حمام التبييض الفوري + توحيد لون الجسم - منتدى عالم الأسرة والمجتمع

29-05-2010, 02:35 PM

بـــــدور

عضو جديد

تاريخ التسجيل: May 2010

المشاركات: 4

حمام التبييض الفوري + توحيد لون الجسم

[CENTER]

السلام عليكم ورحمة الله وبركاته..
كيفكم بنات صبايا حريم كلكم عساكم بخير ان شاء الله.. انا بصراحه جديده بهالمنتدى قريت موظوع وحده عن افضل انواع السنفرات سجلت عشان ارد قالي الموظوع مغلق .. ع العموم ماعلينا ..بس براسي ارد عليها ودام الموظوع مغلق انا بنزل موظوعي وان شاء الله تستفيدون .. صح انه منقول بس انا مجربه بعض الاشياء فيه وصراحه شئ شئ شئئئئ يجنن.. انا ماخترعت شئ من راسي مجربه من منتديات والحمدالله حلو..

اترككم مع الخلطات واللي بصراحه مريحتني ..

حمام التبييض الفوري يستخدم للمناسبات ويعطي تبييض ليومين أو ثلاث

يناسب العرائس ومابعد الولاده لان النتيجه سريعه

وكذلك للبنوتات الحلوات اللي العين عليهم..

الفوائد:
1.تبييض سريع للجسم
2- تنظيف للجسم
3.توحيد لون الأكواع والركب وسمار الأيدي

المكونات:

صابون مغربي

سنفره جسم أي نوع

كريم كاب

سنفره العروس

ملح الحليب 4م

عصير نص ليمونه

أوكسجين رقم عشره أو اوكسدنت بالأعشاب

حليب بودره أربع ملاعق اكل

هرده مقدار فنجان قهوه

ماء ورد

لوشن مرطب
طريق عمل خلطة الحمام

نخلط السنفره مع شوي بلسم تجهز قبل الحمام

نخلط الهرده مع الحليب وشوي ماء ورد تجهز قبل الحمام

نخلط سنفره العروس مع ملح الحليب وعصر نص ليمون

نخلط كريم كاب مع الأوكسجين مقدار قليل (فنجان قهوة) وماء الورد وهذي أهم خلطه للتبييض

ملاحظه تخلط عند الاستخدام فقط

الطريقة :

نعمل حمام مغربي عادي والفرك يكون خفيف جدا ونعمل حمام زيت للشعر

نضع السنفره على الجسم خمس دقائق ونفرك بشكل ناعم براحه اليد

نغسل الجسم بالماء الدافئ القريب للبارد

نخلط سنفره العروس مع ملح الحليب وعصير نص ليمون ونضعها كماسك
للجسم ربع ساعة ويغسل بالماء فقط

نضع خلطه التبييض كريم كاب واكسجين ولازم تخلط قبل الاستخدام مباشره أو قبلها بدقائق (السر بالاكسجين مع صنفره كاب)

ننتظر ربع ساعة أو عشر دقائق وتغسل بالماء

وأخيرا خلطة الهرده ويغسل الجسم بالماء ونغسل بالصابون أو الشور جل

وهذه الخطوه مهمه جدا لتهدئه بشرة الجسم

ونضع اللوشن وتمتعي بالبياض

تـــــنبيه هـــــــــــــــــــــــــــــــــــــــام

صاحبات البشرة الحساسة أو الحبوب تجرب الخلطة قبل عمل الحمام
أو تكتفي بوضعها على الأطراف

