! ..ولما اكلت وعجبها قامت تضحك ..قالت ولكي نفس بعد تطبخين .. و الله انا مكانك ما اسوي ربع السفره و كل وحده تجيب اكلها معها.. الله ما بيدخلني الجنه علشان فطور !!!!!!!!!!! وقعدت تضحك وهم مشوها ضحك وتجاهل معها ...
ولما جو طالعين اخذت من كل الاكلات مقدار للسحور وهي تضحك .. وبتهكم تقول معليش رح امشيها كلها من عندك اليوم .. وياويلك لو انقلب زوجي علي من ورا طبخك !!!!!
اللي خلاني اذكر هالموقف ان زوجتي ماكانت تبيهم يجون وقالتها انها ما ترتاح للحريم بس قلت لا صلة الرحم وساعديني على الاجر ووافقت ماكسرت بخاطري ..وعلى تعبها هم كسرواا بخاطرها واحس اني مدين لها مدى الحياه
بينهم طلعات وعزايم ما يشاركونا فيها .. عادي .. بس اللي مو عادي انهم بعدين يجون يقولون لك على اللي سووه وانهم مانادوكم لأنها طلعه(
عائليه ). اكتشفت بعد هالسنين اننا مو من عيله وحده .. يا حسايف والله
قمت بعمل غرفتين في حوش بيتي وشريت سياره عائليه كبيره وكله بتوفيق الله .. مادريت الا ماخذيني سالفه في مجلس وقاعدين يضحكون خلق الله علي .. ( شوفوا الأهبل هذا ضيع فلوسه على بيته وسياره كبيره ) طبعا فيه رجال تأثروا بمنطقهم وجلسوا يضحكون وانا تضايقت ورديت عليهم :والله انتم المهابيل والا انا رجال .. فلوس راحت في بيتي واهلي مو ضايعه .. وللحق هم كل سنه يطلعون مع اهاليهم سفريات محترمه ماتقل عن شهر ونص .. لكن هالشهر ونص يكلفهم حوالي 40 الف ريال اذا مو اكثر ( هذول اللي مايقدرون على قطية 250 ريال )... ما اشوف ان ولدي اذا كبر رح يستفيد من هالسفريات قدر مايستفيد من الغرفتين والسياره الواسعه ..
قبل مده عملوا عشا .. مانادوني عليه بحجة اني بعيد!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!! وكان فيه ناس كبار قعدوا يسألون عني .. ظلوا يقولون لهم لالا هذا بعيد ما يجي!!!ياناس قسما بالله ماقد نادوني ابد!
( عاد الموقف اللي خلاني اقفل منهم تماما واكرههم غصب عني وخلاااااص ابطل اقدرهم واحترمهم ولا عاد اطيق اسمع سيرتهم ولا اشوفهم واقول الله يرحم من مات )
7
7
امهم قبل فتره وقبل لا تصاب بمرض وفاتها الله يرحمها .. اصابتها انفلونزا الخنازير.. ماعلمونا !!!!
لما رحت ازورها في بيتها الا ماهي فيه ..عرفت انها في المستشفى فكنت اتصل على ولدها علشان يدلني على غرفتها .. وجلس يدلني الين دخلت عندها وقفلت منه .. كانوا عيالي كلهم معاي وزوجتي حامل .. اول مادخلنا عند العجوز الله يرحمها الا قامت تصيح تقول اطلعوا برا .. انتوا مجانين تجوني ! انا فيني انفلونزا خنازير اطلعوا لا اعديكم .. طبعا بعد ما كلنا صرنا عندها !!! قمنا جاملناها وسوينا نفسنا مو مصدقين وسلمنا عليها وماطولنا بناء على رغبتها الله يوسع عليها
لما طلعت وانا اغلي غليان من الحركه هذي .. دقيت على ولدها اللي دلني عليها.. سألته بهدوووء... صحيح فيها انفلونزا؟
قال بكل برود : يووووووووووووووووووووووووووووه انت دريت! مع اننا قلنا لها لا تعلم احد ! خلاص يالله تعيش وتاكل غيرها بس رجاء لا تعلم حد !!!!!!!!!!!!!!!!! مانبي حد يدري .. هذا موضوع خاص !!!!!!!!!!!!!!!!!!!!!!!!!!!!!!!!!!!!!!!
صراحه كل ما اتذكر ادعي عليهم من قلب قلب قلبي .. الله سلمني انا والعيال وزوجتي .. اعتقد لو ماقلنا الاذكار ونيتنا صافيه ماكان عديناها بسلام
الان تساؤلي : هل بعد مثل هذي المواقف وغيرها كثير جدا جدا جدا .. بعد تدخلونهم بيوتكم لو هم اقاربكم؟
لا تقولون لي اجر وادفع السيئه بالحسنه هذا كان مبدأي ولم يعد كذلك.. .. لأن صار الموضوع فيه تعدي .. قصدي خلاص ماعاد ادخلهم بيتي واكتفي بالمناسبات والأعياد فقط .. اخواني كلهم للعلم من زمان ماعاد يعطونهم وجه لكن انا الوحيد اللي قلت لا صلة رحم لابد منها .. لكن الحين .. ومع كل موقف نتلاقى فيه لابد شي ينكد علينا.. تطاولات تجاوزات اهانات تهكمات تعليقات قلة ادب وحركات قرعا ..حتى زوجتي يجيها من حريمهم .. صرت اقول كفاها الله
معاي انتو !!!!!!!!!!!!!!!!!!!!!!!!
28-04-2010, 07:57 PM
ـــكم بلا استثنـاء ~
ضوابط المشاركة
العرض العادي