انا بصراحه ماجربت هالحمام لسى بس بجربه .. بس اعرف فيه كريم كاب
والله يابنات كريم كاب شئ جناااان .. وبقولكم كيف استخدمه بس اصبرو علي..
********
ونجي عند طريقتي ..ادخل الحمام واحط ع نفسي مويه دافيه مايله للحاره ع كل جسمي عشان افتح المسام
وبعدها صابون مغربي سائل ع كل جسمي بحركه دائريه وادقق ع المناطق السمراء..
وبعدها اخذ الليفة المغربيه السوداء وابللها بمويه دافيه وافرك جسمي بحركه دائريه
بس بشويش...
وادقق ع المناطق السمراء الركب والاكواع اما مابين الفخذين والابط انتبهي تفركينهم بقوه..
وبعدها اغسل جسمي بمويه دافيه.. وبعدها اخذ سنفرة كاب..
واحطها على كل جسمي من جبهتي الى اخر اصبع برجلي احطها بحركة دائريه..
وابدا افرك بحركه دائريه بيدي مدة 5 دقايق..
وبعدها اغسل جسمي بمويه دافيه وبعدها مويه بارده وبعدها اتحمم عادي اطلع من الحمام ريحتي واااو من سنفرة كاب..
وبشرتي تصير بعد السنفره مخمليه..
اهم شئ المدااااااومه اممم يعني مع كل استحمام..
هذي طريقتي انا ماخذتها من موظوع وبكتب لكم الموظوع الاصلي ..
وماانسى اقولكم انا حتى رجلي من تحت افركا بالليفه المغربيه اطلع من الحمام وانتو بالكرامه ولون رجلي من تحت ورديه..

********
الطلباات00صنفرة كاب اكيد الكل يعرفها (صنفرة كاب لون العلبه ابيض وعليها ورقه صفراء.. لون الكريم من جوا ابيض سعره 40 ريال في صيدلية النهدي تقريبا يكفيك استخدامه 4 مرات وتخلص العلبه)..
ملح الحليب يوكو سبا (كيس سعره 10 ريال تلقينه عند العطار لون الكيس اسود وشفاف عليه بقره من قدام ومن ورا بنت حاطه الكريم ع الابط ومابين الافخاذ وملح الحليب لونه سكري)..
صابون مغربي (تلقينه عند العطار وفي الصيدليات في صيدلية النهدي سعره 12 ريال مجموعه مغربيه فيها صابونه الغار *صابونة الطاووس* .. وصابون مغربي سائل.. وطين مغربي.. وليفة مغربيه سودا.. وصابون معطر)..
ليفه البودي شوب (انا افضل الليفه المغربيه ماتجرح)
اول ماتدخلين الحمام وانتو بكرامه رشي نفسك بشوي مويه حاره وحطي الصابون المغربي
وهو بجسمك افركي بالليفه وخليه شوي وبعدها اغسليه بالماي
وبعدها حطي صنفرة كااااب وافركي بيدك افركي لمده 3دقايق وبعدها حطي فوق الصنفره ملح الحليب
والبسي الليفه وافركي الملح افركي واصبري دقيقتين واغسلي جسمك بالماي الدافي وبعدها البارد
وتحممي عادي واطلعي وبتشوفين الفرق من اول استخدام بالنعومه والنظافه والبياض
وهذي الخلطه مايبي لها الا المداومه..

*******
وكمان قريت موظوع بمنتدى..بالنسبة يلي تكلموا عن كريم ( كاب ) تراه فظيع وانا دايم أحطة لجسمي ثم أدخل خيمة السونا وللة يفتح المناطق الغامقة في جسمك وينعمها.. واذا قررتي تشترينة أخذي كمية يعني حبتين أو ثلاث لان مع الاستعمال المتواصل راح تلقين زي النجفة ..
*******
انا شخصيا اللي عرفني عن كريم كاب وحده تجيها سودانيه تعملها الخلطه السودانيه تحط عليها كريم كاب وتخليها تدخل حمام السونا مدة 40 دقيقه.. الصنفره كل ماطولت كانت نتايجها حلوه بس من اللي بيصبر 40 دقيقه في السونا..
*****

ملاااااحظه:بنات لاتنسون كريم مرطب ع جسمكم بعد الحمام هذا شئ مهم جدا عشان ماتصير المنطقه خشنه ولا تسمر..

*******

خواتي انا حطيت لكم الموظوع للاستفاده وماابي الا دعواتكم لي بالتوفيق والستر..

اتمنى انكم تستفيدون من هالموظوع وصراحه انا اموت بكريم كاب لاني شفت نتيجته حلوه كتبت لكم كل شئ شفته مفيد ويخص كريم كاب..
واي سؤال انا جاهزه.. واي وحده عندا معلومه تحطها..
احنا نفيد ونستفيد..
تحياتي لكم..[/CENTER

29-05-2010, 03:57 PM

toota2

قلم مبدع

تاريخ التسجيل: Apr 2006

المشاركات: 1,348

بصراحه حمستيني وانا افضل اسوي هالشغلات في البيت علشان اكون ضامنه النظافه بدل الحمام المغربي في الصالونات

بس الكريم كاب هذا اسمه ؟؟؟؟؟؟؟وانا في الامارات ممكن احصله في الصيدليات ؟؟؟

مشكوره

29-05-2010, 05:17 PM

بنت مكة2008

كبار شخصيات المنتدى

تاريخ التسجيل: Apr 2009

المشاركات: 7,516

تسلمى على الموضوع الحلووو والمهم طبعاااااااااا

__________________
ياررب ارح قلبي وعوضني خير

29-05-2010, 05:27 PM

رحيل دائم

كبار شخصيات المنتدى

تاريخ التسجيل: Nov 2005

المشاركات: 1,240

دكتور جلدية خبرني انه سبب البقع السودا بالجسم الدعك بالليفة
وقلي نصيحة لاتستخدمي الليفة بالحمام انما شامبو سائل خاص بالجسم دون ليفة

وهاي نصيحة من دكتور للاخوات جميعا

__________________

29-05-2010, 07:02 PM

بـــــدور

عضو جديد

تاريخ التسجيل: May 2010

المشاركات: 4

اهلين toota2 صراحه عزيزتي انا بالسعوديه وماعندي أي خلفيه عن أي دولة اخرى بس اكيد كريم كاب راح تحصلينه عند الصيدليات واذا مو في الصيدليات اكيد عند العطارين تعرفين ماشالله العطارين المحل صغير بس متروس قش

*****
بنت مكه 2008 اسعدني مرورك عزيزتي

*****
رحيل دائم عزيزتي انا اتكلم عن تجربتي الشخصيه جربته وبصراحه الحمدالله مافيه بقع سودا لاني افرك برقه مو اعمل حرب بين الليفه وبشرتي.. مع اني سمعت من وحده تقول لما جتها السودانيه تعمل لها الدلكه السودانيه قالت لها الفرك برا حمام السونا مايكون جوا يعني بعد ماتطلعي من حمام السونا فهمتي اما بالحمام العادي ماياثر بس جوا والا برا صراحه مايأثر دامك تفركين برقه.. الخشونه انتبهي منها مهما كان هذي بشره.. واحنا نسعى لتنظيفه والعنايه بها مو تدميرها ..

29-05-2010, 09:01 PM

شوكه بين ورد

عضو مثالي

تاريخ التسجيل: May 2010

المشاركات: 1,120

يااخواتي انا قالتلي شغالة اندونيسية ان المقشر الاندونيسي يخلي بشرتك حلوه اذا استمريتي عليه وانا جربته فتره وكنت احطه على جسمي واتركه خمس دقايق بعدين اقشر جسمي من تحت لفوق والصراح صارت بشرتي ناعمه بس ذحين وقفته بسبب انشغالي بالاولاد

30-05-2010, 02:45 AM

نظرة أمل

كبار شخصيات المنتدى

تاريخ التسجيل: Nov 2005

المشاركات: 3,738

عذراً المنقول ممنوع ..

__________________

استغفر الله الذي لا إله إلاّ هو الحيُّ القيوم وأتوب إليه

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] معطلة كود HTML معطلة قوانين المنتدى

روابط سريعه